На 184. римско вечно дерби меѓу Лацио и Рома имаше сè. Предигра на улиците меѓу хулигански подгрупи од двете страни кои се судриле со полицијата во обид да стигнат едни до други. Но на трибините прекрасна слика. Кореографии како од соништата.

Шпанската полиција во навивачкиот свет важи за една од најгрубите во цела Европа. Кој осетил пендрек таму тврди дека таква бруталност како што има од шпански џандар нема никаде. Синоќа во Андалузија фудбалски дуел од Лига Конференции играа Бетис и Јагиелонија. Десетина специјалци под полна опрема и штитови решиле да влезат во гостинскиот сектор и да се иживуваат како што тоа го прават против речиси сите гостински навивачи од Европа кои доаѓаат во Шпанија. Ама подзаборавиле дека внатре има полски навивачи.

Две деца загинале по големи нереди, метеж и стампедо во Сантијаго, главниот град на Чиле каде синоќа требаше да се одигра дуел од Копа Либертадорес меѓу Коло Коло и бразилска Форталеза.

3:0 е заебан резултат во нокаут фаза од Лига на шампиони, но Реал е Реал и рано им е на Англичаните за славење и исмејување. Сепак има и реванш.

Вечерва во ЛШ се среќаваат ПСЖ и Астон Вила. Имаме увертира од двобојот на нивните навивачи кои се сретнаа пред бар. 3.000 гостински навивачи отпатуваа во Париз и покрај тоа што добија 2.000 карти.

Навивачка на Баерн Минхен, за време на атрактивниот дуел со Интер во четвртфинале од Лига на шампиони кој Италијанците го добија 1-2, бурно реагирала на настаните на теренот па се направила лом.

Автори на делото се навивачите на Лион, кога во 2022-ра славеа 35 години од своето постоење. Значи врсници се со Комити.

Катанија од Сицилија ја паметиме многу добро од Серија А, каде играше во периодот 2006-2013. Потоа банкротираа, но со помогш на странски инвеститор пред четири години повторно застанаа на нозе, а минатата сезона обезбедија промоција од Серија Д во Серија Ц. Ваква публика дефинитивно не заслужува да гледа третолигашки фудбал. 

Редарите мислевме дека имаат друга функција. Инаку пресметката е во четврта германска лига.

Арбитражниот суд за спорт (ЦАС) од Лозана досудил во корист на норвешкиот клуб Бран во спорот со УЕФА. Навивачите на овој клуб на натпревар од женската Лига на шампиони извадиле парола со натпис „УЕФА МАФИЈА“ и скандирале против европската куќа на фудбалот која првично ги казни.

На првиот натпревар од шампионскиот Куп на КОНКАКАФ за Северна и Средна Америка, Лос Анџелес синоќа со 1-0 го победил Интер Мајами. Стрелец на голот бил Натан Ортаз во 57' минута. За тимот од Мајами играле и Меси и Луис Суарез и Жорди Алба и Серхио Бускетц. На трибините домашни навивачи извадиле навредливо знаме за Лионел.

Харис Радетинац е за нас анонимен српски фудбалер, но за шведски Јургорден тој е пензионирана легенда, која во последните 10 години од кариерата им бил верен на нив. Се пензионирал лани. Погледнете со каква кореографија го пречекале. Со трофеите в раце, исечоци од весници и дополнителни детаљи, за на крај тоа да изгледа величествено.

Особено навивачите на Базел, кои неодамна беа многу креативни, а овој пат приредија спектакл на дуелот против Грасхоперс. Величествена атмосфера.

Во белградскиот „Сава центар“ се одржува 49. редовен Конгрес на УЕФА. На дневниот ред на Конгресот се неколку точки меѓу кои избори за Извршен комитет на УЕФА и Совет на УЕФА, а ќе се гласа и за буџетот за финансиска 2025/2026. На Конгресот УЕФА ја поканила и делегацијата на Косово па некој според протоколот на УЕФА за сите нејзини членки ставил и нивно знаме во „Сава центарот“. На навивачите не им требаше долго да го извадат и запалат.

Балистите дефинитивно немаат акал. После сите скандали и глупоштии кои ги прават на етничка основа, се истакнаа со нов бесрамен потег. Фудбалерите на Шкендија и Брера застанаа во строј да им оддадат почит на настраданите од дискотеката во Кочани, а тие мртви ладни продолжија да навиваат и пејат за време на минутата молк. Мизерија од потег.

Точно во 59-та минута, фудбалерите на Пелистер и Вардар прекинаа со игра и аплаудираа за жртвите од Кочани. Чкембари беа на нозе, со едноминутен аплаузи им оддадоа почит, а имаа спремно и порака: „Ги испивме чашите, се собравме другарите, но невозможно е сега да не ве жалиме“. Инаку Вардар славеше со 1:3, а Комити не патуваа за Битола во знак на почит на настраданите.

Дојдоа во голема бројка од околу 2.000, со чартер летови. Пееја, бодреа гласно и ја разубавија атмосферата на Градски. Претходно играа пријателска со нисколигашот ФК Слободен, а организираа и хуманитарна акција за Кочани. Заминаа без дамка. Браво за Велшаните. Знаеа како да уживаат во скопските барови.

Македонската фудбалска репрезентација попладнево ги започна квалификациите за Светско првенство 2026 со победа 0-3 во Вадуц против Лихтенштајн. Натпреварот мина целосно во знакот на сочувство за семејствата и најсаканите на трагично загинатите од Кочани. Стотина македонски навивачи носеа црни маици во знак на сочувство, некои имаа и натпис Кочани на себе. На една ограда имаше закачена парола КОЧАНИ, а во 59' минута се скандираше името на овој град.

Бугарија играше квалификации во Лига на нации во Б дивизијата против Ирска и загуби со 1:2. Натпреварот се играше во Пловдив, а на трибина можеше да се забележи порака со сочувство упатена до Македонија каде е прогласена седумдневна жалост за трагедијата со 59 жртви: „Бугарија тагува со вас“. Гест за почит на нашите соседи.

Холандија одигра 2:2 против Шпанија во Лига на нации откако прими гол во 93-та минута. Домашните навивачи имаа доста интересен изум на трибина. Ги наредија великаните, почнувајќи од Јохан Кројф, Рајкард, Гулит, Клајверт, Куман, Ван Бастен, Нистелрој, Бергкамп, Робен...а во предeн план е Ван Перси со оној незаборавен гол со глава на Мундијалот 2014. Холанѓаните ја торпедираа Шпанија на тој дуел со 5:1.

Изминатиот викенд, во неделата се одигра второто овосезонско „Дерби на челикот“ меѓу Шефилд Венздеј и Шефилд Јунајтед, во градот на челикот. Славеа гостите од Јунајтед 0-1. Двата клуба во моментов се во втората англиска лига Чемпионшип со тоа што Јунајтед го дели првото место со Лидс Јунајтед со кој имаат по 80 бода и се главни кандидати за директен влез во Премиер лига. Венздеј е на 12-то место со 51 бод но и добри шанси да се вмеша во борба за баражот за Премиер лига.

Во централното градско подрачје, кај фамозните канали во Амстердам и кај стадионот „Јохан Кројф Арена“, стотици навивачи на Ајакс го прославиле златниот јубилеен 125-ти роденден на нивниот миленик.

Во навивачкиот свет неретко се случува две закрвени ривалски групи сосема случајно да се сретнат некаде на автопат и таму да поминат со страшни последици. Во Бразил и во Аргентина таквите средби завршуваат и со жртви. Сега во Англија на автопат се сретнале автобус со навивачи на Њукасл кои оделе за Лондон за финалето на Лига Купот против  Ливерпул и навивачи на Сандерленд кои оделе на натпреварот со Ковентри. За среќа сè поминало со „ќе видиш ти“.