Европската Унија им забрани влез на германските новинари Алина Лип и Томас Ропер и на нивниот колега Хусеин Догру, државјанин на Турција, и им ги замрзна банкарските сметки. Тројцата се обвинети дека преку своето известување „ширеле проруска пропаганда, го загрозувале територијалниот интегритет, суверенитет и независност на Украина и ги дестабилизирале земјите од ЕУ“.
Тие всушност се казнети единствено поради критичко известување за војните во Украина и во Газа.
На двајца граѓани на ЕУ практично им се одземени основните граѓански слободи преку едноставен бирократски чин, без судска одлука. Уште позастрашувачка е фактот што одлуката е правно обврзувачка за сите членки. Тоа значи дека секој што ќе обезбеди средства или ресурси за обвинетите новинари би се соочил со санкции.
За миг функционерите на ЕУ го збришаа вековниот правен развој. Отфрлени се основните принципи како што се поделбата на власта (при што казнувањето треба да биде ексклузивен домен на независните судови), пропорционалноста и основниот концепт на nulla poena sine lege (нема казна без закон), забележува новинарот Томас Фази за Public.
Тој додава дека елитите на ЕУ всушност откриле начин да ги заобиколат законските заштитни мерки против репресијата на несогласувањето, преку механизам дизајниран да таргетира странски, а не домашни граѓани.
