Иако до пред некое време ни даваше фора од неколку години, првиот човек на стартапот за вештачка интелиганција, ОпенАИ, најавува дека сме блиску до онаа точка кога вештачката интелигенција доаѓа на исто рамниште со човечката интелигенција. Со тоа што таа супер интелигенција ќе продолжи да се развива и станува сè посилна (пошто нема друга работа), додека ние ќе си останеме онакви какви што сме. 

По неброени работни часови и милијарди долари потрошени на спасување и чистење на социјалните мрежи од какви лажни и автоматизирани профили, сега Мета планира, не само да го дозволи, туку и да го поттикне креирањето на ботови, кои по ново се викаат ВИ инфлуенсери.

Компјутерскиот вирус кој постои уште од осумдесетитте години на минатиот век е сè поомилен меѓу компјутерскиот олош, со добра причина: лани рекордно заработија од него. Се предвидува дека до 2031 година ќе прави штети во вредност од 265 милијарди долари годишно.

Чатбот базиран на ВИ му препорачал на 17-годишен тинејџер да си ги убие родителите бидејќи тоа било „разумен одговор“ на временското ограничување што му го вовеле за користење мобилен и други уреди.

Како дел од ескалирањето на трговската војна, Кина одлучи да го намали извозот на компоненти кои се клучни за европското и американското производство на дронови.

Ветерот е добредојден во скопската котлина во зимските месеци, но како извор на енергија има свој табиет: некаде го нема, некаде го има а некаде го има премногу. Кога го има премногу и предолго, ветерниците шишкаат и создаваат електрична енергија која знае да направи проблем во балансот на мрежата. Затоа понекогаш мора да се исклучат а тоа некој треба да го плати. Се знае кој.

Откако целосно го забрани и избриша Доналд Трамп на Фејсбук и Инстаграм по немирите од 6 јануари 2021, Закерберг пред некоја недела му ја честиташе победата на Трамп, за деновиве да тркне и на вечера до неофицијалната резиденција на идниот американски претседател.

Доколку судијата се согласи со предлогот на американското Министерство за правда Гугл да мора да го продаде Хром како бизнис, интернет пребарувачот може да достигне цена од 20 милијарди долари.

Епл нагло го намалил производството на Вижн про очилата и би можел целосно да престане со производство на сегашната верзија до крајот на годинава.

Уште од 2017 Епл се има здружено со компанијата од Шензен за да и помогне да создаде батериски систем составен од литиум железо-фосфатна батерија. Овој систем им помага на возилата на БЈД да минуваат поголема оддалеченост со едно полнење и е побезбеден отколку вообичаените батерии.

Водени од алгоритмите кои перфектно ги кројат нашите потреби и знаат што следно да ни покажат за гледање, ние несвесно го напуштаме воланот и седнуваме на совозачкото седиште на нашите сопствени животи. Проблемот е во тоа што навикнати на таков третман, очекуваме дека сиот свет и целиот наш живот ќе биде ист таков- прилагоден и персонализиран на нашите потреби. А нема.

Бидејќи математиките за струјата неопходна за напојување на нивните ВИ проекти им излегоа слични како оние на Микрософт и Амазон, Гугл потпиша договор со кој ќе се изградат 7 нови нуклеарни реактори што треба да го снабдуваат со струја.

Антимонополските власти на САД разгледуваат на какви делчиња да ја разбијат Алфабет инк. за да ја олеснат доминацијата што компанијата (мајка компанија на Гугл) ја има во интернет пребарувањето.

Нов документарец на HБО со целата своја сериозност тврди дека го има најдено човекот што ја создаде криптовалутата биткоин, кој изминативе години е познат само по името Сатоши Накамото.

Без разлика колку ВИ изгледа ветувачки има мали шанси дека тоа ќе успее да ги исполни очекувањата, заради што е нејасно и неоправдано и целото инвестирање во технологија и технолошки акции кое се случуваше и се уште се случува.

Студија за поновите, поголеми верзии на три главни чет-ботови за вештачка интелигенција  покажува дека тие се повеќе склони да генерираат погрешни одговори отколку да признаат дека не знаат. Истата студија исто така покажа дека дека луѓето не се баш вешти да ги препознаат и регистрираат лошите одговори. Ботовите ќе стануваат сè подобри а ние ќе останеме истите трупови.

По краткотрајниот пуч против Сем Алтман, ОпенАИ инстантно беше напуштен од еден од коосновачите и според многумина главен мозок на операцијата, Илја Сутскевер. Тоа беше во мај. Деновиве компанијата ја напуштија уште тројца клучни играчи.

Нуклеарната централа на островот Три милји во Пенсилванија, каде во 1970-те се случува најголемата нуклеарна хаварија во САД, повторно е ставена во погон овој пат за потребите на ВИ операциите на Микрософт.

Стартап компанијата Алтера неодамна започна единствен проект на подрачјето на вештачката интелигенција, наречен „Проект Сид.“ Преку илјада автономни агенти на вештачката интелигенција соработуваат меѓусебно во виртуелниот свет на Мајнкрафт создавајќи сложени општествени сктруктури и механизми: економија, култура, религија и систем за управување.

Научници успеале да изработат безбедносен систем базиран на ВИ кој со речиси 83-процентна точност може да предвиди криминално однесување преку следење на снимки од камери за обезбедување.

Годинешната листа на магазинот Тајм со луѓе кои се клучни за напредувањето на вештачката интелигенција и одредување на насоката во која истата се движи го нема Илон Маск, ама затоа ја има Скарлет Јохансон.

Само минатата година измамници успеале да им украдат над 5,6 милијарди долари на Американци на најразлични шеми и измами поврзани со криптовалути и ова е за 45% повеќе отколку во 2022, покажува извештај на ФБИ.

До пред некоја година тоа беше само уште една од „теориите на заговор“ кои беа исмевани. Во меѓувреме, се намножија премногу поединечни искуства дека штом падне муабет со некого за нешто (и не мора да е преку телефон), на следното отворање на интернет чудесно се појавуваат реклами баш за тоа што било тема на разговорот. Сега излегуваат и потврди дека микрофонот слуша и кога телефонот не се користи.

Едно од обвиненијата заради кои беше уапсен Павел Дуров се базира на закон за криптографија од 2004 и тоа е проблем за целосен технолошки сектор во ЕУ.