Поранешниот директор на ЦДЦ од времето на Трамп, Роберт Редфилд, верува дека ковид-19 е создаден во лабораторија во Северна Каролина, како дел од тајна програма за биолошка одбрана.

Познатата британска феминистичка писателка Џули Биндел влезе меѓу оние на кои полицијата им тропнала на врата за, како што се испостави, една од анонимните поплаки за „злосторство од омраза“ со кои се гонат објави на социјалните мрежи. Интересно во нејзиниот случај е што не можела да дознае конкретно што и конкретно кому тоа му згрешила.

Доколку судијата се согласи со предлогот на американското Министерство за правда Гугл да мора да го продаде Хром како бизнис, интернет пребарувачот може да достигне цена од 20 милијарди долари.

Лошото сметководство и водењето есап од страна на Светската банка довело до зијан од 24 до 41 милијарда долари, покажала истрагата на Оксфам.

Покрај оној легендарен „пица бој“ лузер од Флорида кој си купил пица со биткоини кои денес вредат стотици милиони долари, Њупорт во Англија има свој еквивалент. Случајно го фрлил хард дискот на кој имал биткоини кои денес вредат преку 500 милиони фунти. Цела деценија го моли градскиот совет да му даде дозвола да копа по депонијата а и процент им нуди. Не па не.  

Масовната депортација на илегални мигранти беше едно од клучните предизборни ветувања на новоизбраниот претседател за кое вети дека ќе почне да го реализира уште првиот ден во Белата куќа. За да оствари таква операција ќе му треба војска. А за да може да користи војска, ќе треба да прогласи вонредна состојба која му дава право да ангажира американски војници дома.

По ненормалната одлука на Бајден да ѝ се дозволи на Украина да гаѓа длабоко на територијата на Русија со НАТО ракети од голем дострел, контра потег повлече и рускиот претседател, потпишувајќи нова, ревидирана нуклеарна доктрина која вели: конвенционален напад врз Русија од која било нација што е поддржана од нуклеарна сила ќе се смета за нивен заеднички напад.

Пензионер од Баварија на интернет објавил меме со кое навредил германски политичар, тоест министер кој освен што бил навреден, тврди дека вакви работи му ја отжнуваат работата во владата. А пензионерот само пишал дека овој е идиот. На стариот му затропала полиција дома и тоа во раните утрински часови, како во златните времиња на Штази.   

Деновиве многу западни медиуми кои навиваа за пораз на Трамп, Маск и МАГА екипата, одушевено пишуваа дека луѓе масовно го напуштаат Икс, незадоволни од атмосферата и пред сè токсичноста на платформата, засилена по победата на омразениот Трамп. Проблем е што и лани го напуштаа, и претходната година исто. Упорно го напуштаат и уште поупорно се враќаат, за да може по некое време пак да драмат за атмосферата, токсичноста... 

The Greyzone на истражувачката легенда Кит Кларенберг дошле до протечени меилови и интерни документи кои ја обелоденуваат тајната рака на британската политика во војната во Украина. Со проценка дека колку подолго војната трае, толку Путин ќе биде послаб, тајна британска ќелија покажала извонредна креативност за тоа како војната да продолжува и да ескалира до недоглед.

Како што Трамп остана на својот став за најитно примирје во Украина по неговото влегување во Белата куќа, така Киев почна да ја приоретизира идната безбедност на земјата, на сметка на враќање на територијата.

Американското министерство за одбрана објави дека и годинешниот обид за целосна финансиска ревизија на буџетот од 824 милијарди долари мина неуспешно, па американските даночни обврзници и понатаму нема да знаат како се трошат нивните пари.

Поранешен шеф на Светската трговска организација, вели дека Британија наскоро ќе мора да заземе страна доколку новата американска администрација го оствари она што Трамп го ветуваше во кампањата, воведување мрсни царини за увозот што објективно води кон можна глобална трговска војна. За британскиот есап, цифрите се на страната на ЕУ.

На Британците кои сакаат да си ја олеснат совеста затоа што горивото за нивната кокаинска навика, додека дојде до кај нив, носи и крвопролевање и жртви, сега се мета на цинични но досетливи дилери на дрога. На таквите разбудени џанаци им продаваат „етички кокаин“ чие потекло и производство наводно не е морално спорно и доаѓа од „одржливи извори“. А овие безпроблем  ја шмркаат и таквата глупост.  

Наспроти сите мега етаблирани аналитичари, тинк-тенкови и анкети кои инсистираа на неизбежна победа на Камала Харис, платформата за кладење Полимаркет упорно, покажувајќи го расположението на кладилничарите, тврдеше дека победник ќе биде Трамп. Е, ФБИ направи рација во станат на ЦЕО-то на компанијата.

Да беше Токио држава, ќе беше во топ 40 држави загадувачи на оваа планета. Што е дури и подобро од Шангај кој со своите 256 милиони метрички тони стакленички гасови е најголемиот град- трујач и прави повеќе беља од цели држави како Норвешка или Колумбија. Кинеското друштво регионални загадувачи го ремети само Тексас.

Пред само 16 години, Европската унија и САД имаа речиси идентичен бруто домашен производ (БДП). Денес разликата е огромна во корист на САД. Бројките се брутални и навестуваат дека доколку продолжи со стариот модел, ЕУ ќе стане маргинален елемент на глобалниот пазар. Прветвено затоа што додека Америка одбра иновации, Европската унија одбра регулации. 

Меѓу сите назначувања што Трамп ги објавува деновиве, ни едно не изненади и стаписа луѓе како одлуката позицијата министер за одбрана да му ја додели на поранешниот водител на Фокс и офицер во американската армија, Пит Хегсет.

Порано, кога некои ќе изгубеа на избори, ќе се ракуваа со победниците или барем ќе им речеа „ќе видите колку имате погрешено“. Во меѓувреме стасаа некои нови модели на луѓе кои за сенешто срцето им е скршено, сенешто некоја вест ги направила парампарче, врескаат и се трескаат (за да го објават тоа на ТикТок). Најобразованите, како и секогаш, се најглупи.

Во првите два дена од изборите Републиканците ја земаа Белата куќа и Сенатот, за потоа на Изборната комисија да и требаат уште 10 дена за да ги преброи гласовите за уште петнаесетина места кои го одлучуваа Претставничкиот дом. Денес и таму победата ја однесоа републиканците.

Откако прво најави дека нема да биде диктатор „освен на првиот ден“, Трамп на својата листа за овој ден нареди сè од депортација на мигранти до отпуштање на илјадници вработени во американската администрација.

На лекот за дијабетес кој стана популарно средство за слабеење, му нашле уште една употребна вредност што може да им помогне на милиони луѓе. Студија во Шведска покажала дека луѓе кои користат Оземпик имаат помали шанси да завршат во болница поради злоупотреба на алкохол. Накратко, со Оземпик нит ти се јаде, нит ти се пие. За секс уште не се знае.

Извештај на ОЕЦД покажа дека поголемиот дел од образовните технологии (EdTech) не ги испорачале, своевремено на сите ѕвона ветуваните академски придобивки. Лани Шведска реши да дигне малку рачна и да ги потсети учениците дека постојат и хартиени книги а и стари вештини како што е фаќање белешки. Кога имаат компјутер, учениците во просек издржуваат само 6 минути со задачата.

Украина сакала да заштити како трејдмарк една анти-руска пцовка. Спонтано ја смислил нивен војник во предвечерието на руската инвазија и таа во меѓувреме стана симбол на украинскиот отпор. Од што немаат попаметна работа, властите во Киев дошле до идеја да ја заштитат како нивен трејдмарк, за да не можеле други да профитираат од слоганот. Судот рекол, не може тоа така.