Сериозна групација од холивудски тешкаши во поглед на пари и влијание се решени да издејствуваат Бајден да се повлече од трката по неговиот катастрофален настап во дебатата против Трамп. Некои се чувствувале измамени од Белата куќа и од највисоките функционери на кампањата дека им криела во каква кондиција е Бајден додека тие донирале милиони долари. Оти па слепи беа.

Сем Бринтон, своевремено првата нон-бајнери личност со лидерска позиција во администрацијата на Бајден (во Департментот за енергетика, одделот за нуклеарен отпад) нема да лежи затвор поради неговата навика од аеродром да заминува со туѓи куфери. Не му е првпат, третпат му е. Договорот е да ја врати облеката, да се извини и да замине на третман за ментално здравје. 

Во обид да ги увери своите демократски сојузници меѓу американските гувернери дека е свесен за резервите околу неговата повторна номинација за претседател поради очигледно слабата когнитивна кондиција која ја прикажа на дуелот со Трамп (најново е дека кажа дека бил „горд што служев како прва црна жена“), Бајден го дал следново уверување: Нема да работам после осум навечер.

Неколку дена по посетата на Киев, унгарскиот претседател пристигна во Москва каде што треба да се сретне со Путин. Посетата на Русија се случи само 5 дена откако Унгарија го презема претседателството на Советот на ЕУ.

После состанокот со Зеленски во Киев, авионот на унгарскиот премиер за многумина неочекувано, наместо нзада во Будимпешта, сврте кон Москва, на средба на Орбан со рускиот претседател Владмир Путин. Функционерите на Европската унија побрзаа да се дистанцираат од Орбан и да порачаат дека тој нема мандат да зборува во нивно име.

Десетици конгресмени од демократите размислуваат да потпишат писмо во кое ќе побараат повлекување на Бајден од трката од страв дека заради него ќе ја изгубат контролата врз Конгресот.

Украина призна дека нејзината војска се повлекла од кварт во предградието на Часив Јар, стратешки  важниот град во источниот регион Доњецк кој е претворен во урнатини после повеќемесечни руски напади. Само последната недела Русите извеле речиси 1.300 напади врз градот чие освојување ги доближува до целта да го поседуваат цел Доњецк.

„Врховниот суд му даде правно ОК на Бајден да изврши атентат врз Доналд Трамп“ е насловот на текстот во кој Хафингтон пост ја пренесува веста дека Врховниот суд на САД го признал имунитетот на Трамп.

На Украина наскоро ќе и биде кажано дека е премногу корумпирана за да може да се приклучи кон НАТО, и дека преговорите за членство нема да можат да продолжат се додека земјата не го среди проблемот со корупција, пишува британски Телеграф.

Четири години по почетокот на ковид пандемијата Дел не може да ги врати вработените во своите канцеларии, па објави цела иницијатива која треба да помогне околу тоа. Не помогна.

Владеачките конзервативци на Риши Сунак се подготвуваат за сдсм-овски дебакл на изборите иако премиерот се надева дека ќе извлече нешто во последна минута, како Англија против Словачка на Европско. Лабуристите очекуваат голема победа и иако досега не зборуваа многу за односите со ЕУ, последната порака на нивниот лидер јасно дава до знаење дека Брегзит останува на сила.

Обвинението што доаѓа од агенцијата на О.Н. за комуникациска технологија е дека во руската ексклава Калининград се наоѓа  базата од која се нарушува работењето на сателитите што ја опслужуваат Унијата.

Доколку американскиот претседател предвремено ја заврши изборната трка, неговата потпретседателка би била јасен фаворит за Демократската партија и покрај нејзините политички слабости, пишува Вол стрит журнал.

Еден американски новинар седум години водеше правна битка со две администрации кои му бараа да ги открие изворите за негова приказна за ЦИА. На крајот победил, но комплетно исцрпен. Вели дека главната стратегија на државата во такви случаи е да ги банкротира и ментално да ги потроши луѓето, за на крај да прифатат договор наместо да одат на судење.

Претседателот Џо Бајден има проблем со својата изборност. За да се спротивстави на таа реалност - евидентна со месеци, но сега ставена во центарот на вниманието после катастрофалната ментална кондиција покажана во дуелот со Трамп, неговиот тим промовираше анкета според која осум други демократи ќе загубат со слични маргини како него.

Компанијата на Илон Маск доби пари и дозвола да изгради летало кое ќе ја повлече над 450-тонската Меѓународна вселенска станица назад на Земјата и ќе ја сруши директно во океан.

Неделава беше објавено дека БлекРок, најголемата американска компанија за управување со средства, ќе ја купи британската групација за податоци Преквин за 3,2 милијарди долари. Ќе беше тоа не толку голема финансиска вест ако не беше симптом на еден поширок тренд: големиот британски егзодус.

Како што е ред Америка се има себе си заштитено по сите основи од напливот на евтина кинеска роба. Единствени две слаби точки на овој систем се досетливи Кинези и работливи Мексиканци.

„Колку помалку Прајдот ни служи нам, толку повеќе жени ќе се собираат на друго место,“ вели лезбејка за овогодинешната Парада на гордоста во Лондон која како меинстрим настан, сè повеќе е во челуста на транс-идеологијата. Порано геј луѓето требаа да се пазат од џандари и сељачаана, денес се пазат „од своите.“ 

Горењето фосилни горива ја ладело планетата додека во исто време и ја загревало, гласи новиот официјален научен став околу климатските промени кои ни се случуваат.

Еден од петмина Германци живеат сами. Нивниот број е речиси двојно поголем меѓу возрасните. Само неколку држави на Северот на Европа имаат поголема пропорција на самци од Германија. На другиот крај од оваа ЕУ приказна е Словачка.

Своевремено, француската крајна десница беше толку токсичен бренд што дури и кога имаа изборни успеси, беше Бабарога со која никој нејќе да си има работа. Меѓутоа, Марин Ле Пен 15 години ја чисти партијата од таквиот имиџ и денес таа од широкиот електорат се перцепира како нормална партија. Или пак, во меѓувреме сè наоколу стана толку лудо што дури и овие заличеа на нормални.  

Канадскиот министер за одбрана во времето на падот на Кабул, Харџит Саџан, им наредил на канадските специјални сили да започнат со евакуација на 225 авганистански Сики од Авганистан, и на тој начин ускратил ресурси од мисијата за спасување на канадски државјани во земјата и Авганистанци поврзани со Канада.

Претседателот Бајден во повеќе наврати и точно го опиша влогот на годинешните претседателски избори како ништо помалку од иднината на американската демократија, се наведува во едиторијалот на Њујорк тајмс.