Американскиот претседател предвреме го напушти Самитот Г7 и на својата социјална мрежа издаде морничаво предупредување до цивилите во главниот ирански град веднаш да го напуштат Техеран. Следните часови или денови ќе покажат дали ова е најава дека САД директно ќе се вклучат во израелската војна со Иран, иако главното ветување беше дека со него на чело, Америка нема да води бескрајни војни во странство.  

Анализа на владини податоци покажува дека во Велика Британија се доделени речиси 10.000 сертификати за признавање на посакуваниот пол. За три месеци оваа година се издадени 1.169 такви сертификати кои овозможуваат стекнатиот пол на лицето да биде легално признат и тоа е највисок број откако шемата започна во 2005 година.

Актерот и поранешен гувернер на Калифорнија го критикуваше папагалското користење на термините климатски промени или нето нула, велејќи дека претпочита да дејствува конкретно и да направи нешто со загадувањето отколку да се вплеткува во „глупав дијалог“ што малкумина го разбираат.

Ако луѓето од Израел и нивните пријатели ширум светот не издејствуваат владата на Нетанјаху да ги сопре ѕверствата во појасот Газа, Евреите треба да се подготват себе, своите деца и внуци на нешто што досега го немаат искусено: да ги поврзуваат со земја која станала извор на срам а не на гордост.  А еден ден новинари и фотографи ќе влезат таму и ќе го видат ужасот. „Не сакаме да станеме како најлошите од нашите непријатели,“пишува Томас Фридман во Њујорк Тајмс.

Среде забревтаната иницијатива на Доналд Трамп да го казни цел свет со тарифи и давачки за нивниот извоз во САД; Кина зазема сосема обратна стратегија. Ќе ги укине сите давачки при увоз на стока од Африка. Нивната трговска размена и онака бележи фасцинантен постојан подем, ова само  дополнително ќе ги засили врските и блискоста меѓу Пекинг и црниот континент.    

Шенгенската зона беше замислена и воведена за да ги приближи луѓето од Европа, да им ја прошири слободата и да ја олесни трговијата. Луѓето се привикнаа да патуваат без напорни контроли, половина од членките воведуваат гранични контроли за да ја запрат нелегалната миграција. Светот многу се промени од 1985 година, забележува белгискиот министер за внатрешни работи.

Силициумската долина до пред неколку години строго внимаваше информатичките иновации да не бидат злоупотребувани во одбранбената индустрија. Тоа време помина. Директори од водечки компании за развој на вештачка интелигенција облекоа воена униформа со еполети на потполковник. Ќе водат специјален одред на Армијата за да ѝ обезбедат глобална технолошка доминација.

Изненадувачкиот напад на Израел врз Иран имаше очигледна цел нагло да ја наруши нуклеарната програма и да го продолжи времето што му е потребно на Техеран за развој на атомско оружје. Но, обемот на нападите, изборот на цели од страна на Израел и изјавите на премиерот Бенјамин Нетанјаху сугерираат друга, долгорочна амбиција: соборување на теократскиот режим во Техеран.

Со нов комерцијален шпионски софтвер од израелска компанија поддржана од САД биле следени двајца уредници во Италија што откриле афери за владејачката партија на премиерката Џорџа Мелони. Канадската лабораторија за експертиза Ситизен лаб открила и трета жртва на следење во Европа, но не се знае на колкумина им е загрозена приватноста и кој е одговорен за тоа. 

Нападот врз Иран бил овозможен од тајна операција на израелската тајна служба Мосад, која изградила база за дронови длабоко на непријателска територија, близу Техеран. Од далечина биле активирани проектили скриени во приватни возила. Кога борбените авиони летнале од Израел со проектилите, небото над Иран веќе било исчистено од противвоздушна одбрана.

Навистина е големо чудо како британскиот патник го преживеал уривањето на авионот во Индија, но тоа нема врска со местото во кое седел во кабината, тврдат експерти. Едноставно имал к'смет. Исто како и стјуардесата на ЈАТ Весна Вуловиќ, која пред половина век преживеа пад од десет километри. Чудото од Индија сепак ќе поттикне многу патници да го резервираат седиштето 11А.

Специјален модел на вештачка интелигенција, нахранет со јавно достапни финансиски податоци и  анализи, управувал портфолија поуспешно отколку 93% од искусните брокери на Вол стрит и од тргувања би заработил десетици милиони долари повеќе. Има и квака. Ако инвеститорите од Вол стрит решат целосно да се префрлат на машини со ВИ, ќе се израмни просторот за натпревар. 

Редовни физички активности на отворено, пред сè возење точак или пешачење до работа, се поврзуваат со помал ризик од деменција и поздрав мозок. Студија со која биле опфатени навики на половина милион луѓе на долг период покажува дека активните начини на патување го зголемуваат волумен на хипокампусот, кој е клучен за когнитивната функција и подобра меморија.

Додека компаниите влеваат милијарди долари во инфраструктурата за вештачка интелигенција, се води голема битка за талентите со природна интелигенција, кои треба да ги управуваат скапите системи. Мета има годишен пакет за плати од над 2 милиони долари за таленти за ВИ, но сепак продолжува да ги губи своите луѓе. Најчесто заминуваат во Антропик, но не само поради парите.

Летото е сезона на планови и спомени. Зошто да не вложите во моментите што ќе се паметат – како свадбата што доаѓа? Или во летувањето што конечно ќе го поминете со најблиските, без компромис? Повеќето добри одлуки почнуваат со едноставно „зошто да не сега?“ Зошто да не го уредите конечно тој агол во дневната што го замислувате со месеци? Зошто да не вложите во нов компјутер што ќе ви ја олесни работата, или да го запишете детето на летниот курс што постојано го споменува?

Данскиот парламент конечно го усвои Договорот за одбранбена соработка со САД, кој им дава право на Американците да имаат воени бази, да распоредуваат војници и да складираат воена опрема на данска територија. Ова не важи за Гренланд, на кој Трамп одамна му фрли око и сака да го присвои. Данската опозиција реагира дека договорот е „продажба на националниот суверенитет“.

Прво во Сан Франциско па во Лондон, се појави рекламна кампања со слоган кој изнервира доста луѓе кои одејќи на работа, мора да ја видат и рекламата која ги потсетува дека заради вештачката интелигенција, во блиска иднина многумина од нив ќе станат непотребни. А не дека нема аргументи зад кампањата. 

Американската Агенција за заштита на природата бара да бидат укинати ограничувањата за емисии на стакленички гасови што администрацијата на Бајден им ги наметна на електраните на јаглен и природен гас. ЕПА тврди дека мерките прават штета на енергетската индустрија од милијарди долари годишно. Климатските активисти возвраќаат дека штетата од загадувањето ќе биде многу поголема.

Италијански истражувач во март објави дека открил огромна структура под Големата пирамида во Гиза. Прочуени археолози го отфрлија ова како „глупости“, тврдејќи дека нема радар што може да снима толку длабоко. Наместо да замолчи пред авторитетите, Бјонди им фрла нова јадица: Не бил еден подземен град, туку два. Ако се покаже дека е прав, историјата ќе мора да се пишува од нула.

Албански шверцери со луѓе се промовираат на социјалните мрежи нудејќи безбедно префрлање мигранти во Британија. Наплаќаат по 4.000 фунти за да ги протнат мигрантите преку „задната врата“, користејќи ја меката граница помеѓу Ирска и Британија. Други организираат транспорт со авиони, бродови или камиони или им помагаат како да побараат азил или да најдат работа на црно.

Во Европа шверцот на цигари лани значително се зголемил откако криминалните мрежи се преориентирале на модерната технологија. Големите магацини и транспортот во шлепери преку граници повеќе не им се исплатливи. Сега работат на ситно. Ги празнат магацините. Наоѓаат муштерии преку социјални мрежи и испорачуваат штеки со дронови на домашна адреса. 

Научниците не се изненадени од откритието дека кучињата што останале да живеат околу стопените реактори на нуклеарната централа Чернобил еволуираат побрзо од сродните. Но не очекувале дека генетските мутации не се директна последица на радијацијата. По 30 генерации, кучињата од Чернобил се прилагодиле на озрачена околина, а и не им пречи отсуството на човекот.

Мозокот е штедлив, динамичен и неверојатно ефикасен орган - го регулира биењето на срцето, варењето на храната и рамнотежата додека во исто време се напрега да реши тешки задачи. И тоа го прави без да запре. Дури и кога се опуштате по напорен ден тој самиот си наоѓа работа и цица гликоза. Во мирување согорува енергија само 5% помалку отколку кога максимално се напрега.

Администрацијата на Доналд Трамп го отфрли досегашниот систем на „еднаквост, правичност и инклузивност“ за пополнување на работните места во федералните служби и најави дека ќе вработува според заслуги. Кандидатите за вработување во државна служба ќе се соочат со нов предизвик: добро да ги научат приоритетите на политиката на претседателот и да се усогласат.