Еден од огласите објавен од кампањата на Бајден е за позицијата Менаџер за партнери, содржини и мемиња, а во нејзиниот опис стои одржување на односи со подкастери, дигитални медиуми и големи меме страници.
Целта на кампањата на Бајден е преку меме страниците да стигне до младите гласачи од Ген 3, кои се најголемата публика за мемиња на интернет.
„Се што се обидуваме да направиме е на креаторите да им пренесеме информација за тоа што се Џо Бајден има направено и каков му е планот за вториот мандат.
Креаторите потоа ќе ја преземат таа информација и ќе видат како таа се вклопува со другата содржина што ја прават,“ изјавил постариот советник за дигитално убедување на кампањата на Бајден, Кларк Хамфри.
За Бајден се покажа дека е посебно проблематично да го привлече вниманието на младите гласачи, кои на анкетите дури и кога не биле против американскиот претседател не биле свесни за неговите достигнувања и политики, како борба против климатските промени. Но затоа добар дел биле запознаени со начинот на кој Бајден се поставил во Газа и не биле задоволни од истото.
За добивање на работната позиција потребно е две до четири години работно искуство со видео, медиуми или во забавната индустрија, искуство со дигитални медиуми и задолжително преселување во градот Вилмигтон во сојузната држава Делавер.
