Либералниот министер за транспорт стравува дека поради заглавеноста на владеачката коалиција во натегања по многу прашања (во последно време се скараа и за слонови), државата нема да може да ги исполни предвидените цели за намалување на штетните емисии од сообраќајот. Освен ако не се воведе забрана за возење во сабота и недела. На неопределено време.

Преплавеноста со кинески електрични автомобили и европски проблеми со логистика и транспорт ги претворија европските пристаништа во масовни паркинзи на нови автомобили кои ниту имаат каде да одат, ниту можат да мрднат.

Бриселската полиција добила наредба да ја затвори контроверзната Национална конзервативна конференција што се одржува во една градска општина, иако гости и говорници бил звучни имиња како Најџел Фараж, Виктор Орбан и други. Наредба за затворање на конференцијата дал градоначалник Емир Кир, социјалист со турско потекло. По многу перипетии, се огласи и премиерот.

Команданти на НАТО се загрижени дека начинот на живот и безбедноста на околу една милијарда луѓе кои живеат во земји членки на Алијансата во Европа и Северна Америка се загрозени поради ранливоста на подводната инфраструктура која била градена од приватен сектор а сега може да стане значајна мета на руската хибридна војна. Ами, кога го дигаа Северен тек во воздух, што мислеа?

Свиркачот Едвард Сноуден (кој пред 10-тина години обелодени како ЦИА И НСА шпионираат кого стигнат, меѓу другото и телефонот на Ангела Меркел) драматично предупреди дека озллогласената НСА ја делат само денови да има целосна контрола на интернетот и овластување од секоја компанија или поединец да прави свои агенти. Без ниедна насловна во медиумите за тоа, амандманот тивко веќе помина во едниот дом.

Владата на Обединетото Кралство се обвинува дека двојно броела 500 милиони фунти. Во обид да ги исполни своите климатски обврски од Парискиот договор, парите од британските даночни обврзници кои заминале за хуманитарни активности во Авганистан, Јемен и Сомалија, владата ги класифицирала како „климатски финансии“.

Строго чувани тајни документи откриваат дека Тони Блер барал напади врз цивилни цели во Југославија неколку дена пред НАТО да нападне. Додека британската војска проценувала дека напад на НАТО врз хотелот Југославија би донел и цивилни жртви, злотворот инсистирал дека тие би биле „вредни за цената“.

Барањата и апелите за запленување на руски имот и имот на руски олигарси сред Лондон најверојатно никогаш нема да се остварат што заради страв од правни проблеми, што заради речиси неизводливоста на такво нешто.

Претседателот Бајден сака светот да верува дека најголемата препрека со која се соочува Украина се републиканците и нашиот недостаток на посветеност кон глобалната заедница. Ова е погрешно, пишува републиканскиот сенатор Ј. Д. Ванс.

Американскиот претседател го разубедил израелскиот премиер Бенјамин Нетанјаху од наредување на итен одмазднички напад против Техеран откако Иран викендов лансираше над 300 дронови и проектили кон Израел.

Сакате нов покрив над глава кој ќе ви трае цел живот? Нормално дека ќе се распрашате убаво!

Луѓето кои вежбаат после 18 часот имаат понизок ризик од развивање на срцево заболување или смрт отколку оние решени сабајлечки да го истераат самонаметнатиот тренинг.

Оземпик, лекот за дијабетес кој се претвори во магична диета, може профитабилно да биде произведен за 5 долари месечно и покрај тоа што Ново Нордиск во САД го наплаќа речиси 1.000 долари.

Милијардерката Труонг Мај Лан е осудена на смртна казна заради нејзината улога во најголемата финансиската измама во историјата на Виетнам, тешка 12,5 милијарди долари.

Пред две децении, за да се отвори Gmail беше потребно да се добие покана од некој што веќе има отворено сандаче. Добивањето таква покана повлекуваше чувство на гордост и избраност. 20 години подоцна, онлајн сандачето на Гугл стана една огромна и хаотична збирка од сешто, како шпајз во кој само се оставаат работи кои не ни требаат, а страв ти е да почнеш да го чистиш.   

Од законот за мобилизација кој Врховната Рада конечно го изгласа избришан е членот кој предвидуваше отпуштање на украинските војниците по 36 месеци служба.

Полски свештеник е осуден на 18 месеци затвор за секс и користење апчиња откако еден маж колабирал во неговиот дом за време на оргија. Та-дааам.

170 километри долгиот град сред саудиската пустина, веројатно еден од најамбициозните проекти моментално на планетава, во кој до 2030 требаше да живеат 1,5 милиони луѓе, е драстично намален и се очекува до почетокот на следната деценија од него да бидат изградени само 2,4 километри.

Ако му свртиме грб на црвеното месо и наместо тоа во нашата исхрана се фокусираме на ситната риба како што се сардините, инчуните или харингите, до 2050-та година би можеле да се спасуваат годишно по 750.000 човечки животи на оваа планета. Најголем аир би виделе земјите со среден или мал доход. Супер звучи, а сега малку да попазиме да не ни изгори кременадлата.

Најсеверниот регион на Норвешка побарал од Европската комисија да му даде дозвола да воведе временска зона со 26 часа, бидејќи овие 24 не вршат работа таму горе.

Застрашувачки звучи опасноста на која предупреди највисокиот американски генерал во Европа а се однесува на реалниот ризик без разлика на вистинските намери, несакајќи и случајно да изгориме во нова светска војна. Порано постоеа жешки линии, црвени телефони и суптилен вокабулар за читање и толкување на намерите на спротивната страна. Сега од тоа нема ништо. 

Само компанијата Скајдио испрати стотици од своите најдобри дронови во Украина за да ја помогне војната против Русија. Дроновите не помогнаа во ништо, а најголемиот дел од нив паднаа жртви на руските оружја за електронско војување. Истото се случи и со дроновите од други американски компании.

Два месеца откако воведоа нови правила за користење на мобилни во англиските училишта, британските власти сега се на памет да ја забранат продажбата на смартфони на лица помлади од 16 години на ист начин како што е забранета продажба на алкохол или цигари.

По којзнае кој пат, фармацевтскиот гигант Фајзер е обвинет дека злоупотребувал социјални мрежи за со невистините и заведувачки тврдења да ја промовира својата вакцина. За жал, колку и обвинувањата и пресудите да стануваат сè посериозни, казните и последиците за Фајзер и неговите функционари стануваат сè посмешни.