Годинешната листа на магазинот Тајм со луѓе кои се клучни за напредувањето на вештачката интелигенција и одредување на насоката во која истата се движи го нема Илон Маск, ама затоа ја има Скарлет Јохансон.

Мерките кои се преземаа во ерата на пандемијата како што беа карантини, заклучување дома, затворање училишта, откажување спортски и други настани довеле до тоа мозоците на тинејџерите кои минуваа низ тој период битно да остарат. Не малку, туку цели четири години, утврдиле истражувачи од Универзитетот Вашингтон.

Времето на пандемијата беше страшно за научниците кои не се согласуваа со доминантните наративи и официјалните здравствени политики. Во нивното оцрнување не учествуваа само социјалните медиуми туку и нивни колеги научници кои создаваа атмосфера за линч. Подоцна добар дел од укажувањата се покажаа точни, ама тоа стана лански снег. Научниците кои дигаа глас преживеаја, но угледот на науката - не баш.

Извшетајот за конкурентност кој за Европската комисија го изготви Марио Драги го соочи Брисел со скапа вистина. Без дополнителни инвестиции од 800 милијарди евра годишно, континентот ја губи трката на глобалниот пазар и станува небитен. Европските бирократи можеби се надеваа дека ќе им биде препорачана шминка, а оно да ти требало сериозно преструктиурање.  

Како што тоа обично бива, фановите на Камала се убедени дека таа победила на првото соочување со Трамп а фановите на Трамп пак, никој не може да ги разубеди дека тој не ја растурил неа. Потрезвените посматрачи велат дека дебатата не направила никаков сериозен пресврт. Се нафрлат сега цитати и мемиња но најголемата поука, особено за Трамп, е да се пази на кој  медиум се оди на дебата. 

Истите овие што за сега се главни осомничени за неуспехот на мировните преговори во Истанбул меѓу Русија и Украина, кои според сведоштва стигнале до отворање на шампањско пред да се јави Борис Џонсон, сега почнаа отворено да навиваат за војна меѓу Русија и Кина.

Украина има сè поголем проблем со моралот и дезертерството. Воени офицери кои воделе некои од најжестоките битки веќе не можат да гледаат како им умираат луѓето. Дезертерството особено е зачестено меѓу новодојдените војници. Ќе отидат еднаш на позиција, ако преживеат, веќе не се  враќаат. 

Децата кои се подложни на тип 1 дијабетес и јадат банани, овес и јогурт е поверојатно да ја развијат болеста, додека ако истите консумираат јагоди и боровници го намалуваат ризикот од болеста, пренесува Гардијан.

Откако ја предаде претседателска номинација на Камала, снимките и фотографиите од Бајден главно се како одмара на лежалка на плажа. Излезе дека и добар дел од мандатот така му минал.

Само минатата година измамници успеале да им украдат над 5,6 милијарди долари на Американци на најразлични шеми и измами поврзани со криптовалути и ова е за 45% повеќе отколку во 2022, покажува извештај на ФБИ.

ЕУ ќе треба масовно да инвесртира за да го запре сè поголемото заостанување зад САД и Кина, порача Марио Драги, претставувајќи го долгоочекуваниот извештај за конкурентноста на европската економија. Неговиот документ ќе биде стратешка насока за новата Европска комисија и во него има 170 препораки од кои клучна е дека на ЕУ ѝ требаат 800 милијарди инвестиции годишно.

Шефот на американската разузнавачка агенција, Вилијам Барнс, првпат јавно призна дека навистина постоел ризик Русија да употреби тактичко нуклеарно оружје. Било тоа есента 2022 година, во текот на првите месеци од војната во Украина. Итно отишол да се види со рускиот колега.

На климатските шизења веќе не им се фаќа крај: Во Сахара, огромното пространство познато по дифолтната суша, со денови паѓа дожд (ќе мора камилите на перење да ги носат). Се случувал сличен дожд и порано, но не во овој дел од годината. Пустината очекува месецов да падне не еднаш, не двапати, туку пет пати повеќе дожд од обично.

На изборите во две германски покраини резултатите беа аларманти за меинстрим партиите. Социјалдемократите едвај го минаа изборниот праг за влегување во парламентот, Зелените веќе ги нема во едниот од нив. Предолго молчеа за проблемите на луѓето, оставајќи ѝ отворен простор на крајната десница која тоа знаеше да го искористи. Прв проблем - имиграцијата. 

Пред четири години Орегон го донесе најлибералниот закон во САД за декриминилизарање на дрогите. Во меѓувреме, злоупотребите на дроги и несаканите општествени нус-појави толку многу се прошириле што веќе не можеш дете да пуштиш на улица. Сега повторно ја криминализираат дрогата, дилерите ќе се казнуваат а оние со мали дози ќе бираат меѓу казна и превоспитување.

До пред некоја година тоа беше само уште една од „теориите на заговор“ кои беа исмевани. Во меѓувреме, се намножија премногу поединечни искуства дека штом падне муабет со некого за нешто (и не мора да е преку телефон), на следното отворање на интернет чудесно се појавуваат реклами баш за тоа што било тема на разговорот. Сега излегуваат и потврди дека микрофонот слуша и кога телефонот не се користи.

Апликациите за изнајмување е-скутери, заедно сосе скутерите, повеќе не се дозволени на територијата на Мадрид, затоа што не успеале да воведат ред каде истите да се изнајмуваат и  паркираат низ градот. Освен што на сегашните оператори ќе им бидат одземени лиценците, градот не планира да дава нови.

Едно од обвиненијата заради кои беше уапсен Павел Дуров се базира на закон за криптографија од 2004 и тоа е проблем за целосен технолошки сектор во ЕУ.

Оговодинешното лето е најжешкото лето на оваа планета досега и за тоа не треба никој да нè убедува. За климатски научници ваквите резултати се крајно алармантни бидејќи последниве 12 месеци ја пробија „апокалиптичната“ бариера од 1,5 целзиусови над прединдустриското доба.  Во Англија, пак, летото не било поладно речиси десет години.

Рударскиот гигант веќе поседува 51 од 52-те куќи во Горње Недељице, на просторот на планираниот рудниик за литиум. Сега ја купува и таа. Давале одлични пари (и по 700.000 евра) па отпорот сега го водат оние мештани кои живеат во куќи кои итно не му требаат на Рио Тинто.

Упорната, неколкудецениска војна против цигарите и пушењето во Австралија резултираше со стабилен и постојан пад на бројот на пушачи во земјата. Сè додека тој пад одеднаш не престана и покажа дека постои одреден дел од луѓето кои ќе продолжат да пушат без разлика на сè. А тие се доволно голем и добар пазар за да се заинтересира подземјето.     

40 годишен човек од Јапонија дошол до заклучок дека вообичаеените 16 будни часа во денот не му се доволни за да направи сè што сака и планира, па не само што сам се натерал да му е доста само пола саат спиење, туку сега и други учи да спијат кратко. А што прави тој па што толку не може да стигне? Хмм, билдер е.  

Некои тврдат дека повлекувањето на војската од Газа по потпишување на договор со Хамас за заложниците би било исто како и да си поразен и да се предаваш. Тие тврдат дека ова ќе ни се врати како бумеранг, во форма на уште еден напад, пишува пензионираниот израелски генерал-мајор Јицак Брик.

Владејачките талибанци неодамна издадоа низа брутални забрани за жените. Не им е дозволено да зборуваат јавно. Комплетно е забрането пеење и читање на глас. Не смееат да се видат со машко ако не им е маж или роднина. Од глава до петици мора да бидат покриени во црно. Какба е реакцијата на „меѓународниот поредок заснован на вредности“? Штурци.