Иако Трамп имаше шанса со неколку празни фрази да ќари лесни поени кај општата популација, неговиот избор на зборови во реакцијата околу Шарлотсвил беше една од најпогрешните комбинации што можеше да ги погоди. Контра одговорот стигна од насловните на некои од најголемите светски магазини.

Никој нормален не може да го негира срањето кое човекот ѝ го прави на оваа планета, уздуж и попреку. Па сепак, има тука и нешто медиумски индуциран страв. Затоа потсетуваме на периодот кога за малку ќе се простувавме од блиските заради озонската дупка. За 25 години подоцна да ни кажат дека крпењето на таа дупка можеби направило и нешто лошо.

Како замена за легии административци што од нивната неонска со ламинат поплочена природна средина ќе ги вадиш на воздух и дневна светлина, американски старт-ап нуди флота дронови кои имаат капацитет да засадат 100.000 дрвја на ден.

Само неколку дена откако од Дизни решија сами да си бркаат работа околу платформа за видео стриминг и да ги повлечат своите видеа од Нетфликс, најголемиот стриминг сервис на светот објави дека буџетот за 2018 го зголемуваат за уште 1 милијарда долари.

Холандските власти ја отфрлија тужбата на една црква против двајца актери фатени како снимаат порно во нивната исповедалница. Немало правна основа по која би се гонеле. Свештениците збунети од правниот систем и мислат дека има нешто труло во него штом до тука е дојдена работата. На следната миса побарале Господ да тргне по стапките на полицијата и да им прости на грешниците.

Во 2016 Американците потрошиле 80 милијарди долари на лото ливчиња, што е повеќе отколку што нацијата потрошила на филмови, видео игри, музика, спортски влезници и книги, заедно.

Во саботата стотици националисти, припадници на алт-десница и нео-нацисти пристигнуваат во Шарлоствил, Вирџинија за да учествуваат на собирот "Обединете ја десницата". Во саботата вечерта тројца луѓе се мртви, една демонстрантка против гореспоменатите и двајца полицајци, а 34 се повредени.

Освен сериозни државни инвестиции во образование и обука на жените, великодушно породилно боледување и гарантирана здравствена заштита за мајката и децата, уште еден факт кој се изостава во стереотипите за поранешниот комунистички блок е и тоа дека: жените под комунизмот уживаа во повеќе сексуални задоволства.

Авторот на „марфиевиот“ закон кој прв обрна внимание на прелесното потегнување на Хитлер и нацистите во интернет кавгите, нема никаков проблем со идентификација на оние кои ја предизвикаа крвавата ѓурултија во Шарлотсвил.

Си-ен-ен ја објавува содржината на писмото што свештеникот Бил Шилади и го испраќа на Хилари Клинтон утрото на 9-ти ноември 2016, еден ден откако таа ги изгуби претседателските избори од Доналд Трамп.

Ако ги гледате старите холивудски филмови (на пример Клеопатра со Елизабет Тејлор), ќе верувате дека луѓето од антички Егтипе биле бели. Ако го гледате оној спот на Мајкл Џексон со Иман, Еди Марфи и Меџик Џонсон, тогаш ќе мислите обратно. Науката верува дека има конечно решение на дилемата.

Додека Твитер шупците ги идентификуваш чисто по интуиција, решавањето на Твитер ботовите стана посистематско иако за сега не и 100% прецизно.

20-годишниот Петер Цвјетановиќ е главниот лик од фотографијата што се појави на речиси сите новински извештаи од нео-нацистичките демонстрации во американскиот град Шарлотсвил, кои започнаа по одлуката на тамошните власти да се симне споменикот на конфедерацискиот генерал Роберт Ли.

Професор и научник од Њујорк во својата нова книга тврди дека солта е здрава и дека луѓето треба да јадат повеќе сол. Речиси сите останати негови колеги инстантно се избезумија.

Група научници што нашле службена причина да дремат на Инстаграм и за тоа да бидат платени, успеале да создадат алгоритам кој на сликите на Инстаграм препознава неколку клучни знаци преку кои е поефикасен во откривање депресија отколку докторите.

Како што западните медиуми без џвакање ја проголтаа приказната за македонски тинејџери кои со своите лажни вести им го изместиле текот на изборите, животот, историјата, така се редеа и новинарските падобранци во Велес кои речиси униформно во претставувањето на градот и престапниците го користеа комплетниот список стереотипи на тема сиромашен пост-социјалистички источноевропски град.

Банда од 14 баби е осудена на 2 до 11 години затвор од кинескиот суд заради барање исплата на долгови користејќи "провокативни и вознемирувачки методи".

Тајната на среќа на работно место не во тоа да работиш што е можно помалку, туку да ти е гајле што е можно помалку за работата.

Човекот што е олицетворение на италијански хедонистички животен стил (наспроти на пример Балзериан, кој ја претставува американската школа на вакво трошење пари), остана без јахта и неколку имоти кои беа запленети од банките во кои Ваки е задолжен.

Додека нам со децении едиствена желба ни е да ги поднаполниме „туристичките капацитети кои навреме се подготвени за новата сезона“, Европа веќе ја зафаќа спротивен, анти-туристички бран. Гледате охриѓани колку се визионери? 

Патиките се битен детал од идентификацијата на членовите на бандите на американскиот континент. Њујоршката полиција реши и самата да обрне внимание на тој детал па неодамна изведе рација во која уапси стотина млади лица кои носеле конкретен модел на Најк. 

Од Амазон објаснуваат дека сумата не е за чудење и дека помалиот данок е последица помалиот профит. Помала затоа што годинава нивните сметководители успеаа на државата да и испорачаат два пати помалку данок отколку минатата година.

Научно и официјално, басистите се поважни од гитаристите. Само не им кажувајте, кој ќе ги трпи.