Градските власти сакаат за сите локални супер/мини-маркети и продавници да воведат задолжителен рок од шест месеци најава пред да го затворат својот локал во Сан Франциско.

Пристигнувањето на американските Ф-16-ки ќе биде нерелевантно ако украинската војска е прегазена од руската заради немање доволно артилериска муниција, порачува висок украински офицер.

Наместо напади на најголемите и најзначајните енергетски капацитети на Украина, Русија по ново се фокусира на уништување на помалите електрани во региони кои се послабо бранети од Киев. И за сега тоа им дава одлични резултати.

Со огромна грижа на совест и морални дилеми, израелски доктор им пиша на властите дека се принудени да учествуваат во сериозно кршење на меѓународните правила. За што станува збор? За тоа што палестински заробеници толку долго се држат со окови на нозе и лисици на раце што на докторите потоа не им останува ништо друго освен да им ампутираат екстремитети. 

Со работите какви што на денешен ден се на фронтот во Украина и на дипломатскиот фронт низ светот, опциите на Зеленски се меѓу лошо и бетер, пишува Вашингтон пост.

Чеченскиот министер за култура објави забрана за сите музички, вокални или кореографски дела кои нема да бидат во темпото на традиционалната чеченска музика и вкусот на чеченскиот темперамент. Седнале со Кадиров и со метроном и премудро решиле дека една песна не треба да биде ни брза ни бавна туку -  таман. Следува БПМ спецификација.

Жената, инаку физички прописно здрава, легално ќе си го одземе животот затоа што не може да издржи да продолжи да живее со комбинација од депресија, аутизам и гранично нарушување на личноста.

Сведувајќи го само на фаза во развојот, холандска студија спроведувана во период од 15 години открива дека најголемиот дел од испитаниците кои на 11-годишна возраст изјавиле дека сметаат дека се родени во погрешен род, со тек на време се предомислуваат.

Анализа на „отпечатокот на нееднаквост“ на повеќе од 200 американски корпорации покажува дека 90% од профитите (1.100 милијарди од 1.250 милијарди) завршуваат кај најголемите акционери, а и ЦЕО-та не минуваат лошо.

Не само што лажните Армани ги шијат Кинези туку и оригиналите ги шијат Кинези, живеејќи и работејќи во супстандардни услови во околината на Милано, некои од нив комплетни илегалци во земјата. За чанта која Армани ја продавал за 1.800 евра, на кинескиот подизведувач му биле давани 90-тина евра а не се знае колку од тоа завршиле кај работниците.

Еуропол идентификувала 821 криминална мрежа кои функционираат во Европа бавејќи се со широко портфолио илегални ативности. Шверцот и трговијата со дрога е главната игра а бизнисот е фокусиран во неколку европски земји. Многу криминални групи ја маскираат нивната основна работа со легални бизниси а најпопуларен начин за перење пари се недвижнините.

Урсула фон дер Лајен си стави трн во здрава нога ангажирајќи човек од нејзината партија како советник, за дебела ЕУ плата. Таа само што ја почнува кампањата за реизбор како прв човек на Европската комисија кога се дозна случајот кој ја прави спорна нејзината кандидатура. Проблем е што Борел и други големи фаци во ЕУ отворено ѝ пишаа: Добро, ние глупи сме?

Образложувајќи дека ако Русија во 2022 не искористи нуклеарно оружје, нема ни сега да искористи се додека не е под закана од истото, аналитичарот Едвард Лутвак му предлага на НАТО да испрати свои војници во Украина за да му помогне на Киев.

Според истражувања на Нилсен, преку 80 проценти од попустите не се профитабилни, дури ни краткорочно.  А краткорочното задоволство е главната придобивка заради која се прибегнува кон попусти и промоции. Се добива поголем волумен на продажба ама потоа се паѓа, па по некое време, од немај каде се прибегнува кон нова доза. Исто како со дрогите.

Мариупол беше целосно уништен од Русија, а  илјадници цивили загинаа и беа раселени. Сега обновата на градот, која не запира, е една од клучните точки на руската пропаганда, а германските компании се таму да помогнат, објавува германската телевизија АРД во текст под наслов „Помошниците на Путин“.

Лавандер, систем базиран на вештачка интелигенција развиен за војување, обележал 37.000 Палестинци како осомничени оперативци на Хамас, од кои дел без никаква дополнителна човечка проверка потоа биле бомбардирани, објавуваат израелски медиуми.

Вината за зголемените емисии на озлогласениот јаглерод диоксид често се препишува на сите нас кои ја уништуваме „мајкичка Земјичка“, до толку што уште малку ќе не фати грижа на совест што воопшто дишеме па издишуваме CO2. Неодамна излезе отрезнувачки извештај за фактичката состојба на планетава: не сме сите криви туку огромно мнозинство од емисиите водат до само 57 компании и држави во светот.

Изгледаше нестварно добро концептот кој Амазон го промовираше пред осум години по кој влегуваш во продавница, земаш што ти треба и излегуваш, без редови, без каса, без наплата. Иако изгледаше комплетно автоматизирано, во суштина армија Индијци ги гледаа снимките од продавницата и ви ја правеа сметката. Сега ни Индијци не им требаат.   

Западните санкции не постигнаа ништо во спречување на Русија да ја почне а потоа и продолжи војната против Украина, руската економија ја заврши 2023 со раст на БДП од 3,6% што е повеќе од која било членка на Г7, а како бонус најголемите западни економии или се влезени или влегуваат во рецесија.

Нешто слично на понудата на претседателот Борис Трајковски до Швеѓаните да им ги товари косоварските бегалци и да им ги испрати во Шведска, претседателот на Боцвана се закани дека ќе испрати 20.000 слонови во Германија па тие нека се грижат за нив како што мислат.

„Биди виден, земи цигла“ е мотото на новата кампања во Ванкувер за безбедност во сообраќајот за пешаци, во која пред пешачки премини низ градот се оставени корпи со цигли. Разочарувачко во целата работа е што циглите се од гума.

На западните сојузници им станува сè појасно дека Украина ја губи војната против Русија и дека до летото таа ќе се соочи со пораз, пишува британски Ивнинг стандард.

Откако во неделата католиците беа згрозени што денот на најважниот верски празник во годината американскиот претседател го посвети на „трансродовата видливост“, Бајден изјави дека не бил тој.

Администрацијата на Бајден е пред одобрување на продажба на уште 50 американски Ф-15 воени авиони на Израел, во зделка која се очекува да вреди над 18 милијарди долари.