Хари Кејн стигна до 126 официјални натпревари за Англија со што го надмина легендарниот голман Питер Шилтон.
По култниот натпревар во 2007-ма кога Хрватска ја совлада Англија на стариот Вембли и ја исфрли од трката за пласман на Европско првенство, Англичаните од тогаш наваму победиле на 7 од 9 меѓусебни средби.
33-годишниот Хари Кејн со капитенска лента околу раката ја поведе Англија, а тоа беше негов 126-ти натпревар за репрезентацијата. Досега Питер Шилтон беше прв со 125 кои ги забележа од 1970 до 1990. Во топ 5 се уште и Вејн Руни (120), Дејвид Бекам (115) и Стивен Џерард (114).
Хари Кејн кој ја доби Златната топка на Франс Фудбал за најдобар фудбалер за изминатата сезона, во моментов е рекордер на Англија по број на голови, одиграни натпревари, постигнати пенали, голови во една календарска година, голови како капитен, голови на Вембли, погодоци на големите турнири како Европско, Светско првенство и Лига на нации.
Кејн играл против Хрватска во специјално дизајниран дрес со свечен натпис и честитки за неговиот 126-ти настап.
Полуфиналистот на Светско првенство 2026 веќе обезбеди пласман во четвртфинале на Лига на Нации заедно со Шпанија таму веќе од поодамна ги чека Португалија. Ривалите во четвртфинале ќе ги одреди ждрепка.
На 15-ти ноември се игра последното коло: дербито Шпанија - Англија и Хрватска со Чешка.
