Европските влади и Брисел се повлекуваат од амбициозните намери да развијат сопствени напредни модели со вештачка интелигенција за да стекнат технолошка независност. Пресметале дека е попаметно напорите да се пренасочат кон новата политика: Европа не треба да поседува свои модели сè додека не може да ги стави во функција американските и кинеските.

Кризата во автомобилската индустрија во Европа не е само последица на кинеската конкуренција, слабата побарувачка и поскапата енергија. Производителите предолго инвестирале во мотори со внатрешно согорување, краткорочна профитабилност и дивиденди, а предоцна во производство на батерии, електрификација и развој на софтвер, заклучуваат економисти на Allianz.

Муабети во Силициумската долина стануваат сè почести дека инжинерски кругови околу моделот на вештачка интелигенција, Клод, кон него се однесуваат како кон божество. А моделот на човечкото однесување во такви ситуации е познат. Прво обожуваш, па коленичиш пред него па на крај му принесуваш жртви.

Во агресивната енергетска трансформација, Кина постави сончеви колектори насекаде – поплочи цели градови, ги крена над автопати и ги нареди на пловечки платформи крај брегот. Сега успеа да произведе енергија и од сончеви колектори потопени под вода, со револуционерна технологија која на тестирањето дала резултати блиски до теоретскиот максимум на ефикасност.

Ако од некаде ни изгледа позната денешната хистерија околу итната опасност од вештачката интелигенција и нејзино забегување, тоа е затоа што за помалку од 10 години, четири пати видовме и преживеавме такви морални паники, водени од „најпрогресивните“ слоеви на човештвото. Сценариото секогаш беше исто: толку е итен проблемот што нема време за дебата.

Тесла сериозно ги зголеми капацитетите за производство на роботот Оптимус но во меѓувреме сфати дека обемот не е главниот проблем. Роботот знае да беспрекорно да извршува комплицирани задачи за кои имал обука но паѓа на базични, генерални задачи. Ќе му кажеш да ти донесе пиво од фрижидер, тој ќе ти донесе Газоза.    

Научници конструираа функционален компјутер што може да врши аритметички операции со помош од ДНК. Иако е страшно бавен, се покажал како енергетски поефикасен од постоечките био-компјутери, кои поврзуваат живи клетки со традиционален хардвер. Не следи организиран процес, не прави неповратни чекори, а сепак на крајот секогаш го дава точниот одговор.

Застарено е користењето на вештачката интелигенција за секојдневни прашања (откако Гугл стана практично неупотреблив да најдеш нешто) од типот „Дај ми рецепт за торта ама да не се здебелам“ или „Кажи место со жива свирка музика кајшто НЕ ја свират „Whind of Change“. Шемата е во агентите на вештачката интелигенција кои сами бркаат работа. Просечна дневна сесија на агент троши колку два фрижидера.  

Апокалиптичните предупредувања дека ВИ ќе го уништи човештвото прошириja страв од нова глобална закана, слична на климатските промени или ковид. Водечките технолошки компании всушност создадоа пазар на параноја на кој можат да вртат стотици милијарди долари. Владите, пак, добија аргумент да го засилат надзорот врз луѓето и да го ограничат пристапот до интернет.

Аnthropic, OpenAI и Google од јули одржуваат состаноци за формирање заедничко тело кое ќе воведе стандарди за ВИ и бараат поддршка од владата, со гаранции дека САД нема да ја изгубат глобалната доминација. Амодеи всушност бара приватни компании да добијат законска дозвола да ја регулираат ВИ и да бидат судии дали ги почитуваат правилата што самите ги поставиле.

Антропик блокирал хакери, измамници, владини агенции, потенцијални терористи и конкуренти кои го злоупотребувале ботот со ВИ Claude. Најчесто го користеле за да пробие заштитени системи, да овозможи надзор и да шири пропаганда, но некои му барале совети за создавање нови оружја, наведувани балистички проектили, биолошки отрови или вируси со убиствени функции.

Паметните телевизори одамна ја следат активноста на корисниците за да им сервираат реклами по мерка, но обемот на приватни информации што наводно ги собираат е зголемен до загрижувачки димензии. Истражувачи од „Gamers Nexus“ тврдат дека телевизорите од LG можат да ги прислушуваат и да снимаат разговори на корисниците дури и кога екраните се исклучени.

На стандардните домашни WiFi-рутери не им се потребни камери ниту сензори од поврзани смарт уреди за да детектира кога некој се движи низ домот. Ги следи сигналите што се одбиваат од телата. Со едноставна анализа на овие сигнали, може да се идентификуваат луѓето и да се мапираат нивната околина и навиките, без оглед дали некој уред е поврзан на мрежата.

Повикот на ОН развојот на вештачката интелигенција целосно да се напојува од обновливи извори на енергија удри во ѕидот на реалноста. Ветерниците и соларните електрани не можат да ја задоволат огромната побарувачка за струја од центрите за податоци. Климатските активисти не попуштаат: „Ако вложуваат милијарди за центри, ќе мора да платат и за чисти електрани“.

Инженери создадоа дрон кој луѓето не можат да го забележат. Ја искористиле несовршеноста на окото за да му ја прилагодат брзината на ротацијата на пропелерите. Покрај сите можни злонамерни намени на овој летечки фантом, производителите се задржаа на единствената со која некако можат да го оправдаат - „за набљудување на дивите животни“. 

Само Холандија и никој друг во светот ги прави машините за производство на напредните чипови кои се клучни за развојот на системите со вештачка интелигенција. Администрацијата на Трамп се сомнева дека до Кина веќе протекле доволно компоненти и знаење за да може самата да ги конструира најважните машини на светот и да ја загрози американската доминација.

Калифорниска компанија доби дозвола да тестира сателитски систем со огромни огледала кои ќе ги рефлектираат сончевите зраци за да осветлуваат населби или да напојуваат соларни централи ноќе. Ако тестот се покаже успешен, планот е во орбита да се распоредат 50.000 огледала до 2035 година. Зраците четири пати посветли од полна месечина би се изнајмувале за 5.000 долари за час.

Вештачката интелигенција пристигна како порачана за криминалците и измамниците. Хакерите имаат моќни алатки да пробиваат дигитални заштити и да крадат чувствителни податоци. Фалсификатори полесно копираат уметнички и генерираат лажни потврди за автентичност. Неизбежно беше ботовите да им помагаат на терористи и на бомбаши.

Откога почна да се вградуваат камери и сензори во колите, отворено е прашањето дали тие повеќе им помагаат на возачите, на осигурителните компании или на владините агенции што ги надгледуваат граѓаните. Новите правила на ЕУ ја оставаат таа дилема отворена. Ќе се снимаат погледот и сите движења на возачите, а сите податоци ќе се чуваат во „црна кутија“.

Во новата глобална војна за технолошка доминација, Белата куќа ја штити домашната вештачка интелигенција како национално богатство на САД. Всушност, економијата на ВИ има глобални корени. Многу од гигантите во Силициумската долина, вредни стотици милиони долари, се основани од странци кои воделе бизнис пред да дојдат во Америка. 

Пред десет години на почетокот на револуцијата на ВИ студентите по хуманистички науки беа предупредени: ако сакате да бидете конкурентни на пазарот на трудот, научете да програмирате. Ова не се покажа како добар совет. Денес, програмерите се тие што се плашат дека вештачката интелигенција ќе им ги земе работните места, а технолошките компании вработуваат филозофи.

Midjourney - компанијата за вештачка интелигенција која стана позната по генерирање слики од текстуални инструкции, својот оддел за медицински хардвер го промовираше со демонстрација на  функционален прототип на скенер за цело тело, различен од сè што некогаш постоело. Ве потопуваат во вода и после една минута сè е јасно за вашите органи, ткива, крвни садови, коски, мускули и распределба на масти.

Милиони луѓе во Венецуела на своите андроид телефони добиле предупредување од Гугл непосредно пред да ги погоди катастрофалниот земјотрес во кој настрадаа стотици ако не и илјадници луѓе. Предупредувањето дошло само неколку секунди пред земјотресот. Можеби не секогаш доволно да се спаси жива глава но доволно за да се постави старото прашање: може ли технологијата да нè спаси?

Газдата на Мета сака да се вклучи во бизнисот на пазари за предвидување што им донесе многу пари на Полимаркет и Калши. Платформата „Арена“ на Марк Закерберг би била одвоена од Фејсбук и Инстаграм, но би ги опфатила нивните 3 милијарди корисници. Во почетокот ќе може да се кладат со „дигитални жетони“, со план потоа системот да се префрли на вистински пари.