За да се избегне сеприсутниот впечаток за превработеност на администрацијата и прескапиот бавен и неефикасен државен апарат, државите решаваат многу свои функции да аутсорсираат и да ги дадат во раце на приватни под-изведувачи. Ем поефикасно, ем тие вработени не се бројат како некои кои „народот ги плаќа“. На тој начин, завршуваме со многу поголем апарат (кој народот го плаќа) од оној кој сме сакале да го избегнеме.

Има појави за кои општествената заедница везден труби и алармира, а има и такви за кои сите се прават глуви.

Едната е сериозна и загрижена над сопствената и судбината на светот, пристојна е и интровертна. Другата е неподносливо екстровертна и брбливa. И така, тие две се во константен конфликт. Уште само Ноне им фали...

За да не си натоварат етикета дека се нетолерантни кон малцинствата, шведски политичари се парализираат ако треба да зборуваат за омразата и насилствата кои доаѓаат од редот на оние на кои земјата им пружи уточишта од омраза и насилства. Опозицијата смета дека е време да се повторат некои базични лекции за интеграција и соживот.

Не е на Кале туку е сред Лондон, и со цената од 1 милијарда долари е најскапата амбасада што некогаш била направена. И стварно изгледа како толку пари да имаат потрошено.

Тоа што е најстара професија на светот, не значи дека не може да се апдејтира. Професионалките сега не треба само да ги истрпат клиентите во нивните интимни сесии, туку и подоцна да читаат што за нив пишале овие и како ја оцениле нивната трудољубивост.

Информацијата ја објави самиот Мејведер, мала техникалија е дека нема да се врати во ринг, туку во октагон. Понудата е од УФЦ.

Затворска но релативно мала казна му е определена на еден Нигериец кој со озлогласените финти преку меил успеал да олесни илјадници луѓе за 25 милиони долари.

Тазе признанието на рускиот хакер дека ги украл мејловите на Хилари по наредба на Москва, следува само неколку месеци откако американските медиуми објавија дека руски хакер одбил да прифати пари, државјанство и стан во САД, во замена за преземање на одговорноста хакирањето.

Има лоши начини да го изгубиш наследството: коцка, дрога, курви, алкохол, спортска, кладење...; и има глупи начини: да ти се изгуби во пошта. Во вториов случај за надомест ја добиваш поштарината.

Откако вчера американската амбасада во Македонија на Твитер побара од локалците да дадат некоја идеја за решавање на загадувањето, едно од најдолгорочните решенија на проблемот дојде од нивните колеги од руската амбасада во земјава.

Спакувано како „олеснување на строгите правила за нет-неутралност воведени во времето на Обама“ американската ФКК (Federal Communications Commission) со 3 гласа спрема 2 одлучи да ја укине досегашната рамноправност меѓу сите веб-страни и сервиси на интернет.

Харви Вајнстин беше пасиониран кинофил, преземач на ризици, покровител на филмски таленти, сакан татко и чудовиште. Со години, тој беше и мое чудовиште, пишува Селма Хаек во отвореното писмо во Њујорк тајмс, во кое објавува дека и таа е една од жртвите на холивудскиот продуцент.

Во договорот влегува филмското студио на Фокс (20th Century) и 39% од Скај. Во договорот не влегуваат Фокс њуз и Фокс спортс, кои ќе оформат нова компанија.

Без разлика дали се рекордните пожари во Калифорнија, или 300 и кусур жртви во терористички напад во Египет, или Јемен каде се случува најголемата хуманитарна криза од Втората светска војна до денес, (или локално името, црквата, јазикот, историјата) годинава јавноста гледаше само да го пројде денот, не ни обрнувајќи внимание на целосниот распад што се случува околу нејзе.

Нешто слично како со дилемата околу американските феминистки кои почна да користат слика од забулена муслиманка како симбол на борба за унапредување на правата на жените и за сечие право да реши што со себе, така и со Најк Про Хиџаб колекцијата, не е јасно дали им помага или им одмага на муслиманките.

Поглаварот на римокатоличката црква вели дека човек кој ќе се насанка да дебатира со Сатаната е осуден таа дебата да ја изгуби („Ќе избрише патос со вас“ како што обожаваат да го кажат тоа некои) бидејќи Сатаната е поинтелигентен од луѓето. Чаре? Наместо да се расправате, избркајте го.   

Конзервативниот кандидат Рој Мур е толкава тиква што успеа да изгуби во неприкосновениот конзервативен бастион Алабама. Сега бара пребројување на гласовите но, ако баш инсистира на тоа, ќе мора да се фати за џеб.

Затоа што не се разбираат од збор дека не треба да работат прекувремено, јапонска компанија одлучи да почне да користи дронови за да ги брка своите вработени од канцеларија по завршување на работното време.

Идејата дека чесни политичари ќе дојдат на власт и ќе ја решат корупцијата е толку стара што е  бајата. Таквите политики често завршуваат како фатете-го-лоповот пресметки со политичките противници. Во Бразил група ентузијасти состави софтвер кој ги мониторира трошоците на членови на нивниот парламент (патни трошоци, репрезентација и сл) и автоматски ја пресметува веројатноста дека лажат.

Упорноста и тврдоглавоста можеби е една од клучните особини за долг живот, покажала студија на психолошките карактери на група стари Италијанци. Таквите луѓе малку се секираат што другите мислат за нив.

На достигнувањето од насловот му фали уште еден „орден“ а тоа дека сумата од 11 милиони долари е само за една година. Се вика Рајан и прави рецензии (си игра) со играчки на Јутјуб.

Целата онаа глобална предигра против црвеното месо (триглицериди, ракови) доаѓа до својата логична фаза: сексот. Месото во иднина да се третира како порок и како такво, акцизно да се оданочи. Сето тоа спакувано како грижа за здравјето на луѓето и планетата.

Наративот кој следуваше и стана општоприфатен по неочекуваната победа на Трамп на изборите 2016 е дека таа се должи на лажните вести, во добар дел создадени од руски извори, а разгласени и раширени од Фејсбук и Твитер, беа прегледани милиони пати од делот на гласачите кои сакаа да чујат за недоверливоста и одбивноста на Хилари Клинтон. Ваквата смеса потоа само беше распламтувана од новинските сајтови на алт-десницата, во голем дел благодарејќи на информативните балони во кои Американците успеаа да се затворат.