Веќе неколку светски првенства во фудбал по ред, Јапонците ја воодушевуваа светската јавност откако и фудбалерите во соблекувалните и навивачите на трибините после натпреварите правеа пиц-пец. Излегуваа видеа на кои се гледаше како чистат, бришат, си го собираат ѓубрето. Сега и во Африка на тамошниот Куп на Африкански нации слично нешто.

Близу 30.000 навивачи и симпатизери на Унион Берлин повторно и годинава за католичкиот Божиќ се собраа на стадионот каде пееја традиционални Божиќни песни. Оваа традиција е стара веќе 23 години. На стадионот се палат свеќи, се пее, се креваат црвено-белите шалови на Унион Берлин. Секоја влезница се наплаќа а средствата одат за клубот и во хуманитарни цели.

Стадионот „Хил Дикинсон“ е најновиот фудбалски стадион во Англија, дом на Евертон. Се изгради во период од 2021-ва до 2024-та. Се отвори на 17-ти февруари годинава. Проценето е дека изградбата чинела 750 милиони фунти. Стадионот е велелепен. На една стадионска тура син решил да го однесе неговиот стар татко, долгогодишен навивач на Евертон кој памти кога „карамелите“ играле и по ливади. Здив му снема од возбуда.

Пред католичкиот Божиќ продолжува традицијата гледачите на терен да фрлаат плишани мечиња, плишани играчки кои потоа клубовите ги донираат кај дечиња со посебни потреби и деца од најранливите категории. Оваа традиција ја има во Канада, најчесто на хокеј и во САД, а стана масовна и на стадионот на Бетис во Севиља.

Прекраасен момент сведочел португалскиот фудбал откако еден навивач на клубот Арука од првата лига Примеира отпатувал сам 900 километри во еден правец и 1.800 километри вкупно на гостување на Азорски острови за дуел со Санта Клара. Натпреварот завршил 0-0, а после средбата сите играчи на гостинскиот тим отидоа кај верниот навивач да го поздрават и да му заблагодарат.

На јужноамериканците им нема рамни за правење фудбалски спектакли. Од финалето во Купот на Колумбија меѓу градските ривали Атлетико Насионал и Индепендиенте кое заврши 1:0, направија празник, ама Меделин е тоа. Никако да ги оладат тоа вжештените глави. Погледнете ги видата. Како почна, а како ќе заврши.

Позната е онаа стара досетка кога ќе прашате некој, дали му смета што живее покрај стадион, а тој одговара со скандирање. Но, уникатно е тоа искуство, посебно ако сте жител на фудбалска земја како Англија.

Навивачите на Твенте на мечот против Гоу Ахед Иглс го покрија цел стадион, со најмасивното тифо, односно со знаме, кое се смета за најголемо досега на фудбалски европски натпревар. Повод е 700 години постоење на градот Енсхеде, кој започнал како мала населба во средниот век и добил градски права во 1325 година.

На секој натпревар, особено на оние со поголем безбедносен ризик, полицијата и редарите обично ги држат гостинските навивачи подолго додека се испразнат трибините со другите навивачи. Така после големото и драматично кошаркарско дерби меѓу Партизан и Црвена звезда, Делиите чекале. А додека чекале се мајтапеле со луѓето од организцијата на Партизан.

Со оглед на оддалеченоста на главниот град на Азербејџан, Баку од главните европски фудбалски метрополи, овој град ретко кога има прилика да види бројни и гласни фудбалски навивачи. Ајакс синоќа гостуваше таму, победи 2-4 после голем пресврт а околу 3-4.000 навивачи дојдени од Амстердам направиле шоу кое редарите никогаш не го виделе.

Дерби е дерби кога се во прашање дуелите меѓу Еурофарм Пелистер и Вардар и тие секогаш носат тензија и набој, ама треба малку да се вклучи и мозокот. Читател ни прати видео од раскрвавено девојче, удрено со монета која долетала од секторот на Комитите.

Навивачите на Ајнтрахт Франкфурт демонстрираа агресивно однесување на гостувањето против Барселона во ЛШ. Еден од домашните навивачи се обиде да ги провоцира со препознатливото нацистичкото салутирање на Адолф Хитлер, ама ја промаши раката.

Еурофарм Пелистер го доби дербито против Вардар со 28-23 во 16. коло од Суперлигата. Најефикасен во таборот на актуелниот шампион на Македонија, беше Богдан Радивојевиќ со 9 голови, додека голманот Хаидаридад имаше 11 интервенции. Вардар останува прв со 30 бодови, на +2 од битолчани. Чкембари ги нападнале Комити само што пристигнале, но овие им се противставиле и почнале да ги бркаат на нивен терен.

Навивачите на Еурофарм Пелистер по теркот на многу навивачки групи, со огномет им го рушеа сонот на ракометарите на Вардар, кои заминаа во Битола со спиење пред дербито. Арно ама, тонч:

Барселона, опаметена од најголемиот срам кога пред неколку години повеќе од 30.000 навивачи на Ајнтрахт Франкфурт го завземаа цел „Камп Ноу“ и издоминираа во историската победа на Ајнтрахт над Барса, овојпат им дале реципроцитетно толку карти колку што е дозволен ограничен капацитет за домашни навивачи на реновираниот стадион. Ама и тие беа доволно да направат хаос:

Ракометарите на Вардар во пресрет на дербито против Еурофарм Пелистер во среда од 18 часот, дојдоа со преспивање во Битола. Ама кој знае колку отспале, бидејќи Чкембари во стилот на многу навивачки групи низ светот, им рокаа огномет пред хотел.

Фенербахче и Галатасарај ремизираа 1:1 во 14. коло од турското првенство. Ова меѓусебно дерби беше број 404 во нивната историја на сите натпреварувања. Фенербахче има 149 победи, Галатасарај 130, а 125 средби завршиле нерешено. Домашните навивачи му дадоа дополнителен шмек на мечот со моќна кореографија на цела трибина.

Под наслов „Дортмунд пее Божиќни песни“ на легендарниот стадион „Сигнал Идуна Парк“, во домот на Борусија 73.500 навивачи точно на време за почетокот на Божиќниот Адвент пееле празнични песни.

На еден месец од Нова година, навивачите во Германија се веќе во предпразнично расположение. Сигнал Идуна Парк пуштен на најјако.

Вардар го растури Шкупи со 6:1 во 15. коло од првата лига и останува лидер на табелата со +1 пред Струга Трим Лум. Хет-трик на Омерагиќ. Комити се собраа во голема бројка за скопското дерби и извадија гиганска кореографија со која ги покрија двете трибини на стадионот Петар Милошевски. На првата стоеше: „Кој не запеал за Вардар?“, а на другата „Комити се ноќна мора“.

Десет млади навивачи на казахстанскиот шампион Каират Алмати, синоќа присуствуваа на одличниот дуел со Копенхаген во Данска каде паднаа 5 гола а домаќинот на крај славеше 3-2. После натпреварот домаќините срдечно им честитаа на 10 гостински навивачи за подвигот кој го направиле и поминале 5.000 километри за да ја гледаат средбата од Лига на шампиони.

За тоа колку се тешки европските квалификации за Светско или Европско првенство говори и фактот што Австрија се пласираше на Мундијал после цели 28 години. На 18-ти ноември одиграа 1-1 против Босна и Херцеговина и го сочуваа првото место на табелата за директен пласман на Светско. И прославиле тивко, умерено.

Македонија се соочи со срамен пораз во Кардиф од селекција, која не е ниту Бразил, ниту Аргентина. Но, македонските навивачи не разочараа. Ечеа македонски песни во еден од баровите.

Хрватска ја совлада Црна Гора со пресврт од 2:0, 2:3, во меч без резултатско значење, бидејќи Хрватите се математички први во група, а Црногорците претпоследни. Гостинските навивачи ја упропастија атмосферата.