Администраторот Дејвид Дурман аплицирал за религиозно ослободување според федералниот закон за граѓански права што забранува дискриминација на работното место.
Замената на човечкото присуство, автентичното слушање и личната одговорност во мојата работа со автоматизирана машинска обработка е во директен судир со мојата обврска како хуманист да им дадам приоритет на достоинството и напредокот на човекот, објаснува Дурман.
Хуманизмот не е организирана религија, но според федералните закони се третира како религија. Дурман веројатно е првиот хуманист на кого му е одобрено изземање поврзано со ВИ.
Бил поттикнат од Ерин Маус, софтверски инженер од регистрираната религиска група Унитаријански универзализам, која неодамна исто така доби изземање од користење на ВИ на работното место. Таа докажала дека етичките и еколошките прашања поврзани со ВИ се спротивни на нејзините верски убедувања.
Папата Лав неодамна во своја енциклика предупреди дека вештачката интелигенција може да ја ослабне демократијата и човечкото достоинство.
Доколку се злоупотребат, алатките на вештачката интелигенција би можеле да им дадат дополнителна моќ на неколку елити, оставајќи го остатокот од човештвото зад себе. Кога таквата моќ е концентрирана во рацете на неколкумина, таа има тенденција да избегне јавен надзор, зголемувајќи го ризикот од искривени форми на развој што доведуваат до нови зависности, исклучувања, манипулации и нееднаквости, напиша папата во Magnifica Humanitas.
Понекогаш барањата за верски изземања во САД можат да завршат на суд – како што е случајот од 2013 година со муслиман кој сакал да носи верска капа на работното место, или одлуката на Врховниот суд од 2023 година во корист на поштар, кој како христијанин не сакал да работи во недела.
