Компанија за производство на продукти од канабис купи цел град во Калифорнија и планира да го претвори во центар за марихуана.

И после ќе кажат туристите се разуздани. Па зошто и не би биле на својот годишен одмор? Буката е неподнослива? Па од вашите локали, каде што ги дерете како мачки, трешти до небо и ден и ноќ. Мочаат насекаде? А не поставивте ниту едно јавно ВЦ. Плажите се валкани? Па треба секој ден да ги чистите.

Во новата епизода од Волт 7 серијалот од протечени документи на ЦИА, Викиликс објавува за Дамбо програмата, чија намена е вклучување и гасење на камери и микрофони на кој било Виндоус компјутер, и корумпирање веќе снимени видеа.

Сопственик на катедралата е француската влада, а нејзин корисник е католичката црква. Првите плаќаат 2 милиони евра годишно, вторите не плаќаат ништо за користење. Севкупно парите не се доволни за ништо освен тековно одржување и крпење.

Ранија има 20 години, родена е во Рака, ама по влегувањето на ИСИС во градот успева да пребегне во Кобане. Освен што ги нема ИСИС и во Кобане не е ништо подобро. Решава да бега и од таму, и да стигне барем до Австрија.

Заедничката историјата меѓу Германија и Русија е обострана привлечност и одбивност, страв и прифаќање, конфликти и хармонија, и ова денес само ги комплицира работите, пишува Даниел Тост во текстот за Ханделсбалт глобал.

Претседателот и сопственик на Атлантик медиа, Дејвид Бредли објави дека мнозинскиот удел во компанијата го продава на Емерсон колектив, организација основана и раководена од филантропот и инвеститор Лорен Пауел Џобс.

И пред да почне да се зборува за "лажни вести", новинските медиуми во САД беа прилично јасно поделени по својата припадност и наклонетост кон идеологија. Излезе дека тоа им е сосема очигледно на Американците.

Екстремисти се имаат инфилтрирано во САД, оформуваат муслимански зони во кои никој надворешен нема пристап и таму ги подготвуваат своите следбеници за герилска војна против Американците. Барем во тоа веруваат неколку дузини Американци што тргнаа да протестираат во Исламберг, малата муслиманска заедница во сојузната држава Њујорк.

Имало и бетер маало за живеење од Капиштец, неговите прашини од со месеци раскопаната улица (мислиш Кинески ѕид прават), живата музика од Интермецо и пајаците кои дигаат прописно паркирани коли пошто секоја ебена странска делегација ја носат во Воденица. Тоа бетер маало е маалото на Џејк Пол во Беверли Хилс. Кој е Џејк Пол? Игзектли.

Епл во септември освен стандардните два нови модела на Ајфон, ќе презентира и трет уред, ултра-делукс модел по повод 10-годишнината од првиот Ајфон. Аналитичарите очекуваат овој модел да има ОЛЕД екран, 3Д слика и скенер на ретина, и да чини меѓу 1.000 и 1.400 долари.

Во дополнително напнување во односните меѓу сојузниците што треба да му се спротивстават на Путин, германските политичари и бизнисмени го обвинија САД дека ги користат санкциите против Русија за засилување на сопствените интереси во Европа - континентот да купи што е можно повеќе гас и нафта од САД.

Имаш град со 7,4 милиони луѓе (4-ти на свет по густина на население), многу ограничена територија, околу 225 хектари вкупна површина на сите депонии и реколта од 15.000 тони отпад на ден. Во ваква равенка, резултатот е – веќе нема место на депонии.

Со оглед на тоа што постојат толку многу диети кои меѓу себе се контрадикторни по „филозофијата“ и нутриционистичките правила па сепак за секоја ќе најдете некој што се колне во неа, една храбра теорија вели дека е можно сето тоа е едно обично плацебо. Дека луѓето можат да слабеат ако се уверени дека прават нешто што ги слабее. 

Има одредена точка по која пародијата и карикатурата повеќе не се ефикасни методи за да насмееш човек. Моментално авторите на Саут парк така се чувствуваат околу американскиот претседател.

Падна уште една неприкосновена медицинска лекција од нашето растење, дека и да ти е подобро, не смееш да ги прекинуваш антибиотиците кои ги пиеш, оти ќе си направиш бетер. Еден ден ладно ќе ни кажат дека ракови сме добивале од тоа лимоните.

Наваз Шариф ќе мора да поднесе оставка на позицијата премиер на Пакистан откако тамошниот Врховен суд одлучи дека тој бил "нечесен кон Парламентот и судскиот систем" на земјата. Човекот крајно успешно фалсификувал документи, само историски го утнал фонтот.

Од луѓе што стварно учеле на факултет, па после цел живот го посветиле на уште учење и наука, доаѓа информацијата дека дувањето свеќи ги зголемува бактериите на роденденската торта за 1.400 проценти. Како луѓе што цел живот јаделе и активно јадат роденденски торти, со репете, ви кажуваме дека уште сме живи и не планираме да скршнеме од патот.

Само во јуни видеата со рецепти и храна на Базфид под брендот Тејсти се прегледани 1,1 милијарда пати, а во одредени месеци публиката знае да префрли и над 3 милијарди прегледувања.

Во 1953, американската Централна разузнавачка агенција и британските тајни служби организираат пуч за соборување на демократски избраниот премиер на Иран, Мухамед Мосадик. Гревот на иранскиот премиер? Не сака да дозволи западните нафтени компании да ја експлоатираат иранската нафта.

На објаснувањето на Трамп дека трансродовите лица нема да можат да служат во американската војска заради медицински трошоци и пречки, реакцијата беше отворање на воениот буџет на САД и чепкање низ трошоците. А таму, 84 милиони долари годишно за Вијагра.

Економските анализи за претстојните "Британија се од ЕУ корнеше" преговори се сложни околу тоа дека на крај Британија ќе треба да плаќа цех. Околу сумата колку тоа ќе изнесува предвидувањата имаат распон од 20 до 100 милијарди долари.

Ќе испланираш една софра со другари што ги немаш видено па одма се чувствуваш како ти си амбициозниот во друштво и не ти е јасно само дали на почеток или на крај ќе ти ги дадат ордените за заслуги. Во меѓувреме Елон Маск планира во следните 3 години да комплетира една мини индустриска револуција.

Фокскон, тајванскиот производител со масовни работнички кампови и фабрики во Кина, кој меѓу другите составува електроника за Епл, планира отворање погони во САД.