Шпионските агенции некогаш поставуваа „бубачки“ на телефоните или на каблите за интернет за да ги прислушуваат граѓаните. Европските разузнавачки служби сега масовно купуваат големи пакети со комерцијално достапни лични податоци, во кои граѓаните често пати самите откриваат за себе многу повеќе отколку што може да се дознае со класично шпионирање.

Војната во Иран, ако се почитува лабавиот договор за прекин на огнот, беше релативно кратка. Но, огромните трошоци и последиците ќе се чувствуваат со години. Американците секој ден плаќаат 360 милиони долари повеќе за гориво и потешко може да си дозволат нов дом. Глобалниот раст се спушти на нивото од пандемијата. Се очекува и Трамп да плати политичка цена во ноември.

Во 2008 година Кина со купувањето американски државни обврзници спречи целосен распад на глобалниот финансиски систем. Сега со своите нафтени резерви го ублажи глобалниот енергетски шок. Втор пат во изминатите 20 години земјата што Западот ја претставува како „закана“ за глобалната економија спречи глобална економска катастрофа предизвикана од САД.

Во 90-тите години шведската економија упаѓа во длабока криза и рецесија. Изборот бил или да го средат проблемот сами или да чукнат на портите на ММФ па после други да им кажуваат што треба да се прави. Направиле комисија од економисти од сите партии и донеле 113 препораки. Главно, го стегнале буџетот. Ако министерство сака да покачи некој трошок, мора да каже кој трошок ќе го намали.  

Еден ден порано од најавеното, САД и Иран го потпишаа Меморандумот со кој ја завршуваат војната. 14-те точки од договорот сведочат дека САД не добиваат ништо што го немале пред војната, а Иран добива укинување на санкциите, деблокирање на сметките, фонд за обнова од 300 милијарди долари, а веројатно и право да наплаќа за поминување низ Ормускиот проток.

На својата втора инаугурација Доналд Трамп изјави дека изборите на кои победи ќе бидат запаметени како најзначајните во историјата. Ја постигна таа цел со поразот од Иран во војната што самиот ја избра. Предизвика стратешка катастрофа со подолготрајни и подлабоки последици од поразот на САД во Виетнамската војна.

Независна платформа со вештачка интелигенција ја откри најголемата операција за инсајдерско тргување во Америка – во законодавниот дом на САД. Повеќе од половината од сите берзански тргувања на пратениците во Претставничкиот дом и во Сенатот биле поврзани со акции на компании врз кои конгресмените имаат влијание преку комитетите во кои учествуваат.

Наместо да ја потврди капитулацијата пред Иран, Трамп дава изјави бизарни дури и според неговите стандарди. Режимот во Техеран, кој беше „олицетворение на злото“ сега е „разумен партнер“. Нуклеарниот материјал кој беше „егзистенцијална закана“ за Америка, сега можеби засекогаш ќе остане во Иран. Дали претседателот сè уште ги разбира зборовите што ги кажува?

Двајца американски навивачи се избрани од илјадници кандидати за „совршената работа“ – ќе добијат по 50.000 долари за да седат на кауч и да ги гледаат преносите од натпреварите од Светското првенство во фудбал. Единствениот услов е да ги следат сите 104 натпревари од стаклена коцка поставена на преполниот Тајмс сквер во Њујорк.

Со иновативен начин на проучување на човечкиот мозок, научници открија дека ментални состојби како шизофренијата и биполарното растројство оставаат уникатни електро-физиолошки потписи во мозочните мрежи. Откритието може да помогне за попрецизно дијагностицирање на менталните состојби и за дизајнирање персонални третмани за лекување.

Во обид да ја протнат нафта преку блокираниот Ормуски проток, американските сили ја копирале тактиката со која Иран со години наназад ги избегнува санкциите за извоз на нафта. Танкери со воена придружба се пробивале низ опасната зона, а потоа среде море ја преточувале нафтата во супертанкери. На овој начин за месец и пол низ блокадата поминале 90 милиони барели нафта.

Војната што Трамп му ја објави на Иран и ја загуби ги чинеше Американците над 100 милијарди долари, штетата во Иран е 270 милијарди, а во арапските земји близу 200 милијарди. Но, за некои, војната се покажа многу профитабилен бизнис. На тајкуните од големите енергетски компании секој нов ден од војната од 28 февруари па досега им носел по 300 милиони долари.

Инженер вработен во Гугл го злоупотребил привилегираниот пристап до доверливи податоци за да добие 1,2 милиони долари на пазарот за предвидувања Полимаркет. Се обложил на 2,7 милиони долари за прашање на кое го знаел одговорот: Дали најпребаруваната личност на Гугл во 2025 година ќе биде папата Лав, сопругата на Канје Вест или  D4vd?

Овошјето и зеленчукот што еврејски доселеници го одгледуваат во нелегалните населби на окупираните палестински територии се извезува во Европа како „произведено во Израел“, за да се избегнат царински давачки од милиони евра. Со толерирање на фалсификатот, Европа всушност го финансира проширувањето на израелската окупација на палестинските територии.

Доналд Трамп и спикерот на иранскиот парламент Мохамад Багер Галибаф потврдија дека електронски потпишале договор што води кон крај на војната, но деталите што точно договориле нема да бидат познати до петок. Всушност, тоа дури и не е мировен договор, туку „Меморандум за разбирање“ што ги поставува условите за преговори за вистинскиот договор во следните 60 дена.

Од Украина до Израел, дроновите денес се ударната сила за извидување и напади на бојното поле, но секогаш имало човек што ја давал завршната наредба за убиство. Украински конструктор го потврди првиот случај на дрон што автономно лоцирал и убил непријателски војници без каква било интервенција од човек. Опасната критична точка била премината уште пред две години.

Американските гласачи се предизборно поларизирани во црвен и во син табор, но истражувачкиот центар Пју издвојува девет разни нијанси на политичката мапа на САД. И републиканците и демократите ги дели во четири подгрупи со специфични ставови за економијата, имиграцијата, безбедноста и абортусот, а точно меѓу нив е „фалшливата средина“ со мал интерес за политиката.

Вашингтон штотуку го потсети светот кој навистина ја држи моќта во ерата на вештачката интелигенција. Забраната на двете супермоќни алатки за хакирање на Антропик одекна како тревога за будење во Европа и во Британија да градат сопствени алтернативи ако сакаат да се ослободат од технолошката зависност и да опстанат во новата индустриска ера.

Директорката на разузнавањето на САД објави документи што ги потврдуваат сомневањата дека САД финансирале крајно ризични експерименти со најопасните вируси познати на човештвото во 120 биолаборатории низ светот, главно во Украина. Се истражувале стекнување функции кај вируси, и се проучувале антракс, туберкулоза, чума, ебола, МЕРС и САРС.

По 106 дена војна и 38 најави од Доналд Трамп дека двете страни се близу до договор, САД и Иран конечно договорија рамка за крај на војната. Ситуацијата практично се враќа на онаа пред да почне војната, со разлика што ќе бидат укинати санкции за Техеран. Во меѓувреме загинаа над 7.000 луѓе, јужен Либан е срамнет со земја, а светот три и пол месеци остана без нафта и гас.

Kратка прошетка јужно од зградата на Европскиот парламент во Брисел води кон Авенијата Луиз, одговорот на белгиската престолнина на Шанзелизе - делница од три километри со луксузни ресторани и луксузни хотели во убави згради. Некои доаѓаат тука за дизајнерските бутици. Други доаѓаат за секс.

Пред и за време на нападот на Иран, официјален Вашингтон изразуваше длабока загриженост за човековите права во Иран и состојбата на луѓето под власта на теократскиот режим. Такви страдалници се оние кои некако успеале да избегаат од земјата, да дојдат во ветената Америка и таму да побараат азил. Но, Америка им покажа други сценарија за нив. 

Војната може да поттикне значителни иновации (или пропаганда, зависи како ја читате веста од британски Телеграф), а тоа го покажува и руско-украинскиот конфликт. Министерството за одбрана на Украина соопшти дека за само еден месец произвеле 175 нови системи за оружје, од кои 95 проценти се комплетно од домашно производство. На Америка ѝ требаат десет години за да скоцка два нови.

Намалувањето на населението на Кина е толку силно изразен што дури ни враќање на нивото на фертилитет не може да спречи намалување на населението за 40% до крајот на овој век. Се намалува бројот на жени на репродуктивна возраст и никакви пари и стимулации од владата не можат да произведат жени кои никогаш не се родиле.