- Игор Карачиќ е една од најголемите легенди во историјата на Вардар. Хрватскиот среден бек помина седум години во „црвено-црниот“ дрес, од 2012 до 2019 година, период во кој клубот од Скопје ги доживеа најубавите моменти во својата историја.
- Со Вардар, Карачиќ двапати ја освои Лигата на шампионите, во 2017 и 2019 година, а токму поради своите настапи и придонесот во европските успеси, остави неизбришлива трага кај вардаровите навивачи. Сепак, зад големите успеси, трофеи и европската слава, според неговите зборови, се криела и една многу поинаква реалност.
- Карачиќ откри дека во периодот по освојувањето на Лигата на шампионите, Вардар му должел огромен број плати.
- „Кога би пресметал некоја цифра, од моментот на освојувањето на Лигата на шампионите, тоа е отприлика 15 до 18 плати. Во еден момент, кога ти даваш сè од себе за тимот, на крај мораш да се јавуваш кај својот татко и да побараш пари. А треба јас него да му помагам“, рече легендарниот ракометар.
- И официјално, Мајкл Карик повеќе не е тренер на Манчестер Јунајтед. Неговиот мандат заврши тажно, како последница на очајната форма на клубот оваа сезона.
- Поранешниот играч на Манчестер ја презеде улогата минатата сезона, првично како привремен тренер, по заминувањето на Рубен Аморим. Го однесе Јунајтед до третото место и по пауза од две години го врати во ЛШ.
- Потоа доби постојан ангажман. Но, тимот го доживеа најлошиот старт сезонава со бедни 8 бода во зоната на испаѓање. Единствениот триумф во Премиер лигата им е против Ипсвич и тоа во август.
- Сега фокусот се префрла на неговиот наследник, кој наверојатно ќе биде Маурисио Покетино, со кој наводно преговорите се во завршна фаза.
- Љубителите на ракометот од денеска можат да обезбедат билети за претстојното скопско дерби меѓу Вардар 1961 и Алкалоид, кое ќе се одигра во Т-Арена, односно СЦ „Борис Трајковски“. Билетите се продаваат по единствена цена од 300 денари. Билети за натпреварот можете да набавите тука.
- Од клубот информираат дека местата во салата нема да бидат нумерирани, па навивачите ќе можат да го изберат блокот од кој ќе го следат натпреварот. Навивачката група „Комити“ ќе биде сместена во блокот 1, додека за гостинските навивачи е предвиден блокот 15.
- За сезонците ќе бидат резервирани централните блокови 3 и 13. Сепак, тие ќе имаат можност, доколку сакаат, да го следат дербито и од кој било друг блок во салата. Навивачите кои ќе купат поединечни билети ќе можат слободно да изберат каде ќе седат, со исклучок на блоковите 3 и 13, кои се резервирани за сопствениците на сезонски билети.
- За влез во салата ќе биде отворен главниот влез, кој се наоѓа од страната на големиот паркинг. Градското дерби се игра во сабота, 14 ноември, со почеток во 18:30 часот
