На најголемиот фестивал на пиво во Германија нема да може да биде пуштана една италијанска техно нумера која недолжно стана мета на отстрел само затоа што претходно одлично легна на еден се попопуларен слоган меѓу Германците.

Во Европа се води уште една војна, башка од онаа во Украина. Онаа што ја водат елитите на ЕУ за тоа што може да се каже, што може да се слушне и што може да се мисли. Викаат дека тоа е војна против „говорот на омраза“ и „дезинформациите“, но со тоа едвај се прекрива презирот на елитите кон граѓаните со кои владеат и нивната недоверба кон „рајата“. Кога ќе се вклучи вештачката интелигенција, ќе биде бетер.

Локална гатачка во еден француски град го убедила градоначалникот дека може да разговара со мртви, меѓу кои и неговиот татко. Градоначалникот се навлекол на тие сеанси па имал стотици муабети со мртви, понекогаш и со ангели. По некое време, сосема очекувано, ангелите почнале да го убедуваат градоначалникот да ѝ помогне на гатачката да ја реновира куќата.

Не само што се убиени речиси 500 лица од медицинскиот персонал во Газа бидејќи израелските сили систематски бомбардираат болници со тврдење дека Хамас ги користи како свои засолништа, туку стотици се сметаат за исчезнати. Некој лекар ќе го снема и после некој месец Израел ќе соопшти дека починал во затвор.

Сте тркнале скоро до некоја бутка за фаст фуд? Големо мнозинство Американци денес на тоа гледаат како на екстравагантност. Половина од американските потрошувачи оценуваат дека брзата храна во последно време е скапа како да јадеш во пристоен ресторан а некои тврдат дека е и поскапа.

Ненамерно потврдувајќи го мемето „левицата не знае да прави мемиња“, кампањата за реизбор на американскиот претседател Џо Бајден отвори работна позиција менаџер за мемиња со плата од 85.000 долари.

Новиот стамбен проект во полскиот град Познан го привлекува вниманието со својата фасада која потполно е прекриена со дури 140.000 билки. Но, на комплексот Аура, тоа зеленото не е наменето само да изгледа фино нацртано на проектот (како кај нас), туку смислен е цел систем како зеленилото навистина да живее а позади него да биде пријатно.

Пред 5 години Емануел Макрон порача „Maoré na Farantsa paka tcho!“ за време на својата кампања во Мамуѕу зборувајќи на локалниот шимаоре јазик во Мајоте архипелагот во Индискиот океан под француска контрола. Преводот е „Мајоте и Франција, засекогаш, во живот до смрт.“ Неделава францускиот претседател се врати на островите да глуми император, но неговата империја изгледа како да се распаѓа.

Секој 18-годишен тинејџер во Британија во иднина да може да бира меѓу служење во вооружените сили на земјата или извршување на задачи корисни на заедницата, како дел од планот на Сунак за создавање на „обновено чувство на гордост“ во Британија.

Вообичаено внимателениот генерален секретар на НАТО, Јенс Столтенберг, во интервју за Економист го прозва својот најголем спонзор, САД, да се охрабри и да дозволи нивното оружје да биде употребено за удари на руска територија.

Во неделите пред и по смената на долгогодишниот руски министер за одбрана, ФСБ се активираше и направи неколку апсења на сериозно високи воени функционери по основа на баснословна корупција.

Во сите човечки тестиси што биле анализирани во американска студија се откриени траги од микропластика, што научниците сметаат дека има врска со постојано опаѓачкиот број на сперматозоиди кај мажите.

Изминативе месеци меѓу Германците (оригиналот) почна се попопуларен да станува слоганот „Германија на Германците, странци надвор“ придружен со некоја техно музика. Ова прилично се толерираше се додека деновиве не се прошири клип како истата се пее во едно од најлуксузните германски одморалишта.

Во име на заштита на децата од сексуална злоупотреба, во институциите на ЕУ сè посериозно се тркала предлог кој ќе стави крај на приватноста на дигиталната комуникација. Од оние што користат месинџери, ќе се бара да се согласат сите слики и видеа што ги праќаат да бидат предмет на скенирање, за евентуална пријава до надлежните. Оние кои нема да се согласат, ќе можат да праќаат само текстуални пораки. 

Ворен Бафет викаше дека Марсовец би се чудел од нашиот фетиш кон златото: луѓето плаќаат армија за да го ископаат, па друга армија повторно да го закопа, па трета армија да го чува и брани. Па сепак, златото повторно е во своето златно доба. Во доба на секаква несигурност и неизвесност, секогаш повеќе ќе му веруваме на метал од земјата, отколку на хартија испечатена од државите.  

Врховниот суд на Калифорнија минатото лето ја укина таканаречената „позитивна афирмација“ при упис на факултети која во име на инклузивноста и диверзитетот им даваше предност на апликанти од редовите на некои малцинства. Но, штетата е веќе направена. Студенти примени благодарејќи на позитивната дискриминација, во операциона сала не можат да најдат артерија кај човек.

Поглаварот на римокатоличката црква го расчистува патот за канонизирање на прерано починатиот тинејџер од Лондон чија умешност во ширењето на католичката вера на интернет му го даде прекарот „Божји инфлуенсер.“ Тоа ќе биде првиот миленијалец (личност родена во почетокот на 1980-тите до крајот на 1990-тите) кој ќе биде прогласен за светец.

Ибица и Мајорка не сакаат веќе да бидат синоним за „sun, sex and sangria“туризам па на почетокот на мај воведоа драстични ограничувања на алкохолот и соодветни мрсни казни: 1.500 евра за пиење на улица. Не се сами, многу популарни места сфаќаат дека нивниот свет е подобар без ордите туристи, особено оние места кај кои обичниот народ не гледа никакво фајде од нив.

Иако нема официјален извештај за бројот на академски предавачи кои изгубиле работа или се соочиле со суспензија поради поддршката за Палестина, појавата е толку очигледна што на многумина им личи на нов “МекКартизам“, времето во кое во Америка човек не можеше да работи за да се прехрани, ако го осомничат дека е за „Црвените“

Украина била стандардно место за прелет и одмор на орли, сè до започнување на војната која ги принудила да ги сменат научените рути и да летаат по заобиколен пат. Само еден од орлите кои биле следени со ГПС се одважил да лета директно над линиите на фронтот, другите одбрале да летаат одоколу. Бидејќи новите рути се подолги, кога ќе стигнат, малку се папсани па не им е одма до парење.

Со месеци, OpenAI губеше битни вработени кои длабоко се загрижени за безбедноста не само на, туку и од вештачката интелигенција. Сега, компанијата веќе крвари. Главната причина е првиот човек, Сем Алтман , за која заминатите велат дека м е најважна комерцијализацијата на продуктите на компанијата.

Светскиот економски форум сооопшти дека неговиот основач и извршен претседател Клаус Шваб  најавил дека се повлекува. Моќта на Шваб и Форумот е несомнена но нивните противници некогаш ја издигнуваат до митски димензии, сметајќи ги срцето на светското зло. Инфоворс се праша: „Дали Шваб и Сорос ќе се повлечат на некој остров за од безбедно да го гледаат крајот на светот кој го овозможија?“

Владите на западните земји се соочуваат со финансиски проблеми па некои најавуваат поголеми даноци и намалување на издатоците за јавниот сектор, за да можат да ги финансираат зголемените воени трошоци кои ги прави војната во Украина. Воинствените кругови се задоволни што се доаѓа блиску до посакуваните 2% од БДП, па веќе се мерка нова цел- три посто.

Козите и луѓето долго време живеле хармонично на вулканскиот остров Аликуди покрај северниот брег на Сицилија но бројот на козите во последно време толку се зголемил а тие станале бељаџии, што градоначалникот дошол на идеја да ги ангажира жителите да ја припитомат ситуацијата. Не сакаат да ги убиваат па ќе пробаат со посвојување.