Елисејската палата минатата фискална година ја завршува со еден од најголемите минуси, затоа што Макрон решил да потроши нешто помалку од половина милион евра на вечерата за британскиот крал.

4,5 милијарди долари во злато што беа во резервите на Централната банка на Аргентина, веќе не се таму. И не само што не се таму туку никој не знае / не кажува каде се.

Брисел веќе прави стратегија како ќе одговори ако се остварат најавите на Трамп за заштита на американската економија со давачки на увозните проиводи од ЕУ. Не им е сефте. Во првиот мандат Трамп удри по европскиот челик а овие вратија онаму каде што најмногу ги боли неговите гласачи: бурбон, Харли Девидсон и говедско.

По глобалниот самит што го организираше во јуни во Швајцарија, Украина, конкретно Зеленски, најави дека до ноември ќе имаат и акциски план како да се стигне до мирот.

Оние што веруваат дека атентатот на Трамп не е дело на осамен лудак туку-така качен на покрив со пушка, убедени се дека моќните структури кои го извеле тоа, нема да се откажат после првиот неуспех. Особено што стигна и писмо од свиркач, контра-снајперист, кој го тврди истото и вели дека ќе алармира додека не бидaт сменети сите негови претпоставени.

Истиот 80-годишник кој минатата година се прослави по најавата дека сите пари ќе му ги остави на својот градинар, сега излезе дека нема да има нешто многу пари за оставање.

Жените што учествуваат на Олимпијадата во Париз се „елитни спортисти“ кои камерманите треба да ги кадрираат на ист начин како и мажите, порачал директорот на комплетниот пренос од ОИ 2024.

Видео склопено со вештачка интелигенција кое беше очигледна пародија на Камала Харис толку го разбесни калифорнискиот гувернер Гавин Њусам што веднаш најави закони со кои ќе се осигура дека не може тоа така. Првиот човек на некогаш најдобрата американска држава очигледно не верува дека неговите граѓани можат да разликуваат реалност од очигледна фикција без помош на цензура.

Гувернерот на Калифорнија им нареди на агенциите на сојузната држава да почнат со отстранување на населбите на бездомници на државно земјиште, откако Врховниот суд на САД им дозволи на градовите да ја спроведат забраната за спиење на отворено на јавен простор.

Само 13% од испитаниците изјавиле дека се подготвени редовно да јадат оброци со инсекти, кои во последно време се натураат како еден од столбовите за спас од глобалното затоплување. И тоа мора да се поправи во име на климатските промени, не инсектите, туку вашето гадење од нив.

Забраната за блокатори на пубертет воведена од претходната британска влада со помош на вонредни овластувања е законска, одлучи британскиот Висок суд, со што речиси ја запечати важноста на забраната.

Сред работна недела директор на Ферари почнува да добива еден куп неочекувани пораки, и сите изгледаат како да доаѓаат од ЦЕО-то на компанијата кој нема врска со тоа.

Познато е дека дека здравјето и долгиот живот се во тесна врска со БДП по глава на жител онаму каде што се живее. Но, проекции за очекуваниот животен век на средината на овој век велат дека просечниот животен век во Шпанија ќе биде подолг од оној во далеку побогатата Данска. Исхраната и движењето се битни, но не се сè. Шпанците ги држи (долго) во живот и тоа што се дружат и смеат, макар седеле и јаделе чипс. 

Две недели детоксикација од социјални мрежи успеала да ја намали зависноста од смартфони и социјални медиуми, додека во исто време го подобрила физичкото, менталното и општествено здравје кај младите лица.

На почеток на пандемијата, луѓето во апаратите за механичко дишење гледаа спас ако фатат ковид и работата се искомплицира. Како доаѓаа податоци почнаа сомнежите, за на крај луѓе да молат да не бидат ставани на вештачко дишење. Во право биле. Стигнаа податоци за Германија. Но, ако таму податоците се лоши, кај нас беа катастрофални.

Минатиот месец министерот за одбрана на САД, Лојд Остин, добил телефонски повик од својот колега од Москва, Андреи Белоусов, кој инсистирал дека мора да разговара со првиот човек на Пентагон.

Доктор Марк Перлмутер е американски хирург со 40 мисии и 30 годишно огромно искуство во катастрофични зони ширум светот. Запрепастен е од цивилното уништување на кое неодамна сведочел во Газа. Најмногу го вџашува огромниот број деца загинати од прецизни снајперски погодоци. Неговото искуство го потврдуваат десетици други доктори кои биле во Газа.

Тоа што на штабот на Трамп му требале цели два часа пред да објави изјава за повлекувањето на Бајден од трката, Аксиос го толкува како знак дека и тие не очекувале американскиот претседател, или барем не тогаш, да се откаже од номинацијата.

Една третина од сите држави во светот се под некоја форма на финансиски и трговски санкции кои против нив ги имаат воведено Соединете Амрикански Држави. Најмногу страдаат сиромашните: 60% од државите со низок приход пиштат под американски санкции. Иако нема уверливи докази дека тие функционираат, за американските претседатели санкциите остануваат омилена алатка.

Кај требаше Русија да изврши инвазија на Украина и години и години закани дека Америка ќе се повлече од НАТО за членките на Алијансата да се приближат до ветените 2% БДП трошење на одбрана, сега тимот на Трамп размислува границата да ја крене на 3%.

Поранешниот американски претседател се уште ја нема поддржано Камала Харис, а тоа е затоа што тој не мисли дека таа ќе може да го победи Доналд Трамп, тврдат извори блиски на семејството на Бајден.

Еден од најбрзо растечките демографски трендови во САД е порастот на оние кои не планираат некогаш да создадат и одгледаат дете. Ги викаат „dinks“, што е акроним од „dual income“ односно двоен приход и се работи за двојки кои живеат заедно без да го комплицираат животот со нови членови на нивната заедница. 

Лас Вегас најверојатно ќе го добие новоотвореното место за проширување на НБА лигата, и тоа ќе чини историски многу пари, а како потенцијални инвеститори се редат милијардери, инвеститори претставувани од Леброн Џејмс, па до компанијата што е сопственик на Ред Бул.

Со додавање на осум милиони гледачи само во последниот квартал, Нетфликс сега има 277,7 милиони претплатници и стига до над 600 милиони луѓе низ светот. ЕплТВ+ не е баш таму.