Кориснички коментари на корисници на проституција

Тоа што е најстара професија на светот, не значи дека не може да се апдејтира. Професионалките сега не треба само да ги истрпат клиентите во нивните интимни сесии, туку и подоцна да читаат што за нив пишале овие и како ја оцениле нивната трудољубивост.

Како што рестораните стрепат од оценките кои ќе ги добијат на Трип Адвајзор или слично на изнајмувачките капацитети чии бизнис зависи од оценките на ЕР БнБ, по најново, и сексуалните работнички ќе треба да проверуваат како се држи нивното онлајн реноме. 

За тоа служат веб платформи како што е ПунтерНет кои ги храбрат посетителите да остават свои забелешки и видувањата за тоа како поминале со конкретна проститутка или ескорт девојка, и тоа знае да содржи секакви детали, од оценки за телото на изнајмената работничка до рецензии за нивното однесување и став кон работата. Потоа таквите оценки им стануваат битни на останатите заинтересирани и можеби пресудни што ќе одберат од каталогот. 

Коментарите и рецензиите знаат да кријат тешки женомрзечки ставови и огромно непочитување кон интегритетот на девојките од бизнисот (таквите ликови главно се мразат себе што мора да користат такви услуги па после им се истураат на девојките) а некои најискрено се чудат ако забележиле дека курвата не уживала во сексот со нив.

Во едно ривју, познавач на приликите оценува девојка која “е нова и прекрасна“ ама потоа искажува разочараност од тоа што малку се трудела да им биде забавно. Друг има поплаки дека девојката му одговарала со многу кратки одговори и му се жалела дека е уморна. Некои се жалат на тоа дека не им било дозволено да се лапаат а има и до толку незадоволни муштерии кои порачуваат дека е попаметно луѓето да се задржат на гледање порно на интернет.

„Некои луѓе се подготвени да да те исплукаат без никаква основа и се чудам како некои девојки успеваат да продолжат со работа откако ќе прочитаат што сè нивните клиенти мислат за нив“, вели една од девојките на платформата која пружа сексуални услуги.

15 декември 2017 - 16:37