Шведска воведува електронски алки за следење на деца за кои е утврден ризик дека може да бидат регрутирани од банди за да извршат кривични дела. Постојаното следење би овозможило да навремено да се спречат тешки злосторства, и воедно да се заштитат децата. Плус, од јули Шведска ја спушта границата за кривична одговорност на возраст од 13 години.

Европската Унија ќе изгуби два свои годишни буџети ако го спроведе планот да се откаже од сите кинески технолошки компоненти, покажува нова студија. За наводно да ја зајакне кибернетската безбедност, Брисел наметнува политички критериуми за комерцијални одлуки, што е спротивно на принципите на ЕУ за еднаквост и недискриминација, се жали Пекинг.

Секој новорегистриран автомобил во ЕУ по 7 јули ќе мора да има вградени камери за следење на погледот на возачот. Целта е да се спречат сообраќајни несреќи од невнимание, но мерката поттикна загриженост дека чувствителни биометриски податоци може да завршат кај осигурителни компании или кај државата, за да бидат употребени против возачите.

Две третини од сојузните држави во САД воведоа правила што ги ограничуваат или целосно ги забрануваат мобилните телефони во училиште, со надеж дека ќе им помогнат на учениците да се посветат повеќе на наставата. Резултатите се мешани - успехот на учениците на тестовите не се променил, но наставниците се чувствуваат растоварени и посреќни.

Постои капитализам на слободен пазар и државен капитализам. Некаде помеѓу е капитализмот на Трамп. Нетипично за републиканците, владата сè почесто го наметнува својот авторитет врз приватниот сектор и посегнува по акции на компании, наводно за да ја заштити националната безбедност, но со ризик да го наруши слободниот пазар.

Светското научно тело за климатски промени тивко ги отфрла своите најекстремни прогнози за апокалиптични последици од глобалното загревање. Дури откако сценариото беше цитирано во десетици илјади научни трудови и послужи како основа за економски и социјални стратегии, авторите признаваат дека проценките биле претерани и дека не може реално да се случат.

Десетици илјади германски ученици денеска ја бојкотираат наставата за да протестираат против новата владина политика за регрутација. Владата на канцеларот Мерц испрати прашалници до 206.000 млади дали прифаќаат воена служба. Пријавувањето е на доброволна основа, но ако не одговорат на прашалникот, се соочуваат со казна од 250 евра или може да бидат приведени.

За да го врати својот углед во светот, урнат по геноцидот во Газа и војните во Иран и јужен Либан, Израел за четири пати го зголеми буџетот за „јавна дипломатија“. Издвои 730 милиони долари за лобирања и кампањи за ширење на влијанието во странство. Скептиците укажуваат нема пари што може да го исчистат угледот на Израел, неповратно уништен поради војните.

Министерството за правда на САД отвори истрага за серија сомнително темпирани тргувања на пазарот на нафта непосредно пред главните најави на Трамп за војната во Иран. При само четири случаи имало сомнителни трансакции од 2,6 милијарди долари. Шемата се повторила завчера, кога ненадејно се тргувало со 700 милиони непосредно пред нафтата да поевтини за 7%.

Група конгресмени бараат администрацијата на Трамп да го прекине повеќедеценискиот молк и јавно да признае дека Израел има нуклеарно оружје, што е јавна тајна која Израел ниту ја признава ниту ја негира. Додека САД се во војна со Иран, Американците треба да знаат што поседува и што може да направи нивниот главен сојузник и да ги имаат предвид можните последици.

Тед Тарнер, кој после долга борба со деменција почина на 87 години, беше еден од последните добронамерни либерални медиумски могули. Но, речиси секоја реформа што ја проба, даде спротивен резултат. Империјата што ја создаде сега преоѓа, дел по дел, во рацете на десничарите на кои се спротивставуваше целиот свој живот. Од кабелските вести до професионалното борење, сето тоа завршува како инфраструктура за МАГА.

Почнувајќи од мај, шведската влада реши веќе да не го користи широко употребуваниот поим исламофобија затоа што пречесто се користи и за замолчување на оние кои легитимно ги критикуваат идеите и практиките на радикалниот ислам. Решија во иднина да се користи теминот „анти-муслимански расизам“

Милијардери со чии даноци се полни касата на Њујорк го оценија како опасно и загрижувачко видеото со кое градоначалникот Мамдани бара воведување даноци на втори луксузни домови. Стивен Рот бара слоганот „Оданочете ги богатите!“ да се третира како говор на омраза, бидејќи ги прикажува богаташите како зло што треба да се отстрани.

Трамп објави дека го запира Проектот Слобода поради „голем напредок“ во напорите за мировен договор со Иран. Дипломатија секако имало, но вистинската причина за откажувањето била тоа што САД не можеле воопшто да ја спроведат операцијата. Саудијците, гневни поради ризикот од ескалирање, се заканиле дека ќе го затворат својот воздушен простор за американски авиони.

Елиминирањето на нарко-картелите на западната хемисфера останува највисок приоритет на администрацијата на Трамп. Но, во новата антитерористичка стратегија на Белата куќа се критикува и Европа, затоа што политиката за отворени граници и неконтролираниот прием на мигранти ја претвориле во финансиски, логистички и центар за регрутирање терористи.

Изградбата на огромни компјутерски центри за податоци го надмина глобалниот капацитет за производство на мемориски чипови. Нарачуваат за неколку години однапред. Тоа ги принудува производителите на лаптопи, смартфони и електронски уреди да ги поскапуваат своите модели и целосно да ги укинат поевтините, од кои вадат најмал профит.

Трамп и Пентагон тврдат дека воените напади врз цивилни бродови во Карибите и Источниот Пацифик го намалиле за 97% шверцот на дрога во САД и дека спасиле животи на стотици илјади Американци. Конгресмени и експерти укажуваат дека ова се лаги со кои се доведува јавноста во заблуда и обид да се оправдаат незаконски убиства на речиси 200 цивили.

Во јуни одат на еден од најбитните референдуми последниве години. Идејата на предлогот „Не за Швајцарија од 10 милиони“ е кога државата ќе дојде до цифра од 9,5 милиони, автоматски да стапат на сила строги лимити на имиграцијата, азилот, семејното спојување, работните дозволи и други форми на доселување. Моментално имаат 9,1 милион жители. Што би рекол швајцарскиот часовник: тик-так, тик-так....

Пазарите за предвидувања изгледаат како лесен начин да се заработат пари. Но, како и секое коцкање, губитниците се многу побројни од победниците. На Полимаркет 67% од добивките одат кај само 0,1% од корисниците – професионалци што плаќаат големи пари за пристап до лавини од податоци, компјутерски го проценуваат ризикот и прават по десетици вложувања во минута.

Негувателите и воспитувачите во граднинки низ Велс добија инструкции итно да го пријавуваат во полиција секој случај на расистичко однесување на децата. Сите инциденти оценети како „злосторства од омраза“ ќе бидат евидентирани во полиција, а сторителите, дури и оние во пелени, ќе се соочат со „дисциплински мерки“ и „лекции по антирасизам“.

Инфраструктура на израелски телекоми била злоупотребена за следење на граѓани во повеќе од десет земји во изминатите три години. И најнапредните мобилни уреди биле изложени на надзор преку слаби точки во старите телефонски мрежи од 1970-тите години прилагодени за ерата на паметните телефони, открива дигиталната истражувачка група Ситизен Лаб.

Анкара и Канбера воведоа слични забрани за пристап до социјалните платформи. Медиумите ја критикуваат едната како „авторитарен надзор“, а ја фалат другата како „заштита на младите“. ЕУ има уште поелегантна цензура – ги замолкнува критичарите без да апси луѓе. Во трите случаи слободата на изразување е задушена. Анкара, за разлика од Брисел го признава тоа.

Нивото на Мексико Сити – еден од најголемите градови во светот, се спушта за по 25 сантиметри годишно, покажуваат нови сателитски снимки на НАСА. Предизвикано од претераното црпење на водите и урбаниот развој, тонењето ја оштетува критичната инфраструктура - метрото, системот за канализација, водоводната мрежа и улиците во градот во кој живеат 22 милиони луѓе.

Војната во Украина ја разби основната претпоставка дека големината и воената сила се доволни за да се наметне сопствената волја. Со вистинска стратегија и решителност, послаба држава може да преживее, па дури и да победи многу поголем и посилен противник. Војната на САД со Иран открива слични ограничувања на американската моќ.