Уште во ноември лани, се појавија извештаи за приведени и исчезнати лекари во северна Газа. Според Светската здравствена организација, најмалку 214 медицински персонал од Газа се приведени од израелската војска.
На почетокот на мај, притворањето и сомнежите за мачење на здравствени лица од Газа стигнаа на насловните страници кога израелските власти ја објавија смртта на Аднан Ал Бурш, познат хирург и шеф на ортопедијата во болницата Ал-Шифа. Беше приведен во декември, починал во април во затворот Офер на Западниот брег.
„ Случајот со доктор Аднан предизвика сериозна загриженост дека починал после тортура од израелските власти. Неговата смрт бара независна меѓународна истрага“, оцени Тлаленг Мофокенг, специјалниот известувач на Обединетите нации. „Убиства и притворање здравствените работници не е легитимен метод на војување. Тие имаат легитимна и суштинска улога да се грижат за болните и ранетите лица за време на конфликти“.
Ал Бурш е еден од најмалку 493 палестински медицински работници кои се убиени во Газа од 7 октомври. Израелските одбранбени сили систематски гаѓаа болници од север до југ на појасот, тврдејќи дека Хамас дејствува во објектите. Медицинскиот персонал во болниците во Газа постојано го негираше ова тврдење.
