Најдобар млад играч на првенството - Пау Кубарси. Најдобар голман - Унаи Симон и најдобар играч или МВП - Родриго. Тој е воедно и само 11-ти играч во историјата кој успеал во кариерата да освои Златна топка, Лига на шампиони и Светско. Друштвото е елитно.

И покрај тоа што и донесе три пехари на Аргентина: Копа Америка 2021, 2024 и Светско 2022 и ја фрли во транс цела нација, сепак Лионел Скалони душа го боли за неуспехот во финалето против Шпанија. Не можеше да издржи.

Братот на Јамал има само три години. Кога ќе потпорасне и кога ќе тргне во школо ќе свати каква фотографија е овековечена од него и брат му. Од кавер нема да ја мрдне. Ама треба да му текне на човек, а во цела таа еуфорија на славење и гушкање, на Ламин му текна.

Јак момент е уловен на трибини за време на мундијалското финале. Аргентински навивач му се сипа на Мексиканец зотоа што навива за Шпанија, а овој ни два ни три, црвен картон му извади. Цар.

Пред 18 години го држеше во раце како бебе, а сега тоа бебе го теши најголемиот, кој е 20 години постар од него. Тоа е фудбалот. Таков е животот.

Шпанија нека ги урами броевите 116 и 106. Првиот број е минутата во која Иниеста во 2010-та ја нокаутираше Холандија, втората е на Феран Торес. Две светски титули и двете освоени во продолженијата. Слушнете ја реакцијава на голот.

На Славко Винчиќ му се отвори работа и по последниот судиски свиреж. Аргентинската крв зовре на крајот, а во центарот на вниманието беше Леандро Паредес кој влезе во клинч со Шпанците. На камера е фатен уште еден тепач, а тоа е помошникот на Скалони, Роберто Ајала. Аргентинците не можеа да се помират што не ја одбранија титулата.

Една година откако беше десно сметало во друштво на светски клупски првак Челси, Доналд Трамп го повтори киксот и сега за век векова ќе биде дел од видеата и фотографиите направени со светскиот првак Шпанија. Родри се обиде да му укаже дека не му е таму местото, потоа и Џани Инфантино. Не бре брате. Како на ѕид да му збори човек.

По пауза од 16 години, селекцијата на Шпанија стигна до светскиот трон и тоа само две години откако ја освои Европа. Титулата е целосно заслужена. Аргентина не одигра ништо. Финалето го заврши без ниту еден удар во рамки на гол и тоа во 120 минути фудбал. Црвен картон за Енцо Фернандез во 93 минута. Гол за историја на Феран Торес во 106 минута. Финале за паметење беше Катар 2022. Ова нè измачи.

Селекцијата на Шпанија има одиграно и победено само едно мундијалско финале во историјата. Она во Јужна Африка кое го реши Иниеста во 116 минута. Аргентинците имаат три освоено и три загубено.

Франција го згази тогаш силниот Бразил со 3:0, неочекувано кога ќе ги видиш во состав Роналдо, Ривалдо, Роберто Карлос, Кафу...Човекот кој везеше и ја лепеше топката на нога, ги шокираше два пати со глава. Пазете им го муабетов на поранешните соиграчи на Реал Мадрид.

Духот на Марадона го бркале :)

Поранешниот селектор на Македонија, Никола Илиевски Џиџи, кој во 2002-ра ја сопре Англија 2:2 на гости, со свој став и објаснување на една тема кој засекогаш ќе носи дебати, објаснувања и расправии.

Ништо од тоа што го имаат денес ѕвездите, не им било достапно на фудбалерите во тоа време. Погледнете ги овие олд скул тренинзи. На ниви се спремал.

Деца, едно време и ние игравме на Светско, ама со бившата држава која имаше состав за респект, со кој едвај на пенали излезе на крај една Аргентина во четвртфинале. Марадона промаши. Во осминафинале ни се падна Шпанија. Ја реши Драган Стојковиќ Пикси со две мајстории и конечен резултат 2:1. Никогаш недораскажана сторија е Југославија.

Како вчера да беше ова нели? А поминале 20 години. Од прва ќе сконтате кои двајца играчи од видеово се сè уште активни. Какви ликови.

Ако мислевте дека минатото Светско е врвот на неговата кариера со титула, лидерство и бројки, тогаш погледнете што стои зад неговото име на овој Мундијал. Уште подобар e и тоа на 39 години. Фрапантен податок. Нема зошто да ни е глупо да кажеме дека е од друга планета.

Се работи за светските прваци од 2002 и 2006, кои во САД 1994 одиграа финале кое остана и ќе остане запаметено по промашувањето на Роберто Баџо. Ама не промаши само тој, туку и Франко Барези и Даниеле Масаро. 0:0, па 3:2 на пенали.

Се сеќавате ли на мундијалското финале 2014-та, кога Марио Геце ја реши Аргентина со гол во 113 минута? Бастијан Швајнштајгер тогаш беше во стартната постава на Германија, а сега е во жешкото аргентинско друштво.

Славко Винчиќ е избран за главен судија на финалето Аргентина - Шпанија. Го судеше финалето од Лига Европа 2022 меѓу Ајнтрахт Франкфурт и Ренџерс, а две години подоцна финале од ЛШ Борусија - Реал. Ама кој судија не сонува за мундијалско финале? Се превозбуди. Инаку првото големо првенство му е ЕП 2012.

Лионел Скалони е само седмиот селектор во историјата кој двапати стигнал до финалето на Светско првенство.

И покрај уникатната планетарна слава, Меси нема проблем да му учини на било кој новинар. Англиските ѕвезди не го рецнаа новинарот во количка од Венецуела. Лео без проблем му даде изјава. Прашањето се однесува на рекордот на Кафу, кој Аргентинецот во недела ќе го израмни, а тоа се три настап на мундијалски финалиња.

После секоја победа на Аргентина, редовно излегуваат видеа од реакциите на Лионел Скалони при постигнувањето на головите. Погледнете го после голот на Лаутаро Мартинез во 92-ра минута вреден финале.

Еден од тројцата синови на Симеоне, Џулиано, кој игра кај него во Атлетико, дебитираше синоќа на Светско. Слушнете го со какви емоции зборува за Меси.