Лабуристите го игнорираа реформистот Најџел Фараж, а потоа и конзервативците кога бараа да се отфрли политиката за „нето нула“ емисии на гасови. Тони Блер бара уште порадикални промени – да се укинат и глобалните конференции за климата, зашто не даваат резултати. Решението за климатската криза треба се бара во прагматични иницијативи и вложувања во нови технологии.

Водач на вооружена група што учествувала во колежот во Руанда повеќе од две децении се криел во ексклузивна заедница на Лонд Ајленд, каде што чувал пчели и средувал градини на богати имоти. Може да добие 30 години затвор за лажно сведочење за натурализација во САД. И тоа е поблага казна од доживотниот затвор што му го изрече Специјалниот суд за геноцид во Руанда.

На Шпанија и на Португалија ќе им требаат седум дена за да се опорават од десетте часа без струја. На Европа ќе ѝ биде потребно многу повеќе време за да ја закрпи електричната мрежа и да го среди регулаторниот хаос на „единствениот“ пазар. Главниот проблем се парите, но Европската Унија  веќе реши големите пари да одат кон воената индустрија.

Зошто во фабричките хали во Кина не се запаленo светло? Зашто нема работници. А сепак има производство 24/7. Роботите управувани од вештачка интелигенција беа одговор на Кина против стареењето на нацијата и демографскиот пад, но може одлично да послужат и како одбрана од тарифите. Масовната автоматизација ги намалува трошоците и го подобрува квалитетот.

Пекинг засилено ангажира невладини организации за да ја бранат Кина пред Обединетите нации од обвинувањата за грубо кршење на човековите права во Ксинџијанг, Тибет и Хонг Конг. Целта е пофалбите да ги задушат критиките. Ги фотографираат оние што креваат глас за да ги заплашат. Тактиката функционира. ОН не прават и не сакаат да прават разлики помеѓу невладините групи.

Европски и украински функционери ги претставиле своите забелешки на американскиот план за крај на војната во Украина. САД објавија дека нивниот план е конечен. Европскиот документ инсистира на отстапки за територијалната поделба, безбедносните гаранции за Украина и за укинувањето на санкциите за Русија. Ројтерс ги пренесува текстовите на двата документи во целост.

Германски лекари пред половина век дијагностицирале мистериозен „morbus mediterraneus“ - болест од која страдале работниците што дошле од медитеранските земји. Имало и дијагноза „морбус босфор“ за гастарбајтери од Турција, како и неофицијален синдром „мама-миа“ за Италијанци што бараат боледување. Последици од судирот на култури се чувствуваат и денес по клиниките.

Претседателот Доналд Трамп нареди копање руди од дното на морињата и океаните, не само во територијалните води на САД. Целта е да се надмине зависноста од увоз на критични минерали, и да се зајакне економијата со стотици милијарди долари и нови работни места. Денес полесно е да се стигне до Марс отколку до дното на океаните, но веднаш скокнаа акциите на рударски компании.

Најџел Фараж има посебна вештина да ги идентификува прашањата што се важни за обичните луѓе, а биле заобиколени или отфрлени од оние што се убедени дека знаат подобро. Укажуваше на слободното движење и мигрантите долго време пред неговите ривали да ја сфатат вистинската важност. Би била голема грешка да се игнорираат неговите коментари за нето нула емисиите на гасови.

Докторот Ентони Фаучи го удвоил своето богатство токму во периодот на драконските карантини  што ги наметна поради пандемијата на ковид-19. Во детален финансиски извештај на групата Отворете ги книгите се тврди дека Фаучи од хонорари, говори и автобиографијата заработил над 7 милиони долари, додека низ Америка се затвораа работни места и осиромашија милиони граѓани.

Републикански сенатор бара Конгресот да отвори нова истрага за терористичкиот напад врз САД на 11 септември 2001 година, за да се проверат тврдењата дека една од кулите на Светскиот трговски центар се урнала од експлозив, а не од ударите на патничките авиони. За Вашингтон, нападите од 9/11 се затворена приказна, а сè друго од официјалната верзија се отфрла како теорија на заговор.

Откако беше откриен таен канал за дискусии во НСА, на кој се разменувале мислења за операции на гениталиите, транс-фетиши и сексуални активности, директорката за националното разузнавање Тулси Габард побара од разузнавачките агенции да ги пронајдат и да ги отпуштат учесниците. Инсајдер тврди дека сексуалните разговори биле само врв од идеолошката санта мраз во НСА.

Од сите здравствени реформи што ги најави министерот за здравство на САД, оваа се чини најмалку спорна: отстранување на синтетичките бои од храната. Кенеди тврди дека вештачките бои се одговорни за хиперактивност и други проблеми во однесувањето кај децата. Некои сојузни држави веќе укинуваат адитиви, иако регулативата им дава право на прехранбените компании да ги користат.

Поглаварот на Католичката црква има многу должности и овластувања. Сметан за наследник на Свети Петар, на кого Христос му ја доверил мисијата за управување со Црквата, папата е духовен водач на повеќе од 1,4 милијарда католици ширум светот. Неговата главна улога е да ја зачува и поучува христијанската вера, да ги толкува евангелијата и да го обезбеди единството на Црквата.

Папата Франциско веројатно беше најнеобичниот човек што некогаш седнал на престолот на Свети Петар. Меѓу неговите 265 претходници некои биле неефикасни, други остроумни; имало и злобни и светци; некои многу сакани, други презирани. Но, Хорхе Марио Бергољо беше единствен - во талентот за манипулирање со светското мислење и во извонредната вештина за деструкција.

Папата Франциско, првиот поглавар на Римокатоличката црква од Латинска Америка, почина денеска на возраст од 88 години. „Драги браќа и сестри, со длабока тага морам да ја објавам смртта на Светиот Отец Франциско“, објави кардиналот Кевин Фарел. Папата во изминатите два месеци страдаше од пневмонија, но имаше сили да се појави на велигденските свечености.

На дигитален алгоритам во Шпанија му е префрлена одговорната задача да го процени ризикот дали ќе се повторат напади врз жртви што пријавиле семејно насилство, врз основа на анализа на одговори од обемен прашалник. Инспекторите и судиите ја почитуваат препораката во 95% од случаите. Алгоритмот помага, но секоја грешка може да има фатални последици.

Четири години по најлошата пандемија во последните сто години, има сè повеќе докази за хипотезата дека ковид-19 протекол од лабораторија во Кина. Белата куќа документирано ги обвинува докторот Фаучи и негови соработници дека им нанесле голема штета на Американците и дека настојувале да ја прикријат и да ја цензурираат вистината за пандемијата. Еве ги поентите од „Лаблик“.

Во рамките на американскиот Стејт департмент функционираше канцеларија за следење странски дезинформации и спротивставување на нивните кампањи. Од друга страна, конзервативците ги сметаа овие нивни мисии само како маска за цензурирање на нивните политички натративи, особено на социјланите платформи. Ќе ја укинуваат.

САД грубо ја кратат содржината на извештаите за почитувањата на човековите права низ светот. Ќе бидат исфрлени критики за ограничување на слободата на говор, владина корупција или спречување слободни и фер избори. Темите што се законски неопходни ќе бидат поткрепени со по еден пример. Амнести интернешнел реагира дека тоа ќе го намали притисокот врз авторитарни лидери.

Претседателот Емануел Макрон изрази жалење поради тоа што карипската земја не тргнала по заеднички пат со Франција. Можеби ќе тргнеа, ако со договорот од 1825 година Париз не ја закопа карипската нација до гуша во долгови и камати. Макрон не се извини за двојното поробување на Хаити и го премолче барањето неговата земја да плати репарации за ропството.

Кинезите цврсто решиле да доминираат во технолошкиот развој и иновациите. Откако го шокираа светот со капацитетите на јазичниот модел Дипсик, сега ја вградуваат вештачката интелигенција во училиштата. Не само како наставен предмет, туку како темел на големиот ремонт на образовниот систем, со цел да надградат млади таленти во двигатели на иновациите и економскиот развој.

Спејс Икс на Илон Маск е најсериозниот кандидат за да ја гради Златната купола на Трамп - штит за одбрана на САД од напад со проектили. Ќе треба да постави нова мрежа од сателити кои рано ќе откриваат непријателски проектили и ќе ги следат додека летаат кон САД. Друго јато сателити вооружени со ракети и ласери ќе треба да ги соборат. Проектот чини стотици милијарди долари.

Лабуристичката влада на Британија е решена цврсто да ги брани правата на работниците дури и ако за таа цел откине парче од слободата на говор, дури и во пабовите. Министерка тврди дека пабот нема да биде затворен ако бармен се навреди од ставови на гости на кои случајно им го слушнал разговорот. Но на муштериите им го згорчи пивото: ќе треба добро да помислат пред да кажат било што.