Американските универзитети се во постојана дефанзива пред константниот налет на обвинувања за расизам и дискриминација. Прават сè да изгледа дека се борат со системскиот расизам за кои им е јасно дека не постои, само за да не бидат етикетирани како такви. Професор по математика од Принстон признава дека доцна ја сфатиле сериозноста на агресијата.

Се работи за околу 800 смртни случаи низ целиот свет и сите во првите 3 месеци од годинава, а освен нив на погрешните информации им се припишуваат и околу 5.800 хоспитализирања.

Главниот германски институт задолжен за пофаќање на проблемите со ковид-19, го збриша од својот сајт сопствениот документ во кој тврдеше дека есенва ќе имаат вакцина за ковид-19. Истражувањето било објавено по грешка.

Истата платформа на која може да ја изгледате најневеројатната збирштина на велнес и надрилекарство, „The goop lab with Gwyneth Paltrow“, сега ја објави документарна серија за измамите на велнесот, индустрија тешка 4500 милијарди долари.

Во идилична рурална северна Холандија минатата недела изненадно се огласува татнежот на холандската полициска армада тргната кон едно затворено училиште за јавање. А во училиштето една од најголемите лаборатории за кокаин на европско тло.

Откако на демонстрации во Дортмунд против ковид-19 правилата за хигиена го критикува носењето маски и слични мерки кои се во тек, припадник на тамошната полиција завршува на клупа за резерви со суспензија од работа.

Ако руската вакцина против коронавирусот се покаже безбедна и масовно ефикасна, попат ќе убие (пореално, накратко ќе замолчи) уште една досадна мува: антиваксерите кои цело време тврдат дека сето ова е ујдурма на Бил Гејтс кој сака да нè чипира.

Еден воен ветеран имаше повеќе среќа од јадниот Фер Вејн Брајант па нема да лежи доживотен затвор за поседување дрога вредна помалку од 30 долари. И двајцата беа осудени на вакви казни според озлогласениот американски закон “три корни пенал“ по кој и за банално дело можеш да попиеш драконска казна ако претходно си имал уште два прекршока.

Програмата во која невработените Американци добиваа дополнителни 600 долари неделно стартуваше на почетокот од април, траеше до крајот на јули и чинеше 250 милијарди долари.

Џуџестата планета за која до сега се веруваше дека е камена пустелија, по последната мисија на НАСА излезе дека е „океански свет“ со „обемен резервоар“ на морска вода под површината.

Анализа на фотографии од министри од 15 пост-Советски држави открива дека колку е поголемо БМИ-то (дебелината) на политичарите толку е поголема и корупција во земјата.

Прво имаше огромен столб чад од пожарот на пристаништето во Бејрут. Потоа следуваше филмски апокалиптична експлозија која срамни со земја голем дел од престолнината на Либан. До сега исходот е најмалку 135 мртви, илјадници повредени и над 15 милијарди долари во штета. А и пред ова на Либан ни најмалку не му одеше добро.

Германските компании очекуваат дека рестрикциите на јавниот живот ќе траат уште најмалку 8,5 месеци. И тоа ова е просекот, оние во бизнисот со одмор и рекреација, се уште поголеми песимисти.

35% Американци би одбиле вакцинирање доколку во овој момент надлежните здравствени власти одобрат вакцина која би била и бесплатна. Разликите во ставот околу вакцинирањето се оцртуваат по расни, возрасни и политички линии.

Во Јапонија можеш да најмиш професионален агент кој ќе ти го растури бракот така што ќе го заведе твојот брачен партнер/партнерка. За да биде полесен разводот. Имаат 250 агенции кои нудат вакви услуги.

Ресторани во Фиренца и други места почнаа повторно да ги користат малите отвори низ кои векови наназад, во време на епидемии, им било давано вино на муштерии од пристојна социјална дистанца.  

Настапите на Доналд Трамп едно време одеа придружувани со песната Rockin' in the Free World. Нил Јанг забрани да се прави тоа. Па ја пуштаа You Can't Always Get What You Want. Стоунси забранија. Па пробаа со It's the End of the World as We Know It ама РЕМ забранија. Добрата вест за Трамп е што на избор има уште околу 15 милиони песни.

Човекот од Луизиана ќе го мине и остатокот од својот живот зад решетки затоа што пред 23 години пробал да украде ножици за ограда. После две децении решил да се пожали на казната. „Не, таман си е казната,“ процениле врховните судии од земјата чија амбасада во Македонија обожава да проценува судски одлуки.

Моментално не знаеме колку деца без документи живеат во Европа. Не знаеме ни колку деца без документи се во притвор заради имиграцискиот статус на нивните родители. Меѓутоа знаеме точно колку млечни крави има во ЕУ и Британија.

Кина ги испорача 6-те воени дронови што Србија минатата година ги нарача и плати како дел од својата одбранбена агенда. Со ова Србија стана првата држава на европско толо што распоредила кинески воени дронови. И ништо од ова не му е по мерак на НАТО.

Тоа што пред некое време го имавме како скеч, се потврдува и со сериозни студии: колку и да се трудат да звучат како да се на спротивни и непомирливи политички позиции, и задртите крајни десничари и самопрогласените разбудени прогресивци се во суштина слични карактерни профили: дрвачи кои би да ги контролираат другите.   

Системите за препознавање лица се повеќе се користат како начин за идентификување луѓе на аеродроми и во други безбедносни ситуации. Но, истражувачи покажаа како може да се прелаже системот да препознае лице кое всушност не е тука.

Додека човештвото работело од дома (барем тие што можеа) во месеците дур беше под клуч, бројот на работни часови се зголемил за речиси 50 минути дневно.

Доналд Трамп ја обвини Германија дека профитира од американските бази и „заработила богатство“ од американските војници сместени во земјата.