Група Балканци во Берлин научија некои од суптилностите на тамошните правила: можеш да правиш скара во парк ама тоа што го правиш да го собира во чинија. Значи, цело јагне - не.

Доналд Трамп деновие им порача на Иранците дека ако помислуваат на одмазда за убиството на Касем Сулејмани, треба да имаат на ум дека САД држат на нишан 52 ирански локации, битни не само за војската и државата туку и за иранската култура (е, до толку се). Иранскиот претседател го зголеми влогот на 290.

„Лекциите кои требаше да бидат научени од Виетнам се заборавија во брзањето да се нападне Ирак. Денес, кога Трамп прави сè за да отпочне војна со Иран, се чини дека и лекциите од Ирак не се научиле. Ризикувајќи да повторуваме очигледни работи, еве неколку лекции за новинарите“, пишува уредник на Прес Воч.

Загадочен Јутјуб канал постираше и бргу потоа сокри колекција од 75 ретки и необјавени песни на Ролинг стоунс. Потегот најверојатно има врска со европските закони за копирајт по кои правата траат 50 години, ако никаде не се објавени.

По наредба на Трамп, а без никаква консултација со Конгресот, американската армија изврши атентат врз генералот на елитните Кудс сили во склоп на Исламската револуционерна гарда на Иран и неофицијално вториот човек по моќ во земјата.

Мобилни за една употреба, лажни мејлови и лажни компании помагаат за на крај да се испорачаат огромни количини Најк (нешто ситно и Луи Витон чевли) во САД.

Минатата година се случија повеќе сериозни терористички напади низ светот. Терористите беа инспирирани од повеќе различни идеологии, а жртвите им беа разнолики. Како што политиките на идентитет стануваа поистакнати во западната политика така идентитетот на жртвите и на извршителите одигра клучна улога во начинот на кој политичките лидери реагираа на секој напад.

Календарски Кинезите се при крај со годината на свињата, но политички најверојатно таа ќе продолжи низ цела 2020 откако властите со месеци не можат да ги смират цените на свинското, што тие го сфаќаат како многу личен проблем.

Мицокатис ќе ја носи Турција во Хаг заради договорот со Либија околу нивната меѓусебна поморска граница. На нашите соседи им посакуваме да го добијат случајот, тек да видат колку истерувањето правда во Хаг е - правда.

Годинешната изведба на една од двете нумери што ги знаете од Новогодишниот концерт ќе биде малку поинаква од вообичаено, откако на Радецки марш му најдоа нацистички врски.

Некогаш цензори одлучуваа што може да се издаде како книга а што не. Денес постои истата функција, само што цензорите сега се викаат „чувствителни читатели“ кои оценуваат дали јазикот на авторот ќе навреди некоја од идентитетските снегулки. Башка проблемот со роботите кои - мислите случајно? - се прават главно од бела пластика!

По подолго време работење под санкции од САД, Хуавеи објави дека 2019 ја завршува со приходи од 122 милијарди долари, што е нов рекорд за компанијата.

Иднината на јаболкото се вика космик крисп, јаболко со супериорно CV кое е наштимано на сите детали, дури и на тоа каков звук дава кога ќе се гризне. Како такво, лесно ќе ги победи инфериорните сорти на пазарот и кога ќе стане монополист, ќе се појави некоја болештина и ќе го уништи. Што тогаш ќе гриземе?

„Сега е среќна, ама уште ме секира“, признава таткото на младата активистка откривајќи дека за еко-каузата Грета прво се вежбала на него и на мајка ѝ. Добила сила кога успеала да ги убеди таа да не користи авион а тој да стане веган.

На неколку недели пред гласањето во 2016 кога медиумите само што не ја преселија Хилари во Белата куќа, Мајкл Мур, на сериозна лична штета, јасно порача дека Трамп ќе победи. И така бидна. За сега, има само предупредување дека тоа може да се случи.

Новогодишната прослава во Москва ќе биде во снежна атмосфера без разлика што од 1886-та ова е најтоплиот декември во руската престолнина.

Почна со видеа со мачки, стана алтернатива на телевизијата, а во следната итерација се очекува дека ќе се врати како исполирано, корпоративно изедначено воскресение на телевизијата.

И Русија има свои „добри практики“ а оваа потекнува уште од царистичките времиња: дисидентите и политички непријатните поединци да се испраќаат на далечен север за да им се олади малку главата.

Како што последен пат беше случај пред десет години, луѓето и сега не можат да се согласат кога завршува деценијата. Мнозинството смета дека со почетокот на 2020-та почнуваме да ја ситниме третата деценија од 21-ов век. Фактите се поинакви.

Роман Абрамович и уште педесетина вредни луѓе како него за празнициве се закотвија на островот Свети Мартин, откриваат ГПС уредите на нивните јахти.

Со Берни Сандерс физички сè е во ред („по старски“), проблемот му е медиумски, а симптомите, според неговите симпатизери, се сведуваат на тоа што медиумите упорно го игнорираат.

Феминистичкото отфрлање на Фројд води кон една залудна желба сексот докрај да се рационализира бидејќи тој во суштина е перверзен. Политички коректните препораки да не се зборува за убавото и убавите луѓе (да не би биле објективизирани) не им помага ни на грдите, порачува Жижек.

Турската групација ТОГГ поддржана од претседателски декрет и инвестиција 3,7 милијарди долари ќе го започнува производството на турски домашен автомобил. За парите планирано е да се произведуваат 5 модели а вкупниот годишен капацитет е 175.000 возила.

Не само што на Полјаците им го истри од нос нивниот амбасадор во наци Германија туку без да бира многу зборови, рече дека такви луѓе не може да се наречат поинаку освен - смрадови.