Косовскиот премиер Албин Курти сите ги става пред свршен чин со своите акции на северот на Косов, вели аналитичарот Марко Прелец кој има докторирано на Јејл и работено за Хашкиот трибунал и Меѓународнта кризна група. Проценува дека би можело да следи презенање на српските училишта и болници.

Рударскиот гигант веќе поседува 51 од 52-те куќи во Горње Недељице, на просторот на планираниот рудниик за литиум. Сега ја купува и таа. Давале одлични пари (и по 700.000 евра) па отпорот сега го водат оние мештани кои живеат во куќи кои итно не му требаат на Рио Тинто.

Преку 200 барање за отштета има добиено словенечкото министерство за здравство заради последици предизвикани од примањето ковид вакцина. Има и смртни случаи и случаи на сериозно или трајно нарушување на животни функции а досега исплатените отштети се движат меѓу 20.000 ии 60.000 евра. 

Првпат кога даночните власти на Грција почнаа да користат сателитски снимки во време на економскатата криза и фискалната диета, беа откриени фрапантен број непријавени домашни базени. Сега е уште полесно со дроновите кои шпартаат по Халкикиди и други места. За пет дена биле наплатени 350.000 евра казни. 

Во речиси сите држави на Европа се тежнее кон пократка, четиридневна работна недела, но грчката влада реши да ја продолжи работната недела и на шестиот ден - ако така посака работодавецот. Вработените тука никој ништо не ги прашува. Грците можат лесно да се вработат во масовно развиениот сектор на туризмот но обично викаат - не, фала.

Ви го понудивме целиот разговор меѓу канадско-унгарскиот психолог Габор Мате и непослушниот Грк Јанис Варуфакис, но, да ви обрнеме внимание на еден детал од разговорот. Да, тоа што е во насловот. Да не испадне дека само ние нешто вергламе на таа тема и дека нема кој Грците да ги потсети наа повоените страдања на грчкиот режим.

„Досието на Вашингтон покажува дека е подобар да води војни отколку да се занимава со она што следи потоа“, пишува Политико во еден екстензивен прилог за тоа какво е Косово денес, 25 години откако Американците издејствуваа да прогласи независност. Ако Косово е некаков водич, Украинците треба да внимаваат што посакуваат кога планираат корпоративна Америка да им ја обвновува земјата. 

Дејтонскиот договор за Босна и Херцеговина и Охридскиот рамковен за Македонија имаат речиси идентични ефекти: краткорочно ги прекинаа војните но ги оставија земјите во долгорочна неспособност да се управувават самите себе. Босанците имаат и камшикар и поплава од НВО-а (дури 25. 600!) и пак ништо. Да не се токму тие елементи клучни за крахот?

“Блек Рок е најмоќниот концерн на светот за кој никој не слушнал“, напиша своевремено германската новинарка Хајке Бухтер за овој неформален владетел на светот. Во Србија влегоа тивко, деновиве вработуваат а опозицијата ја имаше фатено уплав дека се имаат намерачено да го откупат јавниот долг, за што земјата би ги заложила своите природни богатства.

Откако дипломирала како форензички антрополог па до денес кога е во своите рани 40 години, Драгана Вучетиќ од Србија е посветена на задачата да ги идентификува жртвите од масакрот во Сребреница кој се случи пред 28 години. Затоа што анонимноста на нивните посмртни останки фрлани во масовни граници е онаа екстра казна на која ги имаат осудено нивните убијци.

Инвестираш во дигитална свиња и по 900 дена, твојата дигитална свиња се претвора во вистинска. Се работи за една нова иновативна платформа во Хрватска во која на луѓе им се овозможува да имаат својата фарма или градина со здрава храна, додека други ја вршат физичката работа за нив.

Луѓе преноќуваат во долги редови пред полициски станици во грчки градови за да извадат нови лични документи во стариот формат пред да станат задолжителни дигиталните лични карти подоцна во септември. Недоверливи се кон новите исправи поради јанѕа дека имаат микрочип преку кој државата ќе може 24/7 да ги следи нивните активности.

Европската јавна обвинителка Лаура Ковеши конечно реши да покрене акција во Бугарија, која долго време се смета за еден од најочигледните примери за неспособноста на Брисел да го реши проблемот со грабежи на европските фондови. Европското обвинителство во Бугарија води 143 истраги, со вкупна штета од 492 милиони евра.

Од ланскиот февруари до денес, во Србија имаат дојдено околу 200.000 руски државјани. Во изминатата година имаат отворено над 4.000 фирми. Нивното влијание врз српската економија допрва ќе се види но нивниот престој веќе ги чини белграѓани: од цените на пазарите до цените на недвижнините.

ФБИ се соочува со еден од најголемите скандали кои му се случуваат во последно време. Еден негов поранешен шеф за разузнавање прво беше обвинет за сомнителни руски врски но во меѓувреме се обелоденуваат и детали за неговото сојузништво со Еди Рама во прогон на политички противници и рекетирање непослушни бизнисмени.  

Надвор од црквата Света Софија се наоѓа споменик на цар Борис III (1894–1943), со благодарност за спасувањето на бугарските Евреи. "Тоа е зачудувачки пример за историски ревизионизам со оглед на тоа што владата на Борис  испрати над 11.300 Евреи во смрт“, пишува деновиве независниот еврејски магазин Форвард.

Израел му се израдува на Еди Рама. Му се израдува затоа што избрка неколку ирански дипломати. Ги избрка заради истрагата за сајбер нападите во Албанија кои водеа кон Техеран. Зошто Техеран би организирал сајбер напади на Албанија? Како што знаете, сите вакви прашања завршуваат во Вашингтон. 

Пред неколку дена комплетен Петрич (старо, младо, македонско, бугарско) било надувано откако локалната полиција се фатила со палење на тони конфискуван канабис. Во станица во двор.

Омразата и хаосот се главните причини кои наведуваат бугарските медиуми за чудниот феномен кој се случува последниве денови, бегалците од Украина масовно да заминуваат од Бугарија. За да е појасно како им било на тие луѓе во земјата во која побарале засолниште од војната, од мирната Бугарија, Украинците главно решаваат да се вратат - дома. 

За разлика од сите странци во Бугарија на кои вообичаено на времето им ги крадеа колите, на украинските бегалци кои успеале да спасат жива глава и да стигнат во Бугарија со кола Бугарите почнаа да им ги крадат регистрациите.

Грејпфрут медиа е апликација која масовно се рашири низ Србија и Црна гора, а доаѓаше со едно фантастично ветување за заработување пари од лајкање, кое не бараше ништо од вас само една скромна почетна инвестиција од неколку стотици евра. Од пред некој ден апликацијата ја снема.

Брисел сфатил дека во некои „региони со посебни потреби“ луѓето можат не само да се побунат против поскапувањата и недостатокот на основни производи за живот туку и недајбоже погрешно да ги адресираат виновниците па да помислат дека за кризата кои ја преживуваат крив е Запад а не Русија.

Турција во 2020-те е далеку помоќна од Турција од 1990-те, па таа денес без ничија дозвола интервенира во Сирија и во Либија, а директно се вмеша во војната меѓу Азербејџан и Ерменија, кога е така, зошто не би можела да интервенира и во Босна ако тоа затреба?

Над 5.000 возила беа заглавени на минусни температури на обиколницата околу Атина откако снежна бура го затрупа главниот град на Грција.