Коронавирусот е како лопов кој ќе успее да ви влезе низ отворен џам на вториот спрат и после не само што прави русвај по цела куќа туку ќе ги испоотвори сите врати и прозорци за да можат да влезат и другите од неговата банда.

Глумејќи дека има вистинска контрола врз својата платформа или дека му е гајле што го офираат, Фејсбук забрани политичко рекламирање. Една недела пред денот на гласање. Само за новите реклами.

Американската администрација објави дека ќе го замрзне целиот имот на главната обвинителка на Меѓународниот кривичен суд Фату Бенсуда и на еден од нејзините советници. Причина за ова е гневот на Вашингтон околу истрагата на судот за воените злосторства на американските војници во Авганистан.

Чисто за да тестираат колку му е снагата на системот, Трамп ги повика гласачите во ноември ем да гласаат по пошта, ем да гласаат на избирачко место. И да, тоа не би било ни најмалку легално.

Демократската партија и Бајден очекуваа дека партиската конвенција и номинацијата на Камала Харис ќе придонесат за скок во донациите, ама не очекуваа вака спектакуларни бројки.

Асфалтираните улици и патишта летно време го влошуваат загадувањето во градовите испуштајќи до 300% повеќе штетни честички при високи температури.

Веста гласи дека жени кои пијат кравјо млеко имаат 80% поголеми шанси да добијат рак на гради. Ништо од тој ризик нема доколку се пие млеко од соја. И доколку ова второво го викаме млеко.

На една страна е потребата во некој момент да дојдеме до безбедна и ефикасна вакцина за коронавирус. Од друга страна е брзањето да се дојде до тој момент. Која од тие две страни превагнува можете да видите од дадените имиња: Русите својата вакцина ја крстија „Спутник V“ а на својата програма за финансирање на вакцината, Американците ѝ дадоа име: „Операција Ворп брзина.“

Ако реалната, трајна промена што сакаш да ја постигнеш е согорување на општеството до темели, тогаш можеби пљачкосувањето и е вистинската алатка.

Не само што ја има најголемата морнарица, туку според анализите на Пентагон таа освен што расте станува и се подобра.

„Зборовите доживеаја инфлација, служат само за манипулирање. Повеќе вреди едно домаќинство кое има свои соларни панели, рибник, кози, кокошки, бавча, селски туризам, отколку да се трошат зборови и енергија на она што не чини“ вели вредниот и умен музичар според кој, актуелната пандемија е само увертира; правата криза и придружниот тоталитаризам допрва доаѓаат. 

Не само што не е полна, Америка моментално дури е и празна со само 93 луѓе на квадратна милја. Дури и да не се земе предвид блесаво пренаселениот Сингапур со 20.000 луѓе на квадратна милја, САД заостануваат и зад прилично лабави држави како Белгија со 976 луѓе на квадратна милја.

17-годишниот Ритенхаус меѓудругото е обвинет за две убиства и еден обид за убиство, во една од најневеројатните сцени што се одиграа на улиците на Кеноша и веројатно општо во САД.

Маск е третиот по богатство човек на светот, симнувајќи го Закерберг на четврто место и набивајќи разлика од околу 5 милијарди долари (115 милијарди) пред богатството на основачот на Фејсбук (110 милијарди).

Забележав дека Чад е аномалија. Тој беше смирен. Уверен. Константно учеше. Но исто така и љубезен, утешителен, со најтоплата насмевка на светот и очи кои имаа видено премногу за неговите години, но и понатаму можеа да засветат како на дете кога ќе видеа нешто за прв пат.

Оригиналниот текст на Swiss Pоlicy Research е насловен „Факти за ковид-19“. Како што гледате од нашиот наслов, ние не би да ве убедуваме дека се факти пошто од многу факти досега се изгоревме (памтите каков спас се гледаше во респираторите, како не мораше да се носат маски, како вирусот живее со денови на површини итн?). Ама барем секое од тврдењата има линк за проверка на кажаното.

Мексикански нарко-картели почнаа да ги убиваат своите непријатели и сè што им пречи со помош на дронови апгрејдувани со бомби или друг вид експлозив.

Агентите што го чуваат Трамп, без разлика дали кога е на голф или кога е на митинг, се предупредени да не зборуваат за нивните колеги што се заразиле од вирусот додека биле на службена должност.

„Белите привилегии“ стануваат денешна верзија на библискиот грев од кој нема вистинско спасување. Можеш само да се посипуваш со пепел, да признаваш дека си грешен, да се согласуваш со обвинението. А кога почнуваш да мислиш дека твојот политички противник не само што нешто греши, туку е зло, тогаш престануваш со политика и почнуваш со религија.

Глобалните социјални мрежи тргнаа во крстоносна војна со следбениците на QAnon кои се убедени дека "ништо не е како што кажуваат на вести" а со светот управува глобална сатанистичко- педофилска група на моќници и злотвори. Твитер, Фејсбук и Инстаграм им ги кинат акаунтите и им ги бришат групите што за нив ќе биде само доказ дека цело време биле во право. 

Ако сакате конвертибилен курс во сончева енергија, копањето биткоин троши струја колку што можат да создадат 21,8 милиони соларни панели.

Повеќе од еден месец по воведувањето задолжително носење маски, Хрватска бележи рекордни бројки на заразени. Опседнати со маските, луѓето заборавија да држат растојание. Мислат маските ја заменуваат дистанцата.

Тестот на компанијата Абот доби одобрение за користење од американската ФДА. Ветувањето на Абот е дека резултатите ќе се чекаат само 15 минути, и ќе чини 5 долари.

Доналд Трамп повика тој и Бајден да направат тест за дрога пред нивната прва дебата закажана за следниот месец.