Постои можност летово претседателот на САД, Џо Бајден, да се повлече од трката за изборите во ноември во корист на Мишел Обама, поранешната прва дама на САД, пишува германски Шпигел.

Калифорниските власти се пофалија дека деновиве завршиле со изградбата на мост за супербрза железница, што е подвиг само по себе веројатно во сите друи случаи освен во овој.

Меѓу топ 5-те филмови што направиле најголема загуба во 2023, филмското студио на Дизни, кое изминативе години газеше на сите листи по профитабилност благодарејќи на Марвел франшизата, има четири.

Поранешна Мис и фотомодел и сегашна локална лидерка на партијата АфД од Ротенбург во Долна Саксонија е прогласена за виновна и казнета со 6.000 евра. Нејзиниот грев? Цитирала статистички податоци за несразмерниот удел на дојденците од Авганистан во силувањата во земјата. Тоа да ти било поттикнување омраза и нетрпеливост.

Во Џорџија дури минатиот месец бил потпишан закон дека е нелегално да упаднеш во туѓа куќа и таму да живееш, но тој закон ќе стапи на сила во јули. Во меѓувреме, уапсени се шестмина кои го направиле тоа, но не затоа што упаднале и пола година живееле во туѓа куќа од половина милион долари, туку затоа што украле кола од комшиката. Им здосадило на дечките.

Европската унија своевремено ги ограничи банкарските бонуси на максимум дупло од платата за да спречи ризици кои водеа до големата финансиска криза во 2008-ма година. Ослободени од европската регулатива, Голдман Сакс во Британија сега ги укинува тие лимити по што се очекува примерот да го следат и другите банки на островот. Вака им било пофлексибилно. 

Садик Кан влезе во историјата станувајќи прв градоначалник на Лондон кој се изборил и за трет мандат. Една од првите најави му беше дека ќе стори сè реката Темза да стане погодна за капење и пливање. Пред да се роди во градот во 1970-та година, Темза беше гериз прогласен за бииолошки мртва течност. Но, не е тоа единствената работа која се има сменето.

Резултатите на некои од најпознатите американски корпорации како Медоналдс, Пица Хат, Старбакс и други, покажуваат дека нивните купци го стегнале каишот и намалиле со потрошувачката, водејќи сметка каде ќе го потрошат секој долар. Високата инфлација помина но цените не се намалија туку се стабилизираа, што не е доволно луѓето да се опуштат.

Лидерите денес не го црпат својот морален авторитет од демократското одобрување на нивните електорати, туку од нивната способност „да се издигнат над толпата“ и да се спротивстават на нивните наводно заостанати вредности. Нивните оставки се преполни со жалопојки за „популизмот“, „поларизацијата“ и наводната „токсичност“. Гласачите секогаш се имплицитните негативци, затоа што одбиваат да замолчат и да ги остават да владеат.

Во републикански доминираниот Претставничкиот дом на Конгресот со 319 гласови за и 91 против помина Законот за свесност за антисемитизам, кој би можел да ја направи Библијата нелегална во САД.

Ситуацијата е најтешка што некогаш била од првите денови на руската инвазија, и работите ќе станат уште полоши, изјавува првиот човек на украинското воено разузнавање, генерал Вадим Скибитски, во разговор со Економист.

Белата куќа размислува да им дозволи на Палестинци трајно да се преселат во САД како би се спасиле од војната која се води во нивната татковина поддржана од Белата куќа и со оружја снабдени токму од Белата куќа.

Меѓународниот кривичен суд во Хаг побара веднаш да престане заплашувањето на персоналот потсетувајќи дека таквите закани може да се сметаат за напад врз постојаниот светски суд за воени злосторства. Не се спомнува кој заплашувал и се заканувал, но прилично е јасно: Израел и САД во последно време јако нагазија на судот барајќи да сврти глава од она што се случува во Газа.

Војните што САД го води последниве децении главно се герила војни, заради што и обуката, фокусот и размислувањето на американската армија е во правец на справување со бунтовници, а не фронтовски непријател.

За прв пат и чисто заради тужба дека нејзината вакцина против ковид предизвикала смрт и сериозни повреди во десетици случаи, Астразенека во судски документи признава дека вакцината предизвикала ретки нус-појави.

Како резултат на глобалната паника околу темата и драмолетките на Грета Тунберг, многу млади искрено се уплашени дека нема да стигнат да пораснат бидејќи дотогаш климатските промени ќе ја уништат Земјата и животот на планетата ќе го снема. Професор од Кембриџ ја смирува тензијата. Не сме на ивица на пропаста а климатизмот се оддалечи од науката и стана идеологија.

Русите кои на почетокот од војната избегаа од Русија во странство, сега се враќаат назад во својата татковина давајќи и значителен залет на руската економија. Од каде ваков наплив на патриотизам кај лица што пред 2 години избегале? Прашајте ја ЕУ.

Хитроу и Дубаи се меѓу најзафатените аеродроми на светот и на таа рута летаат милиони патници но и милијарди нелегални долари. Таа авионска линија е идеална за перење пари: на едниот аеродром не проверуваат колку пари носиш, а на другиот аеродром си добредојден со сите пари кои си ги понел. На тој налин летаат стотици нилијарди долари. А ние ќе се тресеме за две штеки цигари.

Претставничкиот дом на американскиот Конгрес усвои закон со кој се проширува дефиницијата за тоа што е антисемитизам, кој пак е федерално кривично дело и повлекува сериозни казни. Ова се носи како обид да се зауздаат про-палестинските протести во американските универзити, но критичарите предупредуваат дека е погубно и критиката на државата Израел да се смета за антисемитизам. 

Неодамна пишувавме дека иако грижата на совест за климата упорно се натура на сите поедеднакво, половина од проектите за проширување на капацитетите за вадење нафта и гас до 2050 година се само кај пет земји. Сите богати, сите од север. Сега за пластиката. Една четвртина од целокупната пластика на оваа планета ја пуштааат само пет брендови.

Амнести интернешенел неодамна за'ржа кон Саудиска Арабија барајќи да ја прекинат репресијата врз слободата на изразување и веднаш да ги ослободат сите неправедно приведени поради изразување на нивните ставови, вклучително и изразување поддршка за правата на жените. Еве, одма ги послушаа: „погрешно облечена“ фитнес инфлуенсерка пратија на 11 годишна робија.

На Европа и требаат смели и одлучни политики за спасување на сопствената автомобилска индустрија од наездата на кинески електрични возила, а не млаките мерки што сега се разговараат во Брисел.

Њујоршкиот Колумбија универзитет побара да се расформира протестниот камп за Газа поставен на универзитетскиот кампус и на студентите им даде ултиматум да потпишат формулар дека се согласуваат со универзитетските политики кои ќе важат до јуни 2025 година. Во спротивно суспензија која нема да им дозволи да го завршат тоа што го почнале.

Белорусија ја забрани „екстремистичката“ германска телевизиска информативна мрежа Дојче веле а министерството за внатрешни работи соопшти дека локалната ДВ Белорусија била вклучена во „екстремистички активности“. Секоја понатамошна соработка со нив може да биде оценета како кривично дело а давањето информации на редакцијата носи ризик од повеќегодишен затвор.