Лејкерси газат, ново МВП издание на Дончиќ со 32 поени

Лука Дончиќ одигра уште една доминантна партија со која го предводеше Лос Анџелес Лејкерс до победа против Милвоки Бакс од 123-112.

Лејкерси ја продолжија победничката низа на седум натпревари по ред и остануваат на врвот во Западната конференција со скор од 11-2.

Дончиќ одигра 32 минути во кои стигна од учинок од 32 поени, 5 скока, 5 асистенции и 3 украдени топки, а даде и 5 тројки. Потоа го напушти натпреварот поради повреда.

На 4 минути и 23 секунди до крајот, при шут за три поени, незгодно доскокна врз ногата на Кајл Кузма и го свитка десниот глужд. Потоа го изведе дополнителното слободно фрлање, по што веднаш замина во соблекувалната.

Тренерот Џеј Џеј Редик по мечот изјави дека станува збор за полесно истегнување и дека Словенецот најверојатно ќе биде подготвен за следниот предизвик.

Ова е деветти натпревар по ред на кој Дончиќ постигнува најмалку 30 поени, со што го зацврстува статусот на еден од главните кандидати за МВП наградата во сезоната 2026/27.

Одличен придонес за победата на Лејкерси дадоа и Сандро Мамукелашвили со 23 поени, како и Остин Ривс со 18 поени пред да излезе поради повреда на петата.

12 ноември 2026 - 09:34

Штета ако сте пропуштиле

Барајќи го Шугармен (2012)

Новиот грчки Архимед

Го знаете ли Драганче?

Љубовта е слепа две години