Македонскиот шампион на спектакуларен начин ја одбележа 70 годишнината од своето постоење. Настанот помина во силно емотивна атмосфера, исполнета со видео пораки од сите краишта на светот, аплаузи за легендите и минута тишина за оние кои повеќе не се меѓу нас.

Славе Николов и Ѓорги Начевски ја објаснуваат разликата меѓу двете тренерски легенди Лино Червар и Веселин Вујовиќ. Велат искуствата со нив двајца се дијаметрално спротивни. Едниот агресивен, другиот дипломат.

„Млад талент ја предводи Македонија на нивното 8-мо учество по ред на ЕП. Можат ли да ја поминат групата Б против Данска, Португалија и Романија?“, стои во најавата на ЕХФ.

Го паметите Фин Ватчов така? Германецот кој ужива што живее во Македонија, зборува македонски и растура на социјални мрежи со видеа. Една од пасиите му е да пренесува атмосфера од натпревари и тоа го прави со голема жар. Најголемото ракометно дерби, го претставува како најлудо и најопасно во свет.

Пред полна сала „Боро Чурлевски“ во Битола, домашниот Еурофарм Пелистер го совлада РК Вардар 1961 28-23 (13-10) во рамки на 15. коло од македонската Суперлига. Најефикасен и најдобар играч на мечот беше Србинот Богдан Радивојевиќ со 9 гола од 9 обиди. Блескаше и иранскиот голман кај зелено-белите Саид Хаидаридад со 12 одбрани а капитенот Филип Кузмановски постигна шест гола. Кај Вардарци Урош Митровиќ и Украинецот Хориха постигнаа по пет погодоци.

ЕХФ ја скоцка топ листата на 5 најатрактавни голови на колото во Лига на шампиони. На нејзе се најде и бомбата на Кузмановски од мечот против Загреб. Битолчанецот се најде во друштво на Расмусен од ГОГ Гудме, Луис Фраде од Барселона, Магнус Сондена од Колстад и Тим Хорнке од Магдебург.

Кога последен пат сте виделе некој да задржува време во ракомет, ама на ваков необјаснив начин? На Светското ракометно првенство, селекцијата на Србија остана без победа против Фарски Острови, поради кикс на Јована Јововиќ, на кој се изначуди и коментаторот. На 15 секунди до крај, при водство од +1, имаше зицер за да ја запечати победата со два гола предност. Но, таа од нејасни причини почна времето да го троши и скапо го плати цехот. Судиите со ВАР одлучија да и дадат црвен и да досудат седмерец за Фарски Острови кои дадоа гол за конечни 31:31.

Еурофарм Пелистер прокоцка победа против Алкалоид во натпревар на кој имаше +7. Човек на одлука, младиот Иван Галевски кој повторно како лани во финалето од Купот на Македонија, излезе јунак со одбранет пенал во финишот од средбата. Прво ги издржа провокациите од Хосни, а потоа и му го фати ударот за конечни 26:26. И првиот дуел одигран во Автокоманда во септември заврши со реми, 33-33.

Еурофарм Пелистер го доживеа седмиот пораз во 9. коло од ЛШ. Магдебург беше подобар противник и си замина од Битола со триумф од 26-31, но си имаше мака со феноменалниот Никола Митревски кој запиша 11 интервенции. ЕХФ му издвои топ 4.

Еурофарм Пелистер с соочи со тежок пораз на гостувањето кај ПИК Сегед со 35:20, во натпревар од 8. коло во ЛШ и останува на седмото место на табела со 4 бодови. Несвојствена грешка на Никола Митревски во 50 минута, кој им подари гол на домаќините.

Еурофарм Пелистер слави голема победа против ПИК Сегед во 7. коло од Лига на шампиони, после голема неизвесност која беше решена во драматичен крај.

Двократниот европски првак Вардар игра супер сезона, па освен во домашното првенство нижеше победи и во ЕХФ Европската лига. Но синоќа го претрпе првиот пораз после 3 кола, во шведскиот Кристијанштад. Вардарци постојано беа во негатива, бркаа резултат и во последните неколку минути дури и преминаа во водство.

Поранешниот играч на Вардар и македонската репрезентација, Филип Талески се отвори во подкатстот „Вистина или не“ на Канал 77. Одговори директно и отворено за неговиот однос со селекторот на Македонија и неговиот порашенен соиграч и имењак.

Веселин Вујовиќ во три наврати го водеше Вардар: 2006-2009, 2011-2013 и 2021-ва. Освои 3 домашни титули, 3 Купа и СЕХА лига. Но, тој во Скопје остави многу поголем белег од трофеите и створи неверојатна конекција со навивачите. Во подкастот Пресинг зборува на многу теми, меѓу кои неизбежна е темата Вардар.

Ракометната федерација на Македонија ги прогласи најдобрите на годината. За најдобар ракометар е прогласен Филип Кузмановски.

Зошто за Јокиќ велат дека игра со мозок? Па уште пред да дојде топката до него, знаеше кај да ја додаде. Забележете го добро како скенираше кој има напред, додека противничкиот играч шутираше тројка. А потоа се знае, рагби пас, во негов стил.

Скопје беше домаќин на веројатно најславното ракометно друштво собрано на едно место. Микс на македонски, српски, хрватски, црногорски, шпански, руски...ѕвезди. Ќе се памети овој настан.

Спортска сала Младост, октомври 1988-ма. Трибините полни до даска со 7.000 гледачи. Чад од цигари, голема страст, врвен ракомет, дерби натпревар со Пелистер предводен од Пепи Манасков против Металопластика со Веселин Вујовиќ како првак на Европа. Натпреварот заврши на 2 секунди до крај, а еден ракометар доби доживотна забрана за играње ракомет.

За време на првото гостување на Барселона некогаш во Битола, во Лиа на шампиони, Каталонците славеа а Дејан Манасков го постигна најубавиот гол на колото. ЕХФ го избра за погодок гол број 1. Антологиски ќе стане.

Ракометарите на Еурофарм Пелистер не успеаа да излезат на крај со моќната Барселона, која славеше во Битола со 30:34. Но, ЕХФ може да ја спрема топ 5 листата на најатрактивни голови, каде сигурно ќе има место за Дејан Манасков, која ја крена цела сала на нозе. Па уште и со голманска асистенција.

Со популарниот Икиќ се врзани најголемите успеси во македонскиот репрезентативен ракомет. Но малку се знае за неговата играчка кариера. Кога отишол во Вардар, во населбата Пролет избила револуција. Во сандаче наоѓал по 50 писма од навивачи.

Екипата на Еурофарм Пелистер го запиша и третиот пораз по ред во елитната Лига на шампиони откако синоќа изгуби 36-25 од Висла во Полска. По поразите од ПСЖ во Париз и ГОГ Гудме во Битола ова беше трет загубен дуел за Битолчани. Пелистерци се држеа дваесетина минути но Висла резултатски се одлепи па гостите бркаа приклучок до крајот. Кај Пелистер, Дејан Манасков имаше седум гола, Павле Атанасијевиќ четири, додека Никола Митревски фати девет топки. Филип Кузмановски постигна само два гола од кои едниот беше објавен на страниците на ЕХФ со прашање: „Дали е ова најдобриот шутер во ЛШ“?

Салата Јане Сандански ќе биде збирното место на еден од најголемите спортски настани во поновата македонска историја, ревијален ракометен спектакл „Легендите на сцена“.

Ракометарите на Вардар ја прекинаа лошата серија од четири порази во вечното дерби против Еурофарм Пелистер. Славеа 31:28 во 5. коло од Супер лигата. На крајот следуваше фешта на навивачите и играчите кои во еден глас ја згрмија „Само ти и никој друг“.