Пратениците од десничарската коалиција на Џорџа Мелони вршат притисок златните резерви на Италија да бидат прогласени за „сопственост на италијанскиот народ“, а не на Централната банка. Тоа не значи дека Италијанците преку ноќ ќе се збогатат, туку дека владата ќе може да го продава златото за да ги затне дупките во буџетот и да ги плаќа долговите.

Вакцините против ковид придонеле за смрт на најмалку 10 здрави деца што не биле загрозени од вирусот, потврдила внатрешна истрага на Администрацијата за храна и лекови на САД. Врз основа на оваа истрага директорот на Центарот за истражувања во ФДА најави воведување нови стандарди за безбедност и построг пристап за одобрување на вакцини. 

Доналд Трамп ненадејно најави дека ќе го помилува поранешниот претседател на Хондурас, Хуан Орландо Ернандез, осуден во САД на 45 години затвор поради трговија со дрога. Вели дека Ернандез бил третиран „сурово и неправедно“. Не е само Трамп. И администрациите на Обама и Бајден го поддржуваа човекот кој се заканувал дека „ќе го наполни со дрога носот на грингосите“.

Eксплоатирано до крајност, какаото повеќе не може да го задоволи глобалниот апетит за чоколадо. Природата го создала да вирее само во тесен појас околу екваторот, особено во Африка. Во битка за пазарот од стотина милијарди долари годишно, технолози, ботаничари и генетичари развиваат алтернативни чоколади што ќе го прелажат истенченото сетило за вкус. 

Пред неколку дена пишувавме за проблемот со вода во Иран. Истиот проблем сега е пред портите на Европа. Огромни волумени од водните резерви на Европа се исцрпуваат, открива нова анализа која користела сателитски податоци од две децении. Складирањето на слатка вода се намалува низ јужна и централна Европа, од Шпанија и Италија до Полска и делови од Велика Британија.

Јапонска пратеничка категорично се спротивстави на барањата од странци, особено од муслимани, за проширување на гробиштата. Филозофијата на Јапонците е дека увезуваат труд, но не прифаќаат наметнување обичаи или закони што се спротивни на домашната традиција и култура. Не случајно пред 13 века решиле да ги кремираат мртвите - за да остане повеќе простор за живите.

Се чини дека примањето мито и лојалноста кон претседателот се главните адути за позицијата што ја решава судбината на Украина. Откако го смени корумпираниот Јермак, претседателот Зеленски за шеф на преговарачкиот тим постави друг лојален сојузник, вмешан во истиот скандал, а на Американците им се жали дека „антикорупционерите му ги саботираат напорите за мир“.

Светлана Циханоускаја од западните влади и медиуми беше прогласена за спасител и легитимен лидер на Белорусија. Но, протечени е-пораки откриваат дека нејзината сè понепопуларна кампања за власт во Минск речиси пропаднала под товарот на корупциски скандали и внатрешни борби. Бранот обелоденети скандали ги натера странските спонзори постепено да ја напуштат нејзината крстоносна војна за соборување на Лукашенко.

Американските пониски судови се преплавени од судски процеси покренати од луѓе кои ги погоди новата политика на мигрантската служба на државата која, иако таму се со децении, ги третира како новодојденци. Притоа, голем и сè поголем број судии, вклучително и оние кои се назначени од Трамп, ги укинале досудените притвори сметајќи ги за противзаконски.   

Отворањето и пазарните реформи ја направија сиромашната Кина втора економска сила во светот, земја со 450 милијардери, но за многумина Кинези останало старото добро правило - државна работа си е државна работа, пристојна плата и безбедна позиција до пензија. За исцрпувачкиот испит за државна служба што ќе се одржи овој викенд се пријавиле милиони кандидати.

Ентони Фаучи, шефот на здравствената политиката на САД од времето на пандемијата, бил целосно вклучен во масовните напори за прикривање на потеклото на коронавирусот, тврди првиот човек на Администрацијата за храна и лекови. Фаучи ги притиснал експертите за здравство да ја прифатат неговата теорија дека вирусот не потекнува од лабораторија.

Британска самохрана мајка на четири деца е осудена за злосторство од омраза поради испратени СМС пораки во кои човекот што ја претепал го нарекла „педер“. Ја пријавила пријателка на која ѝ ги испраќала пораките а со која се скарале за нешто. Дотичниот никогаш не бил гонет. 

На Европската комисија ѝ се брза да ѝ заплени 140 милијарди евра на Русија, затоа што нема свои пари за да го финансира Киев, банкротиран поради војната. По тие пари посегна и Трамп во оригиналниот мировен план. Белгискиот премиер упорно се спротивставува на грабежот и предупредува: „Зошто Русија би преговарала со оние што ѝ ги крадат парите?“

САД со авиони префрлиле 76.000 Авганистанци без долгорочен план што потоа со нив. Не можат да пронајдат терористички врски меѓу евакуираните соработници поради претпоставката дека „тие не можат да бидат терористи затоа што се бореле против талибанците“. И напаѓачот што ги застрела двајцата гардисти во Вашингтон ја поминал проверката и се покажал како чист.

Покрај дефанзивните мерки за заштита од руските провокации, како изградбата на „ѕид против дронови“, Европската Унија ја разгледува и опцијата да возврати со хибридни напади насочени против Москва. Уште нема конкретни детали што би опфаќала „контраофанзивата“, но се спомнуваат кибернетски упади или одржување воени маневри покрај границите на Русија.

Иран бара од Германија да прифати одговорност за соработка со режимот на Садам Хусеин за време на Иранско-ирачката војна пред речиси половина век. Хемиското оружје што Садам го употребувал против Иран за време на војната го добивал од германски компании. Холандија веќе осуди бизнисмен што им испраќал состојки за солзавец на Ирачаните.

Иако светската дебата за потеклото на коронавирусот уште не стивнала, по кинеските институти продолжуваат експерименти со „стекнување функции“ (gain-of- function), со кои вирусите вештачки се прават позаразни или посмртоносни. Во лабораторија со минимални заштитни мерки е создаден нов потенцијално смртоносен вирус што ги напаѓа белите дробови и цревата.

Аргентинскиот претседател Милеи им порача на жителите на Њујорк дека ќе бидат срдечно пречекани во неговата земја ако решат да избегаат од „комунистичкиот режим“ што ќе им го наметне новиот градоначалник Мамдани. Двајцата имаат сосема спротивставени политики, со разлика што Милеи веројатно има поголема поддршка од американскиот претседател Трамп.

Претседателот Доналд Трамп нареди заострување на лабавите политики за мигрантите, кои ги опиша како најголема и егзистенцијална закана за безбедноста на САД. Се закани дека ќе ги провери десетиците илјади Авганистанци што ги примила администрацијата на Џо Бајден, откако еден од нив вчера пукаше во патрола на Националната гарда близу до Белата куќа.

Во дипломатската офанзива да заврши војната во Украина, една впечатлива точка ја има и во оригиналниот план Виткоф-Димитриев и во контрапредлогот на Европејците: повикот Русија повторно да се приклучи на Г8. На обновата на Г8 треба да се гледа помалку како отстапка кон Путин, а повеќе како средство за одржување на релевантноста на европските држави.

Речиси еден век по првата научна хипотеза дека една четвртина од Универзумот мора да е исполнет со некаква таинствена содржина, соодветно наречена темна материја, јапонски астроном тврди дека ги собрал првите директни докази за нејзиното постоење. Тој открил зрачења од Млечниот пат, кои совршено одговараат на теоретските претпоставки за темната материја.

Животниот стандард во Европската Унија во изминатите две децении се зголемил за 22% и покрај силните економски шокови од глобалната финансиска криза и пандемијата. Но, далеку од рамномерно. Источните земји забрзано се приближуваат до западниот стандард. Приходите на Романците им се зголемиле за 134%, а на Италијанците и Грците им се намалиле.

Поучена од грешките што ги направи во одговорот на пандемијата на ковид-19, британската влада ја спроведе вежбата Пегаз како реакција на можно сценарио за ширење нов, уште посмртоносен вирус. Слична голема вежба за сценарио за пандемија на коронавирус била спроведена во Њујорк во октомври 2019 година - три месеци пред да избувне реалната пандемија во Вухан.

Министерството за спорт и Министерството за економија беа активни учесници и соработници на Регионалната ЕУ конференција: „Мостови на искуство: Зајакнување на сениорското волонтирање за одржлив развој низ Балканот“ што се одржа на 24 и 25 ноември 2025 година во Скопје, во организација на Асоцијацијата за Спорт и Волонтерство (АСВ-Скопје), Институтот за добро управување и евро-атлантски перспективи (ИДУЕП-Скопје), Центарот за европско волонтирање (CEV – Брисел) и Конфедерацијата на европски услуги на сениорски експерти (CESES – Брисел).