Листата на милијардери на Форбс стана „токсична“ за најбогатите Руси откако истата беше употребена од американските власти за составување на нивен официјален список на олигарси поврзани со Кремљ.

Станува збор за следбеници на филозофијата дека човечките суштества се деструктивна сила за животинскиот свет на планетава и за самата планета, па затоа е морално погрешно да се креираат нови примероци на луѓе. Како што тие истакнуваат невозможно е фетусите да се прашаат дали сакаат да бидат родени, па имањето дете преставува натурање живот на друго суштество без негова / нејзина согласност.

Кога минатиот ноември почна со масовни апсења на сè што му беше на список, саудискиот престолонаследник Мухамед бин Салман вети дека од уапсените ќе врати 100 милијарди долари во државниот буџет. По неколку месеци уапсените потпишаа дека враќаат 100 милијарди долари.

Моментално во Берлин и во Есен над 1.000 луѓе по цел ден ги чешлаат содржините објавени на Фејсбук, и ги требат најодвратните или по која било основа недозволени текстови, видеа и слики што се постираат таму. Сведоштвото на еден поранешен вработен во овие центри Сидојче цајтунг го објавува под горниот наслов.

Откако успеаа да се спастрат и да ги фокусираат сите не-ИСИС и не-Асад сили на заеднички непријател, Американците во Северна Сирија се најдоа сред војна меѓу своите два најголеми сојузници на теренот: Турција и Курдите. Едните членка на НАТО, другите вооружени од НАТО и САД.

Наспроти очекувањата што може да ги има човек со наша перспектива не се работи за војни по дома, меѓу двете, трите или колку и да се сопруги, тие живеат во мир и разбирање колку што е тоа можно, се работи за цели регионални вооружени конфликти.

Американската администрација размислува државата да преземе дел од националната мобилна мрежа, конкретно 5Г мрежата. Предлогот за национализација бидејќи доаѓа од советниците на Трамп за безбедност, се води како мерка за заштита на американската мобилна мрежа од Кина.

За тие што не знаат, Страва е една крајно лагодна и корисна фитнес апликација за мерење колку кардио (трчање, точак, планинарење...) си направил. Меѓу останатото на профилот што го води за тебе ти покажува мапа од секој твој „подвиг“. И сето ова е интересно, добро и корисно исклучиво ако не си војник кој решил да користи Страва додека прави кардио во воена база за која никој не знае дека постои, а не па каде се наоѓа и каков и е ГУП-от.

Иако цивилизацискиот шамар што отворањето на Керфур ни го врза пред некоја година (кога бевме на раб да се одродиме меѓу себе заради неколку канчиња кисело млеко, банани или тоалет хартија) го лечиме со снимки од алчноста на американскиот Црн петок, крајно е утешно и Французите да се видат во сличен бес подгреан од попуст на „еуро-крем“.

Во време кога Трамп успева да ја ужаснува целата своја околина однесувајќи се како што се однесува 70 и кусур годишен богаташ кому сите претходни претседатели и влади му дозволувале да прави што ќе посака и да заработува во систем што го наместиле во корист на побогатите, Вил Фарел го воскреснува ликот на Џорџ Буш помладиот, на кого дури и криво му паѓа колку брзо сè му заборавиле.

Дами, ве молам. Беа ова интересни три месеци во кои работевме да спречиме малтретирањето и нападите да бидат скриени под тепих, и беше фино, секако, да ги гледаш вагоните осудени мажи како се тркалаат кон гилотината. Меѓутоа мислам дека сега мора да бидеме разумни и да престанеме пред уште некои добри мажи да почнат да страдаат, пред сите идни филмови да бидат лишени од таа некоја супстанца, таа возбуда, што им дава осетен сиров еротски набој, пишува Александра Петри во текст за Вашингтон пост.

Анти-ваксерите, како и секоја идеологија, не можат да застанат и да кажат доста е. Сега тврдат дека вакцините им штетат на животните. Иако е јасно дека аутизам не постои кај кучињата. А беснило и тоа како постои.

Намалувањето на криминалот беше еден од аргументите кои се користеше во битката за легализација на марихуаната. Сега се имаат и првите податоци за тоа. Така е.

Човекот кој моментално раководи со САД како услов за службено патување во Лондон од британската премиерка побарал да им се забрани на сите да демонстрираат против него.

Сторијата не е за преживеаните од бродот туку за пораснатите од филмот. Малото Ирче зема џепарац од филмскиот блокбастер и 20 години по објавување на филмот.

Иако денешниот доктор Франкенштајн има озбилна ПР машинерија зад себе, никој не треба да биде залажан од оние симпатични слики на малите клонирани мајмунчиња. Нив ги чека живот полн со болка и страдања и најдобро за нив ќе биде да им се скратат маките што порано.

Благодарејќи на упорноста на Гугл да прошверцува некаков вид на следење во своите производи или апдејти, и тоа да го објасни дека е за твое добро или за поквалитетно искуство со мобилниот, компанијата има повеќе податоци за своите корисници отколку што тие мислат или сакаат да веруваат. Овие податоци можат да се користат за подобро рекламирање, ама подеднакво и ако им затребаат на властите.

Затоа што:

- „Употребата на македонскиот јазик, како службен јазик е ПРАВО И ДОЛЖНОСТ на граѓаните на Република Македонија“ (чл. 2 ЗУМЈ). Оттука, секој граѓанин на оваа земја мора да го знае македонскиот јазик како основно комуникациско средство во рамките на една унитарна држава каква што е Република Македонија, а ЗУЈ, за жал, не само што не го предвидува тоа, туку и овозможува не секој граѓанин да го знае македонскиот, оти во секојдневната официјална комуникација би немал потреба од него;

Белата куќа од музејот Гугенхајм побарала да позајми една слика од Ван Гог. Овие им рекле дека не може сликата, ама имаат една златна веце шоља ако им врши работа. 

Откако Мексиканците го уапсија, па им избега од затвор, па пак го уапсија, па пак им избега од затвор, Ел Чапо повторно заврши во затвор, само овој пат во американски, и таму чека да му судат.

Неколку швајцарски градови се под анти-капиталистички протести стандардни за сезоната на одржување на Светскиот економски форум, а кулминацијата се очекува во петок кога Трамп треба да пристигне во Давос.

За следните избори во Италија се пријавени 98 партии и движења, и колку и да изгледа голема бројката ова е над 50% помалку од 219-те партии и движења кои беа пријавени на претходните избори. Сепак она по што последниот италијански парламентарен состав влегува во историјата е бројот на селења на пратеници од една во друга партија.

Во 2014, кога излегува Анимал амбишн, Куртис Џексон ака Фифти цент, дозволува новиот албум да биде купуван и со биткоин. Во тоа време вредноста на биткоинот е неколку стотини долари.