Доналд Трамп и неговата администрација „ја среди“ науката со булдожер: избриша повеќе од 7.800 грантови за истражување, намали 25.000 научници од владини агенции и најави десетици милијарди долари дополнителни намалувања на научните средства. Тоа лесно би можело да се врати како бумеранг а веќе постојат рани знаци.

Папата во последно време е сè поексплицитен во осудата на конфликтот во Иран. На последната миса пред Велиген, ги осуди оние кои тврдат дека може да се води војна во името на Исус.„Браќа и сестри, ова е нашиот Бог. Исус, Крал на мирот, кој ја отфрла војната, кого никој не може да го користи за да ја оправда војната“.

Израелскиот парламент усвои закон со кој смртната казна со бесење се воведува како задолжителна казна за смртоносни напади. Но, има уште еден услов: мотивот на тој напад да бил „крај на постоењето на Израел“. Тоа практично значи дека смртна казна ќе се изрече за Палестинците, но не и за еврејските Израелци кои извршиле слични злосторства.

Постојат многу причини поради кои Германија ја изгуби Првата светсака војна но историчари се согласуваат дека една од најважните е што планот, иако брилијантно осмислен, немал резервна варијанта. План Б нема ни Доналд Трамп во Иран. Ако воопшто некогаш имал и план А.

Рапидно се зголемува интернет содржината зад која не стојат човечки корисници туку ботови и вештачка интелигенција. Луѓето сè почесто им се обраќаат на чет-ботови за секојдневни прашања па ВИ сообраќајот се зголеил за 187 проценти додека автоматизираниот сообраќал лани растел осум пати побрзо од оној кој го создаваат луѓето.

Уште од неговиот прв мандат беше познато дека Доналд Трамп е „алергичен“ на читање. За да го намамат да ги прочита дневните брифинзи, неговите помошници се служеле со трикчиња - во материјалите му вметнувале слики и документи со неговиот потпис (кој обожава да го гледа). Денес е бетер. Наместо сериозни анализи за ситуацијата, му пуштаат двеминути видевца. 

Дубаи со години се преправаше дека живее со глава високо дигната над регионот во кој се наоѓа. Светкав меур кој лебди над Блискиот Исток, недопрен од хаосот околу него. А потоа дојде 28 февруари, иранските балистички ракети го распараа небото над него. Илузијата не преживеа ни едно утро. Парите и небодерите не купуваат гео-политички имунитет. На ракетите не им е гајле за брендирањето. 

Со оглед на денешната апсолутна доминантност на платформите за стриминг на музика, вакво предвидување се чини блесаво, но токму тоа го предвидува еден од највлијателните луѓе во тој бизнис. Моделот има финансиска „фабричка грешка“, ги фаворизира мега ѕвездите а ги изгладнува сите други. Досега се бараа начини како милион луѓе да ти ја слушнат песната еднаш. Во иднина ќе се бараат илјада души што ќе те слушаат засекогаш.

„Системот потфрли“ е џокер кој кај нас папагалски го повторуваат површни новинари, самонаречени аналитичари и самобендисани политичари, како адамов лист со кој се покриваат секакви гадости што се случуваат овде, од кочанската трагедија до трагедиите на оние кутри девојки кои загинаа во последно време. За разлика од кај нас, во развиени земји системот главно функционира. Само што чувството на гадење не секогаш е помало.   

Јанис Варуфакис пишува дека тоа што е и против режимот во Иран и против бомбардирањето на Иран не е седење на две столчиња. Теократскиот режим во Техеран е брутален ама е резултат на  70 години западна ароганција и агресија. Кога се осудуваат две страни во една беља, поштено е прво да се осудат „своите“, оние кои ти ги плаќаш. Жените во Иран сигурно нема да бидат ослободени од бомбите што  им паѓаат врз глава. 

Војната со Иран ѝ даде на руската економија неочекуван финансиски адреналин. Високите цени на нафтата ги полнат касите на Кремљ, помагајќи да се затвори дупката во федералниот буџет и да се одржи военото темпо во Украина. Февруари за Русија беше бандаж со приходи од нафта (30 проценти помалку од претходната година). За среќа по Кремљ, Трамп реши тоа што реши.

Паметен човек не зборува дека е паметен, исто како што силен човек не се фали дека е силен или пак богат човек дека е богат. Ама има и поинакви, како Доналд Трамп на пример. Полагал тест за утврдување на когнитивната кондиција и одушевен е како го поминал тестот. Ако немало кој да му пише петка на рачето (а имало), сам би си ја пишал. 

Се уште нема истрага за сомнителните тргувања со нафта во минутите пред ненадејната изјава на Трамп дека се преговара со Иран. Таа информација не ја знаел никој освен луѓето од најтесниот круг околу Трамп. За нобеловецот Пол Кругман, ова не се обично инсајдерско профитирање, кое е казниво со закон. Тргувањето со најстрого доверливи информации е национално предавство.

Анализа на прастари ледени јадра на Антарктикот ги разбиваат теориите што послужија како основа за иницијативата за нето-нула емисии на стакленички гасови. Концентрациите на метан и на јаглерод диоксид во атмосферата останале речиси непроменети 3 милиони години - време во кое Земјата поминала низ Леденото доба и трпела големи температурни шокови. 

Шведска денес ги трпи последиците од времето кога ги отвори портите за мигранти и им нудеше социјална помош за да се интегрираат. На гостопримството дојденците возвратија со криминал и престрелки. Стокхолм сега ќе им го одземa правото на престој не само на криминалците, туку и на оние што не живеат чесно - не плаќаат долгови или го лажат социјалниот систем.

САД изградија 13 воени бази на Блискиот Исток за да го прошират влијанието и да ја гарантираат безбедноста на арапските сојузници. Сега овие бази не можат ни самите да се заштитат. По иранските напади повеќето се практично неупотребливи. Офицери и војници се префрлени да работат во хотели и цивилни канцеларии. Во базите останале само пилоти и механичари. 

Корумпирани турски обвинители преку посредници им продаваат обвиненија на турски емигранти во Германија за да им помогнат да добијат азил. Документите се автентични, со печат и архивски број, но нема судски гонења. Со други зборови, „угнетувачите“ во турските судови соработуваат со „угнетуваните“ за да можат вторите да останат во Германија.

Додека Трамп планира да испрати борбени бродови да ги придружуваат танкерите за нафта низ Ормускиот теснец, историчари го потсетуваат дека Морнарицата пред речиси 40 години веќе се соочила со иранската Револуционерна гарда и не поминала добро. Американците денес имаат супериорна технологија, но се залетале во војна без клучното оружје – чистачи на мини. 

Некои видови птици што живеат во урбани средини развиле навика да собираат отпушоци од цигари. Не вдишуваат чад ниту го колваат тутунот и не се зависни од никотинот како пушачите. Токсините од отпушоците ги користат за прочистување на гнездата од крлежи, болви и други паразити. Ете барем некаква утеха за пушачите дека придонесуваат за поздрава природа.

Разузнавачите од администрацијата на Џо Бајден ги етикетирала белите американски домаќинки како потенцијални домашни терористи, покажуваат новообјавени документи на ЦИА. За закана за безбедноста се сметале „активизмот за право на живот и за промовирање на традиционалното мајчинство како најважна одговорност на жените“.

Американската федерална комисија за комуникации ги прогласи сите кориснички Wi-Fi рутери произведени надвор од земјата за „ризик за националната безбедност“, забранувајќи го нивниот увоз или продажба. Тоа не значи дека Американците ќе треба да го фрлат сегашниот рутер, но кога ќе дојде време тој да се замени, не ќе можат да бараат ТП - Линк (Кина), АСУС (Тајван), Фриц (Германија)... 

САД му испратиле на Иран нацрт-план од 15 точки за крај на војната, што ја одразува желбата на администрацијата на Трамп да се извлече од конфликтот и да ги запре катастрофалните економски и енергетски последици. „Никој како нас нема да склучи договор со вас. Не сега. Никогаш“, одговори портпарол на иранската војска.

Администрацијата на Трамп ќе му плати на „ТоталЕнерџис“ речиси 1 милијарда долари за да се откаже од проектот за изградба на огромни ветерни фарми на море покрај бреговите на Њујорк и Северна Каролина. За возврат, францускиот гигант се обврзува ќе ги пренасочи своите инвестиции во проекти за нафта и гас во Тексас и во Мексиканскиот Залив.

Само 15 минути пред ненадејната изјава на Трамп дека САД преговараат со Иран за крај на војната, на берзите на нафта биле направени трансакции од над половина милијарда долари. Оние што ја продавале нафтата по 110 долари за барел се збогатиле, бидејќи цената веднаш падна на 84 долари. Сомнителни тргувања имаше и на денот кога почнаа нападите врз Иран.