Џорџ Орвел почувствувал дека не властите и државата, туку новинарите, уредниците и интелектуалците стануваат главни цензори. Кај него има пасуси во кои само треба да се заменат тогашните теми „за кои не се зборува“ со денешни теми за кои „се знае како треба да се зборува“ и тие пасуси функционираат пасент, како денес напишани.

Човекот кој со децении се бори против израелската држава сега како командант на военото крило на Хамас (ал Касам бригадите) ја издигна својата борба на досега незамисливо ниво.

Што и да направи Израел од сега натаму е безначајно. Дури и ако го најде Мухамед Деиф во неговиот бункер и го извади на судење пред народен суд. Како и во Јом Кипур војната, поразот дојде во првиот удар. Се останато се приказни за историчари.

Во првите часови по ненадејната офанзива на Хамас против Израел излезе дека тоа што не го знаеше комплетната западна разузнавачка фела целосно и било познато и одобрено од Иранската револуционерна гарда.

На конференција на Ториевците, премиерот Риши Сунак се откажа од проектот за брзи пруги па затоа мораше да понуди нешто друго „големо.“ Понуди ригорозна политика против пушењето. „Ова е потсетување како недостатокот на политичка визија, технократи како Сунак го компензираат со тривијален авторитаризам,“ пишува во текстот „Англија без цигари е неслободна Англија.“

Кинеска државна компанија за производство на електрична енергија, на отворено море дигнале огромна ветерница од систем кој заштедува 500.000 тони јаглен. Им требале 30 работни часа за тоа, убедени се дека може да забрзаат и да бидат готови и за 26. 

Киев се бореше премногу добро за едноставно да се откаже, но Русија и Кина ќе ја постигнат својата цел да го разделат Западот, пишува професорот по напредни меѓународни студии од Џон Хопкинс Универзитетот, Хал Брендс.

Ѕидот на јужната граница беше една од темите на која либералите најмногу го заебаваа Трамп. Неговиот план со ѕид да се брани од нелегалната миграција беше напаѓан како налудничав, назаден и анти-цивилизациски. Џозеф Бајден сега вели дека нема друга опција освен да продолжи градбата. Во меѓувреме, границата на ден им ја минуваат и преку 10.000 илегалци.

Пред да го има Вагнер, Пригожин имаше компанија која беше задолжена за кетеринг на целата руска војска. Деновиве тој договор ќе биде предвремено згаснат.

Предложената стратегија на швајцарската влада предвидува временска рамка во која украинските бегалци треба да си заминат од земјата, и како што стојат работите тоа е максимум девет месеца од сега.

Во денешниот медиумски пејсаж нема ни сенка од дрскоста и провокативноста на еден Хантер Томпсон или ПЈ О' Рурк кому му беше објавен текст: „Како да возите брзо додека сте на дроги и ви го стискаат „стојко,“ а да не  ја истурите пијачката?“ Денес никој не преминува линии и не поместува граници. Денес медиумите мајчински ве учат како да живеете.

Истата личност која до сега активно работеше на тоа дебелите да добијат гратис дополнително седиште во авион, сега е со нова и уште поважна мисија - да ги натера хотелите низ светот да почнат да ги шират ходниците за подобро да можат да угостат пошироки гости.

Светскиот куп во пливање воведе отворена категорија на 50 и 100 метри во сите стилови, формирана специјално за сите транссексуалци натпреварувачи кои по ново се исклучени од машките и женските категории. На првото првенство со отворена категорија има точно 0 пријавени за неа.

Во Сингапур не можеш да купиш кола ако не поседуваш сертификат, систем со кој државата се обидува да го регулира бројот на возила кои циркулираат по ограничената островска сообраќајна мрежа. Треба да се преброиш дали за почеток имаш 100К долари па дури потоа да гледаш што семејна кола сакаш да купиш.   

Како што организаторите на британските БЛМ протести признаваат дека направиле проневера на пари, колумнистот на Телграф порачува дека Британија треба да си признае дека во 2020 се изглупирале со хистеријата околу БЛМ.

Некогашниот скандинавски рај останува уникатен, ама сега по лошо. „Шведска нема видено вакво нешто, Европа нема видено вакво нешто!“, предупреди нивниот премиер. Му се веруваше некому до пшреде некоја година дека една Шведска ќе размислува да бара помош од војската за да се справи со бандите? 

„Дали го имаме најлошиот едиторијал во историјата?“ вџашено прашува Мат Таиби за уредничкиот коментар на Политико со наслов: „Борбата против СССР не те прави автоматски нацист.“ Уредникот на Политико или дувал лепак или под цивилката со која доаѓа на работа носи СС униформа.

Најголем дел од тие 43,7 милијарди долари воена опрема што Америка и ги испрати на Украина требаше преку океан во бродови да биде префрлена од Америка во Европа. Само најголемиот превозник на Пентагон, до сега има префрлено опрема со површина од 460.000 метри квадратни.

Панасоник во САД гради нова фабрика за батерии за електрични возила од 4 милијарди долари која е дел од зелената агенда на американската администрација. Тоа што не е дел од агендата е електраната што работи на јаглен која ќе мора да продолжи да се ложи за да има доволно струја за фабриката.

Ако Европската унија сака да се прошири со девет нови членки колку што има аспиранти, тоа би чинело 250 милијарди евра, покажуваат нивните внатрешни пресметки. Огромен дел од тоа би одело за Украина. Овој еса значи дека актуелните членки на ЕУ ќе треба да плаќаат повеќе а да примаат помалку. А кој сака така?

До декември трите панди кои живеат во зоолошката во Вашингтон ќе мора да бидат вратени во Кина, откако Пекинг одби да го продолжи 3-годишниот договор за нивно останување во САД. До крајот на следната година истото ќе се случи со сите панди кои моментално живеат во американските зоолошки градини.

Што е тоа што најсреќните работници на светот ги прави среќни? Тоа што пред себе го гледаат плодот на својата работа. А кои се? Градежници.

Иако неговите многубројни непријатели од другата страна на политичкиот спектар со одушевеност го поздравија заминувањето на Мардок од врвот на неговата медиумска империја, во суштина работите стојат обратно: кој сега на квази-либералниот иквази-левичарски естаблишмент ќе му биде крив за сите негови неуспеси?

Кина ги манипулира глобалните медиуми преку цензурирање, собирање податоци и тајно купување на странски медиуми, предупредуваат САД, глобалниот столб на немешање во странски медиуми.