Вести › Набрзинка

Татковина е кајшто татко ти избегал од меѓународна потерница

12 октомври 2026

Ива Михаилова жителка на Кочани со македонско и бугарско државјанство, на која ѝ се суди во Кочани поради сообраќајка со смртни последици, ја напуштила земјава.
Михаилова е внесена на Стоп листата на МВР, а тоа значи дека на граничен премин не би требало ниеден граничен службеник да ѝ дозволи излез од Македонија.
„Во 2026 година Михаилова не фигурира дека излегла на граница од Македонија иако таа веќе денеска е во Бугарија. Се проверува дали искеширала некого на граница за да не ја внесат во системот и како втората опција – дали избегала на див граничен премин“, пишува Мирослава Симоновска во Слободен печат.
„И јас сум затекнат. Претпоставувам дека одлуката ја донела со адвокатот од Бугарија“, вели нејзиниот адвок Насер Рауфи за Вечер.

Таткото на Ивана, Симеон Михаилов, правосилно осуден на 12,5 години затвор за обид за убиство на телохранителот на Сашо Мијалков Драганчо Стоименов викан Дацо Белски, кого МВР го бара со меѓународна потерница за отслужување на затворската казна, пред некое време се појави на протест пред македонската амбасада во Софија а гостуваше и на бугарски медиуми.

извор

96% се согласуваат дека нема бетер човeк од Трамп

11 октомври 2026

Откако американскиот рокер Џек Вајт (White Stripes) кажа дека актуелниот американски претседател е најлошиот Американец на сите времиња, Мирор спровеле гласање и зачудувачки процент луѓе се согласуваат со тоа.
Вајт реагираше на несмасните изјави на Трамп за оние кои се бунат за цената на горивото: „Иран нека го земе Лос Анџелес, нека го земе Сан Диего...“
„Еј, републиканци и конзервативци од Лос Анџелес и Сан Диего – како се чувствувате што вашиот Фирер препорачува да бидат нападнати градовите во кои живеете?“, праша тој на Инстаграм.
На сондажата на Мирор, 96% oд луѓето се согласиле дека Трамп е најлошиот Американец а само 4 посто не мислат така.

извор

Хрватска: Мажите се за да поправат нешто, жените за сè друго

11 октомври 2026

Жените во Хрватска го преземаат поголемиот дел од одговорностите за водењето на домаќинството и грижата за деца, но и задачи што често не се забележуваат, како што се планирање, организирање и памтење на семејните обврски.
Мажите доминираат само во организацијата на поправките во домот.
Разликите се особено изразени кога станува збор за децата. 78,5 проценти од жените тврдат дека тие ја координираат комуникацијата со училиштето или градинката. Само 17,8 проценти од жените ја делат оваа одговорност подеднакво со својот партнер.
Истражувањето го вклучил и таканаречениот невидлив емоционален труд, т.е. одржување на семејните односи и грижа за потребите на другите членови на семејството.
Над 69 проценти од жените наведуваат дека тие ги потсетуваат членовите на семејството на важни датуми, како што се родендени и годишнини. Но, дека е тоа така признаваат само 34,4 проценти од мажите.

извор