Со капацитетот за нуклеарно одвраќање, Де Гол ѝ обезбеди на Франција достоинство за време на Студената војна. Помпиду со нуклеарните реактори ја заштити земјата од енергетски потреси. Макрон сака да влезе во историјата како претседател кој се спротивставил на дигиталната колонизација на Европа. Ако Французите не се побунат против валканите дата-центри.

Додека војуваа со Хезболах, израелските сили го бомбардираа јужен Либан, а потоа со багери ги уриваа сите куќи и имоти. Откако во јуни потпишаа примирје, се префрлија на уништувачка тактика на палење шуми и земјоделски насади за да го пеплосаат регионот. Потпалуваат оган со ракети и дронови, а потоа ги попречуваат интервенциите на противпожарните екипи.

Кинеските локални заедници со суеверни градоначалници имаат послаби економски резултати за просечно 2% во споредба со другите општини, покажува нова студија. За да ги прилагодат урбанистичките планови кон правилата од фенг шуи, блокираат инвестиции, поништуваат градежни проекти, па дури и уриваат згради.

Швајцарски активисти ги обвинуваат властите дека со воведувањето санкции за Русија ја прекршиле неутралноста, која не е строго дефинирана. На референдум во септември граѓаните ќе се произнесат дали неутралноста треба да биде вградена во Уставот, како клучен принцип на швајцарската држава и темел на нејзината надворешна политика.

Докторот Ентони Фаучи изјавуваше пред јавноста дека мРНК-вакцините против ковид-19 се апсолутно безбедни за бремени жени, иако знаел дека го зголемуваат ризикот од спонтан абортус во текот на првиот триместар. Сериозните ризици биле потврдени во приватна дискусија со двајца високи соработници, покажуваат новообјавени пораки од неговиот службен телефон.

Локалната власт во градот Кембриџ потроши милионска сума за серија јавни вецеа со концепт чучавци. Направено е тоа за да се задоволеле некои специфични културолошки преференци на дел од туристите кои го посетуваат градот. Локалците сега мрчат затоа што треба да платат за да чучнат. 

Застарената надземна електрична мрежа е одговорна за најразорните шумски пожари во Грција во текот на оваа сезона. Бројот на пожари од далноводи е релативно мал, но огнот вообичаено избувнува на непристапно место со сува вегетација и ветровите лесно го шират во катастрофа. На Грција ѝ требаат 35 милијарди евра за да закопа кабли во должина од 120.000 километри.

Стотици илјади верници секоја година ги напуштаат католичките и протестантските цркви во Германија, но црквите сепак добиваат повеќе пари од задолжителните даноци. Зголемувањето на просечните плати и прогресивниот даночен систем значат дека намалениот број регистрирани верници секоја година издвојуваат повеќе пари за црквата.

Иако младите Британци се квалитетно образувани, тоа не им е гаранција дека на пазарот на труд лесно ќе најдат работа и ќе добијат плата соодветна за знаењата и вештините што ги стекнале. Економската стагнација ги пренасочува кон работни места за кои се преквалификувани и им ги зголемува фрустрациите поради тоа што заработуваат помалку од неписмени работници од САД.

Првите транши од заемот на Европската Унија за Украина во вредност од 90 милијарди евра почнаа да се исплаќаат од јуни. Иако некои земји-членки се изземени од финансиските обврски поврзани со заемот, се поставува прашањето: кој на крајот ќе го сноси товарот? Очигледно, ниту самата Европска комисија не го знае одговорот.

Доналд Трамп тајно ја напуштил Турција минатиот месец со воен авион, а не со претседателскиот „Ер форс 1“, во кој патувале неговата придружба и новинарите. Таква тајна операција за заштита на претседателот на САД била спроведена само неколку пати досега. Причината биле сериозните закани за атентат врз Трамп од страна на Иран, тврдат извори на „Вашингтон пост“.

Иако САД со децении се убедливо најмоќната земја во светот, со воен буџет капацитети без конкуренција, но сепак имаат долгогодишно искуство на порази во погрешни војни за погрешни цели. Ова ја вклучува и војната со Иран, во која сè уште не е постигната ниту една од наведените цели и која веројатно ќе заврши така што ќе ја засили стратешка позиција на непријателот.

Екстремистичката група Нова ИРА планира да ја прошири кампањата на насилства со прогон на мигрантите од целиот остров. Ситуацијата во Северна Ирска врие од јуни, кога 30-годишен азилант од Судан крвнички го нападна студентот Стивен О'Гилви и се обиде да му ја отсече главата. „Доаѓа време за граѓанска војна“, предупредил екстремист на социјалните платформи. 

Украина во изминатите две години успеа речиси од нула да ја изгради најмоќната индустрија на воени дронови во светот. Веќе ги произведува со милиони, сто пати повеќе отколку САД. Токму поради ова нема да добие лиценца за производство на ракетите „патриот“. Производителите во САД се загрижени дека украинските копии ќе бидат поефикасни и поевтини од оригиналот.

Лери Сангер во 2001 година учествуваше во создавањето на Википедија. 25 години подоцна „слободната енциклопедија“ му забрани да уредува содржини. Тој тврди дека ЦИА и слични агенции со години уредуваат статии за да шират пропаганда, која денес се засилува преку хранење на ботовите со содржини што застапуваат ставови на влади и на големи корпорации.

Основните училишта во Англија ќе бидат задолжени да предвидуваат кои деца најмногу се изложени на „ризик дека ќе бидат невработени“ откако ќе го завршат школувањето на 16-годишна возраст. Без оглед на нивните потенцијали да напредуваат подоцна, оваа група деца ќе биде насочена по друга патека што води кон занаети и дефицитарни професии.

Пакистан, Турција и Саудиска Арабија - американски сојузници со мнозинско сунитско население, потпишаа одбранбен договор со кој се обврзуваат на воена солидарност ако било која од нив биде нападната. Иако трите земји негираат, Пактот е јасно насочен против шиитскиот противник Иран, кој како победник во војната со САД е спремен да го прошири своето влијание врз регионот.

Двотретинското мнозинство ѝ овозможи на владата на Маѓар да уништи сè што останало од стариот систем и да осигури дека Виктор Орбан и неговата партија никогаш повеќе нема да се вратат на власт. Иако чистката во Будимпешта има помалку допирни точки со владеењето на правото од режимот на Орбан, Брисел ја наградува со политичка и финансиска поддршка.

Џејсон Ардеј стекна светска слава кога беше назначен за најмладиот црн професор во историјата на Универзитетот во Кембриџ. Сега поднесе оставка поради плагијат на докторатот. Факултетите се уловиле на неговата приказна дека научил да пишува на 18 години, а на 30 веќе докторирал, па го промовирале како успешен пример за „различност“ без да проверат дали можеби ги лажел.

Запуштената зграда во Цирих во сопственост на Република Македонија и во која треба да биде сместен конзулат, десетина дена била окупирана од група левичарски активисти. Се вселиле нелегално затоа што објектот со години бил напуштен. Полицијата во четвртокот ја пронашла куќата празна, со многу ѓубре оставено од дивовселените. Зградата уште чека некој да ја реновира.

Израел уфрлил шпион во ОН за да ѝ дојавува на владата во Тел Авив доверливи информации во време кога Израел се соочуваше со истрага за воени злосторства во Газа, покажуваат протечени електронски пораки. Функционерите во ОН потпишуваат изјава дека ѝ служат само на организацијата, а не на своите земји, но нема санкции ако некој го прекршува правилото.

Зеленски најавуваше дека нападите со дронови врз рафинерии и магацини длабоко во Русија ќе донесат пресврт во војната. За жал на Украинците, пресвртот дојде и не е во нивна корист. Украинската противвоздушна одбрана завчера не успеа да собори ниту една од 28-те балистички ракети истрелани кон Киев. Остана без пресретнувачи „патриот“, а и нема од кого да ги купи.

Три од најголемите банки во светот - JPMorgan Chase, Deutsche Bank и Bank of America не ги пријавиле како сомнителни исплатите на Џефри Епстин кон жени во Источна Европа, иако знаеле дека тој е обвинет за трговија со луѓе. Ги пријавиле трансакциите дури откако Епстин беше пронајден мртов, тврди сенатор во извештај по повеќегодишна истрага.

Во лабораторија во Калифорнија се создадени првите целосно функционални вештачки вируси дизајнирани од вештачка интелигенција, скроени да се хранат со бактерии. Новите типови вируси, кои ги нема во природата, не можат да заразат луѓе или животни, но истражувачи предупредуваат на ризикот од злоупотребување на технологијата за да се создадат смртоносни биолошки оружја.