Да ви раскажеме како една бубачка успева да преживее дури и кога е проголтана од жаба - накратко, така што се пробива низ целиот дигестивен тракт на душманот и на крај излегува од неговиот анус. Молиме да не се брза со евтини политички паралели: онаму од кај што излегува бубачката, во светот на политиката, тоа обично е место во кое се влегува.  

САД е земја во која попрво ќе се забрани некоја апликација отколку да се забрани секоја будала да поседува полу-автоматска пушка. Со тој факт во моментов се соочува ТикТок кому Трамп му е намерачен да го забрани. Но, на повидок е бел витез со многу пари.

Во лошото комбо пандемија плус протести, во американските градови сè повеќе се гине. Во 36 од 50 најголеми градови во земјата, бројот на убиства е поголем од лани, некаде и за преку 50 проценти. 

Арсенијевиќ е писател, панкер, најмлад добитник на НИН-овата награда за најдобар роман (и тоа за неговата прва книга „Во потпалубата“, 1994), основач на книжевниот фестивал Крокодил, денес пишува колумни и есеи... „Секогаш ќе имаме лидер со набабрено его и куп лигуши околу него“, вели во интервју за Време.

Мајкл Шаленбергер е повеќедецениски климатски активист и познавач на енергетските трендови кого магазинот Тајм го има прогласено за „Херој на човековата околина.“ Сведочи за неговото непријатно искуство во американскиот Конгрес, кога, штом скршнал од очекуваните наративи ( а тоа значи безусловно навивање за обновливи енергии и ништо друго), веднаш му бил одземен зборот и бил нападнат дека му е до пари. 

Фирма за организирање секс забави добила 170.000 фунти државна помош за закрепнување од ковид-19. Дел од британските пратеници, женски и либерални, имаат проблем со ова.

Пандемијата на Ковид-19 го предизвика најжестокото економско невреме во поновата историја на САД. БДП во вториот квартал од оваа година бележи пад од преку 30%.

Германија 1930-ти: Нацистите во првите фази од својот геноциден план за уништување на Евреите наредуваат обележување на сите еврејски продавници со Давидовата ѕвезда. САД 2020: Гугл како дел од својата иницијатива за поддршка на црните заедници почнува на својата мапа да ги обележува сите продавници во сопственост на црнци со посебна икона.

Кога некој како Роган решава да го напушти градот кој важи за матица на креативците од светот на филмот, забавата и поп културата, па уште кога како една од причините за егзилот ќе наведе дека му треба повеќе слобода, тогаш не Хјустон туку "L.A.,We Have a Problem".

Ноемвриските избори треба да бидат одложени бидејќи зголемениот обем на гласови преку пошта може да доведе до измама и неточни резултати, порача американскиот претседател.

По неколку месеци разговори во јануари 2020 двајца американски воени ветерани и официјално се приклучуваат на вооружената група што има амбиција да го зароби Мадуро. Во март 2020, 20 членови ја напуштаат групата. А потоа работите и се влошуваат.

Ај што главно никој не знае кој ги купува уметничките дела за суми од десетици милиони евра, ама па и парите што доаѓаат главно никој не знае од каде доаѓаат, едноставно се појавуваат во системот.

Забележувате ли како исчезнаа научните студии кои се бавеа со тоа колку часови или денови коронавирусот издржува на различни површини, поради кои луѓе фатија да рибаат кваки, да дезинфицираат кеси од маркет, да притискаат копче од лифт со лакт? Требаше да поминат неколку месеци за да дознаеме како таа наука била напумпана. 

Ако на некого му кажеш - Пред тебе има порција со измет, и ти треба да изедеш само една половина, а не целото, тоа и понатаму е порција измет, го сумира поранешната ко-претседателка на кампањата на Берни Сандерс изборот што Американците го имаат во ноември.

Годинава моментално е на неколку денови пред почеток на август.

Научници успеале да оживеат растение од семе старо 32.000 години. Со тоа го срушија досегашниот рекорд за цели 30.000 години. А на некој, патлиџан ќе му порасне и ене го одма на Инстаграм.

На крај пак ќе им пресметуваат колку победи имаат од сите овие номинации, и колку милиони долари ги чини секоја од статуетките, меѓутоа бројката од 160 номинации во една сезона е непобитно спектакуларна.

Во исто време кога во декември 1989 Германците од Истокот беа собрани пред штабот на Штази во Дрезден, „пријателите“ на Штази од КГБ Дрезден, сместени во блиската вила, франатично се трудеа да запалат што е можно повеќе од својата документација. „Толку многу работи запаливме, што печката експлодира,“ подоцна ќе раскаже еден од КГБ офицерите присутни во вилата, а денес руски претседател, Владимир Путин.

Соларната енергија знае да биде трансформативна технологија за многу индустрии, а еден од најзанимливите примери е областа во која никој не зборува за климатски промени и никој не чека државни субвенции за соларни панели - индустријата на производство на опиум.

Иако преќутно е прифатено дека дипломатските претставништва на која било држава ќе служат за шпионирање во корист на таа држава, сепак ваквото дипломатско џентлменство има одредени граници до каде може да оди.

Иако се поголеми стануваат шансите дека наскоро ќе имаме вакцина, малку е веројатно дека тоа ќе биде „нокаутот“ за пандемијата што го очекуваме.

Исто како некогаш во земјите од источниот лагер, луѓе на Запад денес се плашат да зборуваат отворено за своите ставови и мислења од страв да не ја нарушат официјалната догма и да бидат јавно жигосани од оние напорните кои доминираат со јавната сцена.

На една страна се богатите или штедливите или цициите, а на другата страна се разузданите и неодговорни јужњаци кои попрво би арчеле туѓи, со пот заработени пари. Постои само една разлика. До крајот на 80-тите години, ние бевме северот и ние бевме цициите. А сега - фала на прашање - ние сме југот и ние сме мрзите.

Сегашните ковид-19 статистики може да изгледаат ниски само кога во октомври ќе надојде вториот бран на пандемијата. Инаку, се уште сме во првиот бран.