Можеби ова и не е најтипичен Букбокс пост, но е длабоко мотивиран од една когнитивна дисонанца - зенот на ова видео, и лошотилакот на коментарите под него.

Зачетокот на цивилизациската промена е дело на тим од 5 луѓе што за 3 часа програмирање успеа да направи Вордпрес плагин.

Тоа што е најстара професија на светот, не значи дека не може да се апдејтира. Професионалките сега не треба само да ги истрпат клиентите во нивните интимни сесии, туку и подоцна да читаат што за нив пишале овие и како ја оцениле нивната трудољубивост.

Панама вака така се извлече и со непостоечки гол обезбеди учество на Мундијалот во Русија. Истовремено во прилог му одеше и поразот на САД од Тринидад и Тибаго. Двајца коментатори се тресеа од страв да не се случи некоја пиздарија на крај, а потоа експлодираа од радост.

Норвежанец ја добил истата желба што понекогаш и нам ни доаѓа, да ги најдеме и лично да ги запознаеме оние ликови што трујат по коментари со својата злоба, незнаење и неуморна глупост. Што луѓе се тие, мечка ли ги растела, од која пештера се симнале на Фејсбук.... такви, елементарни прашања да им се постават. Ама, што ти е Норвежанец, во една таква мисија тргнал со камера. Ние ќе им тропневме со безбол-палка и пар електроди.

Ден Вокер, познатиот презентер на БиБиСи се јави од Копакабана во Рио де Жанеиро да известува за тековните настани на Олимписките Игри. Во еден момент забележа дека зад него некој пар „само чита книга“ или „се гушка“.

Коментаторот на спортскиот канал Арена Спорт Ненад Миловановиќ, кој ги читаше резултатите од комплетното коло во италијанското првенство, во еден момент се изнервира што не го изговори правилно Кјево Верона. И бидна што бидна во живо.

Не дека во Европа сме нешто поарни со статистичкиве дрвења, ама во САД се дефинитивно оптеретени со тоа. О-п-т-е-р-е-т-е-н-и.

"Она си што го јадеш", вели една стара мудрост во врска со исхраната. Истото важи и за медиумската храна. Ако успееш таа да не те отруе, тогаш еден ден сигурно ќе ти збоктиса, посебно ако професионално ја џвакаш "во име на јавноста".

Хрватски коментатор ја коментира Удинезе - Сампдорија, меч од Серија А од пред неколку сезони. Денис напаѓа и промашува, а со него промашува и коментаторот.

Мина времето кога луѓето се згрозуваа од оние кои на интернет споделуваат секакви интимности од својот живот. Сега на мета се воздржаните, оние кои "нешто кријат".

За психологијата на коментирањето сме пишувале и претходно - онлајн, како што вели популарната изрека, можеби никој не знае дека не си куче, но може да познае дали си глуп човек. Од Њујоркер решиле малку да се спрдаат со оние на кои тоа им е суштинска дневна активност. Нивен предлог: печатено списание посветено на интернет коментарите, во кое коментирањето (од оправдани причини) е оневозможено

Теоретски интернетот е фантастична алатка за секој медиум и новинар затоа што ти помага (пред се преку коментарите) да разговараш со публиката, а не само да и кажуваш нешто. Практично, секој има видено колку вредат коментарите на интернет.

Интернет коментарите, посебно анонимните го поткопуваат интегритетот на науката и создаваат култура на агресија и исмевање кои ја уназадуваат суштинската дебата, ова беше објаснувањето со кое уредниците на магазинот Популар Сајанс објавија дека ќе ги забранат коментарите на својот сајт.

Коментарите понекогаш се поинтересно четиво од самиот текст. Во случајов се работи за коментари под производ кој се продава на Амазон - Бик пенкала „за неа". Нè освои нивната смисла за хумор и артикулирана иронија. Би било чудно после ова пенкалава уште да се продаваат.