Кога Америка и Европа ќе се соочат во дебата за БДП-то, исходот не е толку јасен како на фудбалски натпревар. Економистите знаат да исчекорат од економскиот терен во етнографијата. САД прашуваат: Ако Европа осиромашува, зошто се чувствува толку пријатно? Европа возвраќа: Американското предградие можеби нема шарм на средновековен град, но затоа е богато.

Само неколку дена откако САД му дозволија на Техеран да пристапи до 6 милијарди што му се замрзнати во странство, четири ирански банки вчера беа блокирани со кибернетски напад. Сомневањата водат кон Израел, кој настојува да го спречи финансирањето на Хезболах, а притоа да не остави траги дека ги минира американско-иранските мировни преговори.

Расте бројот на Американци кои го сметаат актуелниот претстедател за опасен диктатор кој треба да биде спречен пред да направи некоја поголема беља од досегашните. За разлика од нив, Белата куќа е убедена дека тој веќе направил историски чекори за Америка и за светот. И покрај рекордно нискиот рејтинг на Трамп, кандидати кои тој ги поддржува убедливо победуваат. 

Додека Брисел се прави наудрен, директорот на европската асоцијација на аеродромите го признава она што со недели ги фрустрира патниците што доаѓаат во ЕУ. Новиот граничен систем за проверка на патници не функционира. На терминалите се создаваат метежи, а патници пропуштаат летови иако доаѓаат и по четири часа порано на аеродромите. 

Западот ја доби Студената војна нудејќи подобар живот, полни супермаркети, рокенрол и нецензурирани книги, а не поради тоа што Русите им завидувале на цврстината на НАТО или на строго контролирање на мислите. Политичката елита сега нуди трајно обезбедувана ЕУ, отсечена од евтина руска енергија и суровини, пад на животниот стандард и бесконечни морални поуки.

Ефикасноста на новото евтино оружје на боиштата во Украина и во Персискиот залив не само што темелно го промени начинот на војување, туку и предизвика револуција во одбранбената индустрија. И додека владите купуваат тенкови и авиони, инвеститори од ризични фондови вложуваат милијарди во стартапи што произведуваат автономни дронови и чамци.

Администрацијата на Трамп ја забранила новата алатка со ВИ на Антропик откако директно сведочела како го пробива заштитниот систем на Агенцијата за национална безбедност на САД. Иако тестирањето било спроведено во строго ограничени услови, случајот отвори прашања дали е загрозена безбедноста на критичните агенции и дали властите можат да го запрат развојот на ВИ.

Кир Стармер пред две години влезе во Даунинг стрит кога неговите медиумски навивачи ветуваа ера на можеби здодевна но блажена. А оставија немири, поделби и напад врз древните слободи на англиската. „Наравоучение од Стармер? Никогаш не му верувајте на технократ“, пишува Брендан О' Нил.

Со години, владите ја уверуваа јавноста дека читачите на регистарски таблички не се ништо повеќе од алатки за откривање украдени возила и за ловење опасни криминалци. Камерите што ги снимаат табличките сега може да добијат сензори што ќе можат да ги идентификуваат возачите и патниците и да откријат сè за нив преку нивните мобилни телефони.

Со потпишувањето на Меморандумот за разбирање, САД и Иран не решија ниту едно од прашањата поради кои почна војната, туку само ги одложија за подоцна. Како и секоја спогодба за примирје, поставува основа за преговори. Во овој случај, најверојатниот исход не е трајно решение, туку насилен хаос, со повремени ограничени насилства.

Убедени дека разладувањето на домовите ја затоплува околината и го оптоварува семејниот буџет Французите беа спремни да трпат летни жештини без клима-уреди. Беше потребен силен топлотен бран од Африка за да почнат да се пресметаат и да сфатат дека можеби биле во заблуда. Нема да го спречат топењето на глечерите и нема да осиромашат ако почнат да се ладат.

Иако ги „бомбардираат“ со економски и трговски блокади, САД сè потешко можат со нив да ја наметнат својата волја врз непокорните режими низ светот. Владите на Иран, Русија или Северна Кореја развија системи за заобиколување на санкциите, а понекогаш само се протнуваат низ дупките што намерно им се оставени. Ако некој страда, тоа е народот, а никогаш режимот.

На линија на она што го збореше Рамбо Амадеус, дека во аналогните времиња, човек на шанк седеше со свои луѓе и не можеше туку така некој да им се трапоса, во контраст со денешните времиња кога секој секому може да му дојде во Фејсбук двор и да му баљезга. Стварно ќе беше подобро ако не ги запознавме оние кои толку успешно ги избегнувавме во вистинаскиот живот.  

Паралелно со камерите од ФИФА што ги снимаат фудбалерите од секој агол за да поправат судиски грешки, многу поголем систем од илјадници камери на приватна компанија ги снима десетиците илјади навивачи на трибините и архивира биометриски податоци. Нема строга контрола врз базата и нема контрола дали клиенти може да ги злоупотребуваат или да ги продаваат податоците.

Турција го шири своето културно влијание во Централна Азија, а Кина инвестира во инфраструктурата во поранешните советски републики за да ги извлечат од влијанието на Москва. Европската Унија делува незаинтересирано, иако е главниот економски корисник и завршен западен терминал на новиот трговски коридор што се пробива до Европа.

Речиси половина век откако генијалниот физичар Ричард Фајнман ја начкртал на салфетка својата формула за оптимален избор на ресторан, научници ја потврдија нејзината математичка точност и ја провериле кај 2.500 луѓе. Формулата е само навидум тривијална, бидејќи е груб математички приказ на човечкото однесување и нуди оптимални решенија за најразлични ситуации.

Трамп по потешкиот пат откри зошто никој претседател пред него не се осмелил да тргне во војна против Иран. Тие, за разлика од него, ги пресметале силите. Одбивајќи да го прифати поразот, Трамп вели дека САД ќе останат „чувари на Блискиот Исток“. Реалноста одговара дека ќе треба да направи уште нешто како ниту еден пред него: да ги повлече САД од Блискиот Исток.

Русија се гордее со долгата традиција на математичка и информатичка велесила. Но, поради војната во Украина веќе заостанува цела деценија зад САД и Кина во технолошката револуција за развој на ВИ. Иако прави обиди да ги задржи талентираните инженери, Русија нема доволно пари за развој на сопствена технологија и за хардверот што ја задвижува вештачката интелигенција.

Младите Британци што сега ги завршуваат студиите во текот на работниот век ќе заработат 10% помалку во споредба со генерацијата на своите родители. Потребно им е повеќе време за да ги вратат кредитите за студирањето, потешко можат да најдат работа, а ако најдат - платите ќе им растат побавно отколку на квалификуваните работници.

Кога ќе се спомнат тајни друштва, дел од јавноста вели „Така е!“, а дел веднаш помислува дека се работи за уште една од бесмислените теории на заговор. Но, што кога ќе протече проверена информација дека еден милијадер има токму такво тајно друштво со многу моќни и влијателни луѓе во него и никој не ја оставил својата службена мејл адреса?

Клонирањето на клонови на цицачи може да произведе здрави индивидуи за многу генерации, но не може вечно да ја одржи лозата. Јапонски истражувачи клонирале 58 генерации од еден глушец. Со секоја рунда прогресивно се акумулирале штетните мутации. Последната генерација умрела ден по раѓањето. Природната репродукција останува неопходна за ресетирање на генетските грешки.

Потпретседателот Венс призна дека Белата куќа сериозно ја разгледува иницијативата на Берни Сандерс за национализација на најголемите компании за вештачка интелигенција. Стравот не е од масовни отпуштања поради ВИ туку од зголемување на нееднаквоста што води до радикализација, слично на појавата на фашизмот и комунизмот во Европа по Индустриската револуција.

Светските лидери во Версајската палата аплаудираа кога Трамп го потпишуваше Меморандумот за разбирање со Иран. Но, тоа беше повеќе рефлексен чин на олеснување отколку прослава. Трамп беше принуден на договор што ги брише сите црвени линии на Вашингтон, доведувајќи ги САД во многу полоша состојба отколку пред војната. И притоа го награди режимот што сакаше да го урне.

Блискоста со Трамп му помогна на Нетанјаху да ја зачува премиерската функција и да ја протурка својата агенда. Сега токму поради оваа блискост може да падне од власт и да замине од политичката сцена. Единствената личност чии интереси се важни за Трамп е Трамп. Тие интереси честопати се совпаѓаа со оние на Нетанјаху, но тоа отсекогаш било брак од интерес.