Кинеската државна телевизија CCTV објави дека ловците J-10C на воздухопловните сили на Пакистан постигнале совршен резултат од 9-0 против катарските „Еурофајтер тајфун“ во симулирани пресметки за време на заедничката вежба во 2024 година.
Кинеските авиони биле подобри до двете категории – во директен дуел и во пресметка со проектили кога не се во меѓусебен визуелен досег.
Специјализираниот магазин Military Watch забележа дека Катар на вежбите ги користел ретките варијанти 3А и 4, кои се значително понапредни од типовите на еурофајтер-тајфун во ескадрилите на европските земји од НАТО кои го произведуваат авионот. Во катарските авиони е интегриран нов радар од генерацијата AESA, кој важи за најнапреден во светот.
Иако не се објавени детални параметри од симулациите, ова е огромна пропагандна победа за кинеската авијациска индустрија и огромен пораз за Еурофајтер, кој постојано губи од американскиот Ф-35 на слични симулирани дуели.
Кинескиот J-10C „Vigorous Dragon“ (означен со кодно име Firebird во НАТО) е делтокрилен, повеќенаменски борбен авион на границата помеѓу четвртата и петтата генерација. Единствениот мотор му овозможува максимална брзина од 2 Маха. На 11 носачи може да носи проектили против авиони, бродови и цели на копно, како и ласерски наведувани бомби. Целосно е дизајниран и конструиран во Кина, иако по дизајнот многу наликува на својот директен конкурент Ф-16.
Пекинг агресивно го промовира во блискоисточните земји, истакнувајќи дека има подобри перформанси од американскиот Ф-16. Кинески авиони веќе купија Бангладеш и Пакистан, а заинтересирани се Египет, Саудиска Арабија и Алжир. Интерес изразил и Иран, чиј командант на воздухопловните сили се сретнал со својот кинески колега, но Техеран засега не може да си го дозволи поради војната и финансиската криза.
Со цена од 40 милиони долари за еден J-10, ескадрила од 100 авиони би чинеле 4 милијарди долари. J-10 се подобри од F-16 во однос на оружјето и перформансите на летот, забележа порталот Иран обсервер.
