Вести › Набрзинка

Фирми без вработени и газди со политички врски должат 224 милиони евра за данок и придонеси

12 ноември 2026

Управата за јавни приходи ја објави најновата листа на должници на која се евидентирани вкупно 5.200 даночни должници со вкупен нето-долг за даноци и придонеси од приближно 224 милиони евра.
На врвот на листата се три компании од Скопје, а најголем должник е Хант осој трејд, со долг од над 900 милиони денари, односно околу 14,87 милиони евра, сите по основ на ДДВ. Со сличен износ на неплатени обврски е и скопската компанија Окитна трејд увоз-извоз ДООЕЛ Скопје, регистрирана во Визбегово. Меѓу трите најголеми должници е и Лисав Компани од Скопје која должи 449 милиони денари.
Компанијата ХАНТ Осој има едно вработено лице и е формирана во 2022 година. Сега владејачката партија ВМРО-ДПМНЕ, како опозиција пред две години тврдеше дека фирмата „Хант Осој“, до крајот на 2022 година се викала „Хантонос“. Тогашниот сопственик Васе Панајотов му ја продава на извесен Агим Имери од Косово, кој добил поврат на ДДВ од 12 милиони евра и исчезнал, пишува Фокус.
Од 5.200 должници на најновата листа, 5.002 беа и на минатата.

* Објаснување на фотографијата: Мува не ги лази.

извор

Важна победа на Трамп во тужбата за клевета против ББЦ

12 ноември 2026

Федерален судија ја одобри тужбата на Трамп против ББЦ за клевета во врска со објавувањето на монтиран говор од 6 јануари 2021 година заради лажно прикажување пред јавноста дека претседателот повикува на насилство.
Трамп побара отштета од 10 милијарди долари за случајот „Сечено, лепено, монтирано“.
Судијата Џефри Кунц утврди дека ББЦ не само што признал прекршување на новинарската етика, туку и се потрудил да го емитува монтираниот прилог токму пред изборите во 2024 година.
Врховниот суд го воведе стандардот на „стварна злонамерност“, според кој јавен функционер мора да докаже дека постоела конкретна свест за невистинитост на изјава или безобѕирно занемарување на вистината. Во случајот со Трамп, судот утврди доволно докази за „стварна злонамерност“ кај ББЦ.
„Наводите на Трамп дека ББЦ отстапил од новинарските стандарди се повеќе од доволни за веродостојно да се тврди дека станува збор за нешто повеќе од обична небрежност... Се разбира, сето ова не докажува дека ББЦ постапил со стварна злонамерност, но тоа го прави таквото тврдење веродостојно. Трамп треба само да изнесе факти доволни за да се изведе разумен заклучок дека ББЦ го монтирал и го објавил документарниот филм со сознание дека е невистинит“, заклучува судијата Кунц.

извор

Папата има повеќе публика од Тејлор Свифт, Шакира и Томпсон

12 ноември 2026

Над 2,5 милиони луѓе присуствувале на мисата на поглаварот на римокатоличката црква во Буенос Аирес.
Тоа е неговиот најмасовно посетен настан во неговиот 18 месечен понтификат. Во јуни во Мадрид му дојдоа 1,2 милиони верници.
Од аргентинскиот претседател Хавиер Милеи побара кога ќе воведува мерки за штедење, да ги има на ум сиромашните Аргентинци.
Папата Лав IX има 71 година, пред еден месец беше на операција на рак на белите дробови и се наоѓа на турнеја низ три јужноамерикански држави во кои ќе има 50 настани.

извор