Пред натпреварот Србија - Албанија во рамки од квалификациите за Светско првенство 2026 полека растат тензиите. Од албанска страна полетаа неколку изјави, Србите уште се мирни и не галамат. Извесна Јулијана Нура познат модел од Инстаграм која ја следат 190.000 луѓе, во емисијата Фаворит рекла: „Ќе дојдам на мечот против Србија, и тоа со знамето на УЧК. Имам фински пасош, ништо не ми можат, зашто таму имам луѓе“, рекла Нура во емисијата „Фаворит“.

Љубовта кон Бетис во Андалузија е голема. Клубот од Севиља смисли идеја пред натпревар играчите наместо со сопругите и мајките како што во минатото го правеа други клубови, сега да излезат на терен со дедовците. Да се покаже правата љубов кон Бетис од дедо на внук.

Во Куп на Аргентина пожарникарите нашле начин како да им ги изгасат бакљите на навивачите на трибините кои не ги слушале апелите од спикерот да не палат пиротехника.

Гордоста на Баскија го загуби вториот натпревар во Лига на шампиони. Откако во 1. коло изгуби дома 0-2 од Арсенал, синоќа претрпе тежок пораз и со 4-1 беше декласирана од Борусија Дортмунд. Но и покрај поразот Баскијците грмеа и ги поддржаа своите фудбалери после натпреварот. Љубов каква што ретко се гледа.

Увертирата на мечот Наполи - Спортинг од ЛШ, ја имаа навивачите. Впечатокот е дека некако не знаат да се тепаат, туку се гаѓаат со флаши, чаши, маси, столици, канти за ѓубре...што ќе најдат.

Тешко да помине скопско - битолската средба мирно, без тензии, набој и инциденти. Чкембари само што влегоа во гостинскиот сектор, почнаа да дивеат. Еден од нив веднаш се стрча да се прекачува накај домашната публика, а друг им фрли факел. Опасно по живот е ова дечки. Плус деца имаше во тој дел.

Стотина навивачи на Галатасарај доцна синоќа после полноќ правеле голема врева во близина на хотелот каде престојува Ливерпул пред нивниот натпревар од 2. коло во Лига на шампиони. Огномет, петарди, голема бука за црвените кои прашање е дали отспале ноќеска.

Во 3. коло од мароканската прва лига Ботола Паро 1, се сретнале екипите на Олимпик Дчеира и Кавкаб од Маракеш. Домаќините победиле 2-1 а после натпреварот избила масовна тепачка меѓу илјадници спротивставени навивачи на двата тима.

Пазете, царицата не купила француско лепче со кечап и мајонез во најлонче, туку векна леб и кечап и мајонез во туба. Можела и тава ориз да нареди во лебот. Уникатната сцена е од Белград, од мечот меѓу Црвена Ѕвезда - Дубаи.

Само четири дена откако „ја запалија“ Битола со 2 километарска бакљада, најверната навивачка група на Пелистер ја продолжи прославата и го крена градот на нозе.

Навивач на Рома очигледно ја згрешил улицата и влетал во погрешна зона во очи на римското дерби. Се играше во глупав термин од 12:30, за да се избегнат навечер инциденти. Но Рим е голем и невозможно е полицијата да има контрола насекаде.

Битола синоќа сјаеше во боите на Пелистер. Навивачката група Чкембари прослави 40 години од своето постоење. Шоуто се одвиваше покрај реката Драгор со пиротехничко шоу во должина од 2 км.

Вардар и Работнички го одиграа јубилејното скопско дерби број 100. Славеа црвено-црните со 3:1, а главната улога на Градски ја имаа Комити кои блеснаа со нова, досега невидена кореографија во мак фудбалот. Го формираа бројот 1987-ма, годината во која се формирани како навивачка група со парола: „Строј, а не број!“.

Разликата во класи меѓу германската Бундеслига и турската лига беше очигледна на дуелот од 1. коло во Лига на шампиони. Ајнтрахт Франкфурт со 5-1 го совлада турскиот шампион кој цело лето купуваше милионски засилувања за да заигра конечно важна улога и во еврокуповите. Ама налетаа на расположен Ајнтрахт кој зад себе има сјајни навивачи.

Франк Илет од Оксфорд кој сега живее во Шпанија, станал хит на друштвените мрежи откако објавил дека цела година не се ишишал. Дал ветување дека нема да се шиша додека неговиот сакан Манчестер Јунајтед не победи пет натпревари по ред. Како играат, ќе му порасне коса до земја.

Ливерпул по петти пат сезонава дава гол во последните моменти од натпреварот за победа. Така синоќа против Атлетико Мадрид гостите имаа 2-2 до 90+2' минута од судиско продолжение кога Вирџил Ван Дајк по којзнае кој пат го вади Ливерпул. Диего Симеоне со право збесна на крајот затоа што навивачи му покажуваа среден прст, го навредувале и пцуеле. Тргна да се тепа па доби црвен картон.

Пред и за време на натпреварот Атлетик Билбао - Арсенал (0-2) од 1. коло во новата сезона на Лига на шампиони покажа колку Баскијците ја сакаат нивната најголема гордост - Атлетик.

Мечот меѓу Реал Мадрид и Олимпик Марсеј имаше лоша увертира. Пред стадион било тензично и опасно по живот. Шпанската полиција во клинч со француските навивачи.

Милвол му гостуваше на Чарлтон во малото градско дерби на Лондон. Милволци губеле 1-0 од 40' минута па имале до крајот на мечот играч повеќе. Израмниле во 88' минута. Еден нивен навивач кој седел на друга страна од гостинскиот сектор, трчал кон навивачите на Милвол, кон неговите да прослави. Тие мислеле дека ги напаѓа некој од Чарлтон па го забувтале додека редарите не го извадиле жив и здрав.

Хрватска ја доби Црна Гора 4-0 во натпревар од квалификациите за Светско првенство 2026 и е прва во групата. Овој натпревар повторно го одбележаа срамни скандирања од хрватските навивачи на сметка на Србите.

Јужноамериканците се фанатици за фудбал, ама често пати немаат акал кога одат на стадион. Што чудо од пиротехника ќе беше ова, кое напаѓа луѓе. Погодија играч кој легна на земја. Луда работа.

Барселона скоро секогаш годиниве, па дури и кога играше во најсилен состав со Меси и Луис Суарез и Нејмар незгодно проаѓаше на гостувањето во Рајо Ваљекано, предградието на Мадрид. Таму во неделата Барса пак ремизираше 1-1 и тоа едвај од пенал. Младиот и одличен лев бек на Каталонците, Алехандро Балде (21) по крајот од дуелот сакал да им го даде дресот на некои мали деца кои му го барале, но постарите навивачи одбивале.

Во саботата вечер се судриле хулигани од групите „Бед Блу Бојс“ кои го поддржуваат Динамо Загреб и „Шкрипари“, навивачи на Широки Бријег, про-хрватски клуб од Босна и Херцеговина. Навивачката пресметка не е поврзана со фудбалски натпревар со оглед на тоа што клубовите на овие навивачи доаѓаат од соседни земји.

И не само Германија, туку и цел навивачки свет кој ја виде кореографијата што навивачите на Унион Берлин ја спремиле за натпреварот против Штутгарт на отворање на новата сезона во Бундеслига. Фудбалерите им возвратија со победа од 2-1 и први три бода во сезоната.