САД се најголемата машина за задолжувања и трошоци. Најновиот месечен извештај на Министерството за финансии донесе ретко изненадување. Буџетски суфицит и тоа втор според износ во историјата. Дали тоа значи дека планот на претседателот Трамп функционира? Тарифите скромно помогнале, но еден добар месец не може да ја пополни големата дупка во буџетот.

Франција најде сурово решение за наркобосовите: затвор среде амазонска џунгла во Гвајана. Веднаш до озлогасениот работен логор од пред еден век, кај што беа Стив Мекквин и Дастин Хофман во филмот „Папијон“, но со ѕидови и правила што прилегаат на 21 век. Таму ќе ги чува чува локалците што пакуваат кокаин кон Европа, но и дилерите од Франција. И по некој радикален исламист.

Со еден од најголемите гласачки пресврти воопшто, завршија контроверзните претседателски избори во Романија, практично сè додека не победи проевропски кандидат. Во декември беа поништени откако најмногу гласови освои прорускиот Георгеску, а сега „романскиот Трамп“ го призна поразот иако во првиот круг водеше со двојно повеќе гласови од својот противкандидат.

Уште во февруари оваа година администрацијата на Трамп удри со санкции за главниот обвинител на Меѓународниот кривичен суд во Хаг, за да го обесхрабри да буричка по израелските злосторства во Газа, откако беше издадена потерница и по Нетанјаху. Како тоа изгледа? Карим Кан останал без меил, средствата му се замрзнати а некои „силни“ невладини организации сега се плашат и да одговорат не меилови од судот.

Откако арапските земји го отфрлија проектот на Трамп да ја претвори Газа во „Ривиера на Медитеранот“, но без Палестинци во неа, САД имаат нов план за трансфер на 1 милион Палестинци во Либија. На Триполи му се ветува одмрзнување на либиските милијарди, а на луѓето од Газа бесплатни домови и финансиска поддршка. Ако пропадне дилот со Либија, резервна опција е Сирија.

Аудио-снимката на сведочењето на Џо Бајден во 2023 година покажува зошто Белата куќа повеќе од една година строго забранувала да биде објавена. На транскриптот сè изгледа фино, но не може да се добие претстава за блокадите во говорот и шепкањата од адвокатот што му ја освежувал меморијата. Човек во таква состојба цела година ги водел САД, а можеше да добие уште еден мандат.

Иако со децении добар дел европски земји се колнеа дека никогаш нема да ѝ се вратат на струјата од нуклеарен погон, некогашните нуклеарни скептици денеска се тркаат кој побрзо и повеќе ќе гради атомски реактори за да имаат доволно евтина струја која нема да ја загадува природата. Последна е Данска, на ред се Шпанија и Шведска, а Италија и Белгија веќе го сторија тоа. Се чека на Германија.

Британија бара нова земја на Балканот во која би ги префрлала имигрантите што не добиле азил, откако Рама го одби предлогот на Стармер. Коментирајќи го „фијаското“ на Стармер во Тирана, британски весници ја спомнуваат Македонија меѓу новите потенцијалните партнери за зделката. Лондон веќе најави дека во Македонија ќе ја прошири својата работна група за миграција.

Тајната служба на САД истражува дали енигматичната порака од поранешниот директор на ФБИ всушност е повик за убиство на претседателот Доналд Трамп, кој лани два пати беше цел на атентати. Тивката војна помеѓу Џејмс Коми и Трамп почна во 2016 година, кога ФБИ отвори истрага за „руските врски“ на републиканците во кампањата, а ја затвори истрагата за мејловите на Хилари Клинтон.

Комисија на Сенатот во САД побара милитаризирање на биотехнологијата, наведувајќи шпекулативни податоци дека Кина веќе прави „супервојници“. Во име на националната безбедност се повикува на дерегулација и генетски експерименти на луѓе. Критичари предупредуваат: Се враќа паранојата од Студената војна и се бришат етичките граници на војувањето.

Што сè не пробале разни инженери за да ги ослободат градовите од сообраќајните гужви. Порано решението се гледаше во отворање нови коловозни ленти, а сега во затворање улици и бришење паркинг-места. Главната цел е да се обезбеди ефикасен јавен превоз, но тешко е на луѓето да им се одземе навиката да користат автомобили. Тие се поудобни, побезбедни и статусен симбол.

Канцеларот Фридрих Мерц најави дека Германија ќе ја изгради најмоќната конвенционална армија во Европа. Зголеменото задолжување може да ѝ помогне да го обнови арсеналот, но главниот проблем е да ги убеди младите Германци да ѝ служат на земјата со оружје во рака. Ако обидите „со убаво“ не привлечат доволно доброволци, строевите ќе бидат пополнети со регрутација.

Повеќе од 30 британски ветерани го прекинаа долгогодишниот молк и се охрабрија за ББЦ да сведочат за воените злосторства на нивните единици во операциите во Авганистан и во Ирак. Говорат за убиства на невооружени луѓе на спиење и егзекутирање врзани или ранети заробеници. Злосторствата рутински биле прикривани со подметнато оружје и фалсификувани извештаи.

Светот остана посиромашен за Хозе „Пепе“ Мухика. Левичарски герилец, измачуван затвореник, сенатор и некорумпиран претседател на Уругвај што со прогресивни реформи ја крена земјата од економска криза до благосостојба. Упорно ја отфрлаше етикетата „најсиромашен претседател на светот“ што му ја залепија медиумите: „Сиромашни се тие што сакаат повеќе, бидејќи се во бескрајна трка“.

Луѓето што веруваат дека светот го управуваат гуштери или дека ги шпионираат гулаби веројатно имаат потреба од советување во стручни институции. Но, кога Министерството за внатрешни на Германија отвора специјален центар за помош на „жртви“ на теории на заговор, тоа личи на орвеловска параноја и обид да се репрограмираат граѓаните да ги кодошат своите најблиски.

„Не сакаме да ѝ наштетиме на Кина... Тие затвораа фабрики“, објави со победнички тон Доналд Трамп откако ги укина високите царини што ѝ ги наметна на Кина. Свесен за последиците за американската економија, тој всушност беше првиот што трепна во соочувањето. Кина е јасен победник во трговската војна. Пекинг не направи никакви отстапки за да му угоди на Трамп.

Пет европски соседи на Русија решија да се откажат од светската забрана за нагазни мини. Учеле од искуството на Украина дека минските полиња ефикасно може да запрат офанзива. Наместо да учат од поранешните фронтови, каде што заборавени мини убиваат и осакатуваат цивили и децении откако ќе заврши војната. Мините не прават разлика дали ги стапнал војник или дете.

Кога Доналд Трамп го почна вториот мандат вети дека во морнаричката база Гвантанамо на Куба ќе бидат префрлени 30.000 мигранти. Таму сега има едвај 32 мигранти и 22 пати повеќе војници и службеници за да ги чуваат и да ги хранат. Само за транспорт со воени авиони биле потрошени повеќе од 20 милиони долари. За шатори кои воопшто не биле поставени уште 3 милиони.

Суд на ЕУ ќе пресуди дали шефицата на Европската комисија прекршила закони кога ги избришала СМС-пораките со кои од „Фајзер“ нарачала 1,8 милион дози вакцини против ковид. Правни експерти бараат посилна реакција против грубото кратење на правото на граѓаните да се информираат, бидејќи „кога ќе заврши мандатот на Урсула, од транспарентноста нема да остане ништо“.

Ветер не може да се поседува, но очигледно може да се украде. Кога ветер ќе помине низ густо насадени турбини губи значителен дел од енергијата, поради што ветерниците поназад се вртат побавно и генерираат помалку струја. Во брзање да стаса до „нулта емисија“ на гасови, ЕУ заборава дека изградбата на плантажи на ветер чини многу пари, а никој инвеститор не сака да биде турбина од втор ред.

Пред кардиналите да се затворат за конклавата, фаворит за тазе папа беше Италијанецот Пјетро Паролин, искусен ватикански дипломат и најблизок соработник на покојниот Франциско. Но, веќе на вториот ден од конклавата станувало јасно дека 267-ми поглавар на Католичката црква со 1,4 милијарди верници ќе стане Американецот Превост. Противниците на Паролин имале тактика за гласањето, велат инсајдери.

Ако по името папата се познава, работниците треба да се молат за долговечност на 69-годишниот Лео 14-ти. Тој дискретно најавува дека ќе ja продолжи мисијата на својот имењак од 19 век, кој кревал глас за угнетуваните и сиромашните во свет сличен на денешниот. Не само да ги благословува, како што правеше Франциско, туку и да ги брани од „богатите сопственици и сите господари“.

Џо Бајден ангажира искусен стратег за кампања и комуникации за да помогне да се разубави неговото наследство во време кога многумина демократи бараат тој конечно да се симне од политичката сцена за да не прави уште поголема штета. Медиумскиот гуру треба да го спаси од гафовите снимени во интервју и од книга што говори за очајничките обиди да ја прикрие својата сенилност.

Изборот на кардиналот Превост, умерен прагматичар близок до Франциско, е показател дека кардиналите на конклавата барале стабилна рака што ќе ја води Католичката црква низ трнливите доктринални дебати што ги поттикна неговиот претходник. Неговиот избор на името Лео што означува „сила за време на криза“ покажува спремност за она што ја чека црквата во време на глобална нестабилност.