Ниската орбита околу Земјата се преполни со сателити, како улица со коли во сообраќаен шпиц.  Откако приватниците се вклучија во вселенскиот бизнис, лансираат роеви од илјадници сателити со координација која е далеку од совршена. Пред неколку дена бил избегнат судар што можел да предизвика верижна реакција во која ќе настрадаат сите сателити.

На современото поле за шпионски пресметки повеќе нема многу полза од класичните агенти од типот на Џемс Бонд. Скришните камери и оружја денес се застарени гаџети. Сега се шпионира од безбедна далечина. Од новите агенти ќе се бара да бидат хакери што знаат програмски јазици, а не заводници што говорат руски или кинески, најавува новата шефица на британската МИ6.

Кога го начекавме насловот во Мирор „Доктор предупредува дека популарен пијалок го зголемува ризикот од мозочен удар за 300%, а од деменција за 290%“, првата реакција ни беше „Само да не е кафе, само да не е кафе…“ Не било кафе, туку газирани пијалоци, и тоа особено оние диеталните, кои користат хемикалии како вештачки засладувачи.

Евреите во светот време извесно време се навикнуваат на вонредни мерки за безбедност. Во синагоги во Еввропа, за време на Јом Кипур, на врата се бараат документи и се претресуваат торби. Ако верските фанатици го гледаат секој нивен празник како шанса да нападнат, еврејството во светот ќе се повлече во себе или ќе стане како Израел, вооружено и уплашено.

Родриго Дутерте не водеше бадијала војна против терористите. Додека тој зад решетки во Хаг чека судење за злосторства против човештвото, неговите Филипини повторно станаа оаза за регрутација и обука на исламистички терористи. Кон оваа земја водат трагите на таткото и синот кои обучени и инспирирани од идеологијата на ИСИС пукаа врз Евреи на сиднејската плажа Бонди.

Ако биде постигнат договор за крај на војната, Вашингтон ќе ѝ ја гарантира безбедноста на Украина без да испраќа војници на терен, како што настојуваат европските сојузници на Киев. Главните средства за одвраќање би биле долгострелни проектили и борбени авиони, кои би биле активирани само при недвосмислени докази дека Русија тргнала во нова инвазија. 

Претседателот Зеленски на почетокот на својот мандат демонстративно зборуваше на руски јазик за окупираниот Донбас и ги опоменуваше националистите: „Престанете да ја делите земјата!“. Неговата влада сега го забрани рускиот јазик. Наместо да обединува, елитата ја дели својата земја и постојано ја снабдува пропагандата на Путин со нова муниција.

Непрофитната организација Фулу нуди награда од над 10.000 долари за секој што ќе успее да ги деактивира ограничувањата во апаратите за домаќинство. Стар американски закон им дозволува на компаниите далечински да управуваат со уреди, да оневозможат функции и поправки. Фулу настојува да им ја врати контролата врз апаратите на оние што ги купиле. 

Ако нешто трепка над аеродром во северна Европа, речиси по правило се запира сообраќајот и се крева тревога поради „хибридната војна на Русија“. Иако нема цврсти докази за руска вмешаност, Европа прави планови за изградба на ѕид против дронови. Темелна анализа на десетици случаи покажува „руските дронови“ не само што не се руски, туку обично не се ни дронови.

Децата на веганска диета се послаби и пониски од оние што јадат месо, покажува збирна анализа на студии. Исхраната базирана на растенија не може да ги обезбеди есенцијалните витамини и минерали. Единствениот начин веганското или вегетаријанското дете да расте здраво, велат научниците, е со внимателно испланиран режим на суплементација.

Децата не биле целната група на платформите што сервираат бесконечна низа кратки, заразни и вообичаено бесмислени видеа. Но токму најмладите најмногу се заразуваат и најмногу ги трпат последиците. Со времето поминато пред екраните, децата губат време да сонуваат, да измислуваат игри, да разговараат со семејството или да ги остават своите мисли да талкаат.

Саудиска Арабија ја разводнува строгата забрана за алкохол, но не за обични смртници. Само избрана елита странци ќе може да купат виски или шампањско, ако покажат доказ дека заработуваат барем половина милион долари годишно и членуваат во приватни клубови резервирани за дипломати и директори на мултинационални компании.

Британскиот регулатор за животна средина ја одобри изградбата на најскапата нуклеарна централа во светот, под услов да се спречи помор на милиони риби од Бристолскиот канал. Инвеститорот вложи милиони долари во аудио-систем што ќе ги избрка рибите, но анализите покажуваат дека оваа „дискотека за риби“ ќе спаси едвај по еден лосос на секои 12 години.

Пред да биде укината од Доналд Трамп, агенцијата УСАИД мошне веројатно била вклучена во тестирање на фармацевтски производи врз Украинци, тврди генерал во Министерството за одбрана на Русија. Тоа не е никакво спектакуларно откритие на руските служби. Генералот само сумира официјални изјави на американски функционери и експерти за американски медиуми.

Новата европска генерација на социјалните медиуми изразува огромна европска солидарност несвојствена за Брисел. Оние што израснале во време на тероризам, имиграција и немоќ се заситени од ЕУ како клуб во кој 27 членки се расправаат за сè и сешто. Копнеат за иднина во која Европа ќе биде суперсила на ниво на Кина или САД, само помудра и покултурна.

Африканските шуми и дрвенестите савани долго биле стандарден апсорбер на јаглерод, земајќи го атмосферскиот и складирајќи го како биомаса. Но, меѓу 2010 и 2017 година ситуацијата се менува  кога се случува критичен премин на тие шуми од апсорбер во извор на јаглерод. На Запад не му се допаѓа тоа што Африка сè повеќе користи фосилни горива, ко тие да станаа развиени со помош на ветерници. 

„Просто е, тие имаат нафта а ние ја сакаме,“ лапидарно и ефикасно ги објасни причините за американското острење заби за Венецуела професорот Џефри Сакс. Им го паркираа најголемиот носач на авиони, уништуваат рибарски бродови, запленуваат танкери. Сето тоа со наратив за борба против дрогата иако американските федерални податоци покажуваат дека Венецуела не е значаен извор на наркотици што влегуваат во САД.

Се проценува дека 30 до 40 милиони луѓе во светов користат инјекции за губење тежина. Никој од нив не жали за изгубените килограми, само што, добар дел од нив е мускулна маса. А губењето на толкави количини мускулна маса може да биде еквивалентна на предвремено старење на телото од десет години.  

За прв пат после 25 години, се предвидува дека стапките на смртност кај децата од болести што може да се спречат ќе се зголемат. Претходните 25 години стапките постојано се намалуваа. Парите за глобалното здравје се драстично скратени а многу од побогатите земји сега имаат други приоритети, главно да се спремаат за војна и да праќаат деца да гинат.

Судиите и обвинителите во Меѓународниот кривичен суд се обидуваат да живеат и да работат под истите американски финансиски и патни ограничувања што беа воведени за рускиот претседател Владимир Путин и Осама бин Ладен. Осакатени им се најнормални финансиски услуги, картички им се блокираат, меилови укинуваат, електронски книги им исчезнуваат па дури и Алекса на Амазон ги игнорира.

Велика Британија, земјата која се накрцка со илегалци а за нас („стратешкиот партнер“) уште го држи ригорозниот режим на визи (уште да бараат дете под хипотека да ставиш) му одобрила дозвола за престој на авганистански илегален мигрант кој на прашањата колку години има и од каде поточно доаѓа, со години им викал не знам и не се сеќавам. Тоа им го рекол во 158 наврати. 

Во очајнички обид да го спречат намалувањето на населението што ја оптоварува економијата, кинеските власти од идната година воведуваат данок за контрацептивни средства. Критичари укажуваат дека тоа нема да придонесе за повеќе деца во семејствата, туку може да поттикне забрзано ширење заразни болести и повеќе абортуси. 

Ново истражување од Универзитетот Стенфорд објаснува како вакцините со мРНК во првите денови по инјектирањето може да предизвикаат претерано бурна реакција на имунолошкиот систем, која предизвикува воспаление на срцето (миокардитис) и на неговата обвивка (перикардитис). На овој ризик најмногу се изложени мажите помлади од 30 години.

Европската полиција разгледува екстремни дистописки сценарија на улични пресметки на луѓе и роботи веќе во следните десет години. Полициските роботи би биле вклучени во патроли за да ги заштитат луѓето од други роботи, управувани од криминалци и терористи. Се предупредува и дека мала промена во кодот на машината може да претвори заштитник во машина за убивање.