Се вика BinaxNOW и функционира во дует со апликацијата за мобилен, Navica, која треба да служи како „привремена дигитална здравствена пропусница“ за луѓе кои имале негативен тест за ковид-19.
Од Абот најавуваат дека намерата им е да произведуваат 50 милиони тестови месечно кои ќе ги продаваат по цена од 5 долари.
Тестот функционира со земање примерок од нос, кој потоа се проверува на „реактивна картичка“ што оди во пакетот, која треба да покаже дали кај лицето има анти-тела на САРС-КоВ-2. Целта не е тестовите да се продаваат во супермаркети, туку тие и понатаму ќе треба да бидат спроведени од медицински лица.
Во клиничките испитувања во кои учествуваат и американски универзитети, тестовите на Абот прецизно утврдиле 97,1% од лицата што ја имале болеста, и 98,5% од лицата што ја немале.
