Немам ништо против апсење на криминален лидер, но тоа апсење мора да се базира на јасна меѓународна правна рамка. Во идеален свет, треба да почнеме со апсење на Путин, Нетанјаху и самиот Трамп. Заедно со Мадуро, сите тие треба да делат иста ќелија во Меѓународниот кривичен суд во Хаг. Затоа, одговорот на прашањето „Кој е полош, Трамп или Мадуро?“ гласи: „И двајцата се полоши“.

Светот е толку превртен на глава што некои вести одд денес, до вчера ќе беа за „ај да се кладиме дека не е така.“ Обединетите Арапски Емирати го укинаа државното стипендирање на оние нивни граѓани што сакаат да се запишат на некој од британските универзитеи. Причината е урнебесно нестварна: ОАЕ не сакаат нивните деца таму да се радикализираат.

Научници денес користат вештачка интелигенција и компјутерски системи што учат шеми од податоци, за од нула да напишат комплетни вирусни геноми во лабораторија. Ваквите вируси изградени од ВИ се бактериофаги, вируси што инфицираат бактерии, а не луѓе, што ги прави корисни за тестирања но и за ежење, кога ќе помислиш...

Американскиот државен секретар Марко Рубио објави дека САД се откажуваат од насочување на средства за странска помош преку невладини организации. Првенствено поради големите критики за неефикасност, мамење и некомпетентност. Наместо да го хранат НВО секторот, САД директно ќе работат со државите на кои им треба помош.

Кога Путин упадна во Украина, ако некој не оценеше дека се работи за војна или инвазија туку го користеше еуфемизмот нa Кремљ дека се работи за „специјална воена операција,“ не му гинеше етикета дека е про-руски бот иле елемент на хибридната војна на Кремљ. Да видиме како американските медиуми го викаат ова што Америка го прави со Венецуела.  

Пет часа пред ноќните експлозии да го потресат Каракас, непознат кладилничар ги удвоил облозите дека Николас Мадуро ќе биде соборен. Обложувањата на Полимаркет, популарна платформа за обложување базирана на крипто, му донеле 400.000 долари по што се рашири сомнеж дека не се работи за кладилничарска интуиција туку за некој со инсајдерски информации. 

Пекинг е најголемиот губитник од грабнувањето на Николас Мадуро и соборувањето на неговиот режим. Воената операција на Трамп во Венецуела не само што се заканува да го прекине евтиниот извор на нафта за Кинезите, туку им отвора пат на САД кон енергетска супериорност во глобалниот натпревар за развој на технологијата на иднината.

Шемата за брза натурализација овозможена од претходната влада на Олаф Шолц може да доведе во Германија уште 7 милиони Сиријци во следните 50 години, предупредува холандски демографски експерт. Тој прави паралела со кампањата за увоз на квалификувани работници пред половина век, по која седумкратно се зголемија заедниците на Турци и Мароканци.

За време на Студената војна секогаш постоеше потенцијал за случаен конфликт. Но, Америка и Советскиот Сојуз беа водени од луѓе кои напорно работеа за да го спречат тоа. Дури и во најтешките кризи, дипломатијата преовладуваше. Светот од Студената војна беше побезбеден не затоа што ситуацијата беше безбедна, туку затоа што на главните позиции беа зрели луѓе.

Повеќе од 15 години левичарските екстремисти од групата Вулкан палат далекуводи и го тероризираат Берлин. Овој пат оставија без струја десетици илјади семејства. Но, се извлекуваат неказнато, бидејќи политиката и судството постојано им даваат приоритет на упади во домови на критичари на власта и ловење „агенти на Путин“.

Не поминаа ни два дена по дрската операција во Венецуела и грабнувањето на Николас Мадуро, а Трамп веќе се закани со други воени удари и грабање територии заради целосна американска доминација на западната хемисфера. Кој е следен: Колумбија која има фабрики за кокаин, комунистичкиот режим на Куба или данскиот Гренланд, кој има стратегиска важност за САД?

САД привремено ќе ја управуваат Венецуела, откако во воена акција ѝ го грабнаа претседателот Николас Мадуро, објави Доналд Трамп. Главните причини за воениот удар биле „грабежот на нафта“ и испраќањето дрога што убила многумина во САД. Американските воени сили ќе останат во регионот, а нафташите наскоро ќе се вратат во Венецуела за да го обноват бизнисот.

Иран повторно протестира. Жени ги кинат шамиите, млади луѓе скандираат слогани на улица. Се поставува старото прашање: Дали ова е тоа? Исламската Република нема да падне ако социјалните мрежи се возбудени. Едно е неоспорно: приказната за Иран сега има нов водечки човек, а тоа не е ни генерал ни мула ни демонстрант. Тоа е Доналд Трамп.

За да го нападнат и окупираат Ирак, Џорџ Буш и неговите со месеци убедуваа дека Садам има хемиско оружје за масовно уништување. 200.000 - 460.000 ирачки цивили настрадаа додека носеа демократија во земјата. По истата скрипта, Доналд Трамп и неговите со месеци убедуваа дека Мадуро ги диригира нарко-картелите а фентанилот го прогласија за оружје за масовно уништување. И нормално, нападнаа.  

Извештајот Фестивус на сенаторот Ренд Пол за расипничките трошоци на федералните власти вообичаено служи за отрезнување на Американците по новогодишното празнување. Во време на рекордно задолжување, САД потрошиле стотици милијарди долари на банални проекти како опивање ласици и дрогирање кутриња, но и на експерименти со вируси во Вухан. 

Европската Унија многу заостанува во развојот на дигиталната инфраструктура, поради што е целосно зависна од американските технолошки компании. „Наместо да го насочиме фокусот кон тоа како да ги запреме американските гиганти, можеби треба да ја вложиме нашата енергија во градење нешто сами“, предупредува врвен експерт за кибернетска безбедност.

Британските власти прв пат досега воведуваат имунизација против овчи сипаници за деца, на незадолжителна основа. Сипаниците вообичаено не се опасни и децата ги прележуваат за недела или две, но целта е да се скрати отсуството на родителите од работа додека се грижат за своите деца. Загубите од продуктивноста се проценети на 24 милиони фунти годишно.

И покрај тоа што Трамп престана да ги поддржува воените напори на Киев, ЦИА продолжила да им помага на Украинците со доставување разузнавачки информации и ги поучила дека нафтената инфраструктура е најслабата точка на руската воена машина. Нападите врз рафинерии и танкери ѝ прават трошок на Русија од 75 милиони долари на ден. 

Ирските телефонски оператори одбиле да ја блокираат мобилната мрежа за да ги спречат терористите од ИРА што активирале бомби со телефонски повик, откриваат новообјавените документи. Операторите се ваделе дека нема законска рамка за гаснење на сигналот за сите корисници и барале државата целосно да им ги надомести загубите.

Во незапирливиот бран за дигитализирање на сите услуги и лични податоци, Естонија создава и централна база со ДНК на пациентите, со цел да го подобри здравствениот систем. На критиките дека Естонците ќе ја изгубат и биолошката приватност ако некој ги пробие компјутерски сервери, властите одговараат дека здравствените картони во фиоки се уште помалку безбедни.

Ерих Фром пишуваше дека подемот на фашизмот може делумно да се објасни со тоа што луѓето претпочитаат да се откажат од својата слобода во замена за смирувачкиот комфор на потчинетоста. Вештачката интелигенција нуди нов начин за откажување од тој товар да мора да размислувате и да одлучувате сами. Тешко стекнатата самодоверба дека разумот може да го води човека во животот се напушта со аутсорсирање на мозокот.

Геј гласачи низ цела Европа ги напуштаат левичарските партии и почнуваат да ги поддржуваат суверенистичките, популистички или националистички движења. Главна тема за пресвртот е миграцијата: европските хомосексуалци стануваат конзервативци како што во Европа сè повеќе доаѓаат мигранти кои се геј-хејтери.

Игнорирањето на мерките и протоколите за безбедност во ноќниот клуб Le Constellation во Кран Монтана е главната причина за десетиците загинати во пожарот на пречекот на Новата година. Никој не спроведувал контроли. Пожарот избувнал од прскалки, а над 200 гости се туркале низ тесен ходник до излезот. Загинаа најмалку 47 луѓе, претежно млади, а над 100 се повредени.

Европските фондови, односно финансирањето преку грантови од Европската Унија, се едни од највредните и најкорисни придобивки што членството во Унијата им ги обезбедува на земјите-членки и нивните жители. Истовремено, тие се и мрсна шанса да се лапнат пари без работа а тоа и се прави. Цифрите се огромни.