Иако првичното глобално седење дома заврши работа (за тогаш), првото попуштање на мерките против ковид-19 инстантно ја освежи и одново осили пандемијата, па сега постојано слушаме за нови и нови пикови на заразени.
Процената на вирологот Памела Валели од Универзитетот во Манчестер е дека вториот бран во Европа ќе дојде некаде во октомври со надоаѓањето на зимата. Она што според нејзе е ново во однос на почетокот на пандемијата е дека последниов период се повеќе млади лица почнаа да се заразуваат.
Што се однесува на враќањето во училиште, ставот на Валели е дека тоа ќе го зголеми бројот на нови случаи, но и покрај тоа ќе мора да се случи „заради економски, социјални и психолошки причини“.
