Ристо Шиц, најпрепознатливата легенда од нашите трибини, повика еден од играчите на АЕК за да се сликаат. Ама пазете со кое знаме. Да се вратиме на насловот, може?

Ако Манчестер Јунајтед и Тотенхем се најголеми разочарувања на сезоната во Премиер лига, тоа може да се каже за Милан во Серија А. Седумкратниот европски шампион е паднат на ниски гранки со управата предводена од Американецот Гери Кардинале кој ретко се врти во клубот и постојано е во САД. Милан завршува уште една сезона за заборав, една од ретките во која остана без еврокупови за следната сезона. Катастрофа.

Се знаеше дека тој што ќе ја добие англиската битка во финалето од ЛЕ, ќе ја спаси сезоната, а нивните навивачи ќе имаат право да дигаат чалам. Другите за греота.

Наполи успеа да се избори со големиот притисок, го совлада Каљари со 2-0 во последното коло од Серија А и го освои шампионското скудето. Преку 60.000 навивачи на стадионот „Диего Армандо Марадона“ и стотици илјади на плоштадите ширум градот на морето во екстаза од славје.

Во Неапол од раните утрински часови сè е во знакот на нивниот сакан клуб Наполи. Вечерва во ист термин од 20:45 се играат два натпревари во Серија А и тоа двата кои одлучуваат за шампионското скудето. Последно коло е во Италија. Наполи со бод предност пред Интер, го пречекува Каљари пред 60.000 свои навивачи кои чекаат победа и шампионска титула. Нераѕурите гостуваат кај Комо и ќе прислушкуваат вести од под Везув.

Во пресрет на финалето меѓу Тотенхем и Манчестер Јунајтед. Информациите од Билбао велат дека нема повредени.

Навивачите на Вардар не можат да му простат на Гоце Седлоски што беше тренер на нивниот голем ривал Шкупи, особено што тоа е клуб чии навивачи убија Комита. Имаа остра порака и до него и до Миленко Неделковски.

Најверната навивачка група на Вардар и новата управа, не успеаа да ги стоплат односите цела сезона. Напротив, бесот на Комити, кои инаку имаат 15% од акциите на клубот, вечерва кулминираше на Градски. Скандираа вулгарно против извршниот директор на клубот, Миленко Неделковски, а потоа во знак на протест го напуштија натпреварот на неколку минути пред крај и оставија порака.

На натпреварот меѓу Гетеборг и Естерс во 10. коло од шведската прва лига кој гостите го добија 0-1, еден домашен навивач влетал во терен и со сета сила замавнал кон гостинскиот фудбалер Себастијан Старке Хедлунд. За среќа не го удрил. Пробал да кидне на трибини кај навивачите, но набрзо редари и полиција го нашле и го привеле. Добил 3-годишна суспензија од посета на фудбалски натпревари. Казнет е и клубот Гетеборг.

ПСВ прослави шампионска титула на ретко виден начин, во било која фудбалска лига. Абер немаше да го стигне Ајакс, ама овие во последните 5 кола победија само еднаш и ја загубија титулата во финишот. Навивачите на ПСВ се во транс. Овој не можеа од тротоар да го станат. Сателит е направен.

Сè е во знакот на премиерлигашите во финалето од Лига Европа во Билбао. Вечерва битка за трофејот и за пласман во ЛШ имаат Манчестер Јунајтед и Тотенхем, а меѓу навивачките групи кои веќе се здавија по улици и барови, имаше и еден падобранец кој одлично помина.

Во сè-англиското финале на Лига Европа, вечерва во Билбао ќе се судрат големите ривали Манчестер Јунајтед и Тотенхем. Влогот е огромен: директен пласман во Лига на шампиони следната сезона. А во ситуација кога и едните и другите се над цртата за испаѓање во најмизерните сезони откако играат Премиер лига, овој влог е неизмерно вреден. Десетици илјади навивачи и од Лондон и од Манчестер слетале во Билбао. Не требало многу да се фатат.

Баражот во италијанската трета лига Серија Ц за пласман во втора лига Серија Б е еднакво тежок како англиски Чемпионшип. Се игра 2-3 натпревари до финале каде мораш да победиш сè за да стигнеш до втора лига. Пескара го елиминираше големиот ривал Катанија, а сега ги чека четвртфинале против Виа Пезаро. Тифозите на Пескара традиционално ја испеаа химната „Џенте ди Маре“ - Луѓе од морето. Пескара излегува на море а оваа песна беше хит испеан во 1987-ма од Умберто Тоци и Риф. Италија со оваа песна на Евровизија освои трето место.

За време на најголемото дерби во Еквадор меѓу Барселона  и Емелек кое домаќините го добија 2-0, до аут линијата каде обично седи ВАР камерата, сега домаќините наместиле шанк со натпис БАР. Имало и коњопои и пијалаци за присутните.

Откако во неделата попладне ја совладаа Спарта Ротердам на гости 1-3, фудбалерите на ПСВ Ајндховен ја освоија шампионската титула, 26-та во Холандија во нивната клупска историја. „Филипсовци“ играа убав фудбал но имаа и огромна среќа откако во финишот на сезоната заостануваа 9-10 бода зад лидерот Ајакс кој сам се упропасти со 3 убедливи порази во низа и сам ја изгуби титулата.

Дури и петнаесетина дена откако и математички ја освоија титулата, навивачите на новиот шампион во Премиер лига слават насекаде. Синоќа на гости кај Брајтон Ливерпул изгуби 3-2 во натпревар кој за нив немаше никаков резултатски значај.

Англискиот фудбал има посебна драж. Вековна традиција негувана од колено на колено, пролеана со многу кригли пиво. Особено интересен е овој дел од сезоната кога се играат баражи за пласман во повисок ранг. Тоа за нив е фестивал. Синоќа играа Чарлтон и Викомб, реванш натпревар од полуфинале за пласман во втора лига Чемпионшип. Чарлтон победи 1-0 со гол во 81' минута и ќе игра во големото финале на Вембли против Лејтон Ориент. Победникот оди во втора лига.

Фудбалерите на големиот германски клуб Хамбургер кој последниве неколку години мака мачеше во втора лига, успеаа сезонава да се изборат за пласман назад во Бундеслига после цели 7 години! Хамбургер испаѓаше во баражи, губеше во последно коло, навивачите претрпеа многу разочарувања откако за првпат во историјата испаднаа пред седум години. Сега со 6-1 го совладаа Улм, први се на табела со 59 бода на коло пред крајот во втора лига. Навивачите збеснаа од радост и прослава.

Непишано правило, макар на поорганизираните навивачки трибини ширум Европа (пред сè на Балканот) е да не се вади телефон и да не се снимаат луѓето на трибината и општо што било на трибината. Тројца Италијанци, туристи низ Хрватска, биле на мечот Динамо Загреб - Славен Белупо (5:0) и отишле на северната трибина на „Максимир“. Почнале да снимаат и добиле ќотек.

Тифото се однесува на 85 годишнината од воздушните напади на Хитлер кои се случија на 14 мај 1940 година. Според официјалниот список објавен во 2022 година, најмалку 1.150 луѓе биле убиени, од кои 711 само во бомбардирањето на 14 мај, а уште 85.000 останале без покрив над главата.

Е до таму оди градското ривалство во италијанскиот фудбал. Сампдорија за прв во историја испадна не во Б, туку во Серија Ц. Навивачите на Џенова славеа на големо мислиш Скудето освоиле.

Некогашниот европски вицешампион и првак на Италија, Сампдорија првпат во својата 79-годишна историја испаѓа во трета италијанска лига Серија Ц. Доријаните никако не можат да се вратат на правиот пат а по ремито 0-0 против Јуве Стабија на гости синоќа, испаднаа и математички во трета лига. Тоа беше повод за нивните најголеми градски ривали, навивачите на Џенова да слават по градските улици со огномет, трубење од коли и многу пиротехника.

Денес се навршуваат 35 години од првенствениот натпревар меѓу Динамо Загреб и Црвена звезда и големиот инцидент кој симболично го означи почетокот на распадот на поранешна Југославија. Овој натпревар требаше да биде дерби за шампионска титула зошто таа сезона двата клуба се бореа за пехарот. Се испостави дека тензиите на национална и верска основа кои се ширеа низ поранешната држава, се прелеаа и на спортски терен. На трибините се судрија навивачките групи Бед Блу Бојс и Делије а настрадаа и 100-ина припадници на полицијата.

Двократниот европски шампион Нотингем Форест конечно сезонава после долги децении е на прагот да го досонува сонот пак да настапи во Лига на шампиони или макар Лига Европа. Со тоа ги разбудија и највозрасните навивачи и членови на клубот. Лани на стадион им доаѓаше извесна Вера Хил која на 92 години решила да ја подари некому својата сезонска карта зошто почнала да го губи видот. Сега убава приказна има со извесна Марџорие Грејвс која од 8 години навива за Нотингем Форест во моментов има 101 година.