Кина успеа да создаде ураниум од ториум, како алтернативно гориво за нуклеарни реактори од идната генерација. Во споредба со класичните нуклеарни централи, на ториумските не им треба вода за ладење, може да бидат помали и подалеку од море или река, и не се голем ризик за околината. И најважно од се, Кина има резерви од ториум за да прави струја 20.000 години.

Американскиот министерот за здравство, Роберт Ф. Кенеди Јуниор ги повика светските здравствени тела итно да ја отстранат живата како додаток во вакцините. Живата е опасна и поради тоа веќе е забрането нејзиното користење во светилки, во шминки и во лекови, но се уште во многу земји е дозволено да се вшприцува во бебиња и бремени жени.

Врховниот суд на САД ја одобри одлуката на администрацијата на Трамп во пасошите на Американците да биде означен нивниот биолошки пол при раѓањето. Трансродовите или оние што се претставуваат како небинарни, нема да можат по сопствена желба да ја избираат ознаката за пол во документот. „Полот при раѓање е факт, исто како и земјата на раѓање“, пресуди Судот.

Европската Унија одлета на глобалниот климатски самит во Бразил со разводнети климатски цели. Тоа сведочи за голем пресврт во политичкиот моментум. Големиот зелен план што го најави Урсула фон дер Лејен сè уште е на сила, но по половина деценија доминација на Зелените во климатската политика, агендата сега е во рацете на многу поскептична група земји.

Најголемата и највлијателна видео платформа тивко избришала 700 снимки на кои е документирано како Израел спроведува геноцид врз Палестинците и ги прекршува човековите права во Газа. Јутјуб реагирал согласно санкциите што администрацијата на Трамп ги воведе против сите што соработуваат со Меѓународниот суд во Хаг, кој го обвини Нетанјаху за злосторства.

Инсталирањето на радикалната родова идеологија почнува од најрана возраст. Во формуларот за прием на дете во градинка во Квинсленд од родителите се бара да се произнесат дали воспитувачите да му се обраќаат на детето со „тие/нив“. Психолози предупредуваат дека наметнувањето небинарна родова агенда на таа возраст ги збунува децата и им пречи во развојот.

На низата луди проекти за прскање аеросоли во стратосферата за да направат сенка на Земјата за да го спречат глобалното загревање, се појавуваат и спротивни – за рефлексија на сончеви зраци ноќе. Американски стартап собира инвестиции за да постави огромни огледала кои по стемнување ќе насочуваат сончева светлина кон соларни централи. Има мал проблем. Законите на оптиката.

Меинстрим републиканците починаа пред девет години. Погребот на Демократската партија започна со победата на Зохран Мамдами. Таа левица е единственото политичко движење од таа страна што има енергија и изгледа спремно да преземе контрола. „Што значи тоа? Ништо добро“, пишува Мат Таиби. Новите верници кои нејќат да читаат книги а растеле со ТикТок, појма немаат што слават.

Шефовите на ББЦ настојувале да ја извртат историјата на Британија и да ја прилагодат на агендата на воук активистите. Ги игнорирале критиките од професори од Оксфорд и Кембриџ, кои се пожалиле дека документарци за колонијалното минато, за ропството и за гладот во Ирска се полни со неточни податоци, претставени како вистинити, а намерно биле премолчени важни факти.

Додека Гугл ја брани својата империја од регулаторите во САД и ЕУ, информатичкиот гигант ја предвидел оваа битка и се спремал за неа пред повеќе од две децении. Се врзувал со еврокомесари и плаќал лобисти за да покаже дека доминацијата ја обезбедил со иновации, а не со матни бизнис зделки. Сега е соочен со најсериозната битка во Брисел.

Микроорганизми во океанот еволутивно стекнале способност да се хранат со пластиката со која луѓето ги загадија морињата. Во големите длабочини, каде што речиси и нема храна, јаглеродот од цврстата пластика им помага на бактериите да преживеат. Оваа способност нема да ги исчисти океаните, но може да послужи за нови третмани за рециклирање и чистење на копното.

Владата на Кир Стармер потрошила 200 милиони фунти од даночните обврзници за да им помогне на големите компании да постигнат „нето нула“ емисии на штетни гасови, иако „зелените“ проекти во кои се вложени парите реално не ја компензираат штетата. Се финансираат и апсурдни проекти како запирање на загадувањето на морињата во африкански земји без излез на море.

Кинеските електрични автобуси за градски превоз „Јутонг“ што ги купиле Данска и Норвешка имале скриени СИМ-картички што му овозможуваат на производителот да ги деактивира, дури и кога се во движење. Механизмите досега не биле злоупотребени, но не се знае кој сè може да ги вклучува и исклучува. Данска тврди дека вакви дупки имаат сите уреди со кинеска електроника.

Арапскиот сервис на британскиот јавен медиум во своите извештаи за војната во Газа ги ширел тврдењата на терористичката група и ги минимизирал страдањата на Израелците. Сите извештаи насочени против Израел биле објавувани без соодветни проверки, се пренесувале изјави на лица што ги славеле терористичките напади на 7 октомври, забележува комисијата за контрола.

Во акумулацијата од која Техеран црпи вода за пиење останало доволно вода за само уште две недели. Веќе е прекинато водоснабдувањето во неколку населби. Мегалополисот со десет милиони жители е погоден од историска суша, но кризата е предизвикана и од лошото управување со капацитетите и прекумерната експлоатација на подземните ресурси на вода.

Херојот што им го спаси енергетскиот систем на Украинците од руските бомбардирања сега е на суд, поради спорно обвинение за случај од пред седум години. На суд заврши и поранешниот претседател Порошенко, за да не се кандидира за избори. Зеленски ги користи судовите како оружје за да го исчисти полето од конкуренти и да го зацементира монополот врз власта.

Некој кој бил роден кон крајот на 1930-тите, шансите да тврди дека е „трансродов“ или „небинарен“ практично биле нула. И покрај драматичните промени во сексуалната еднаквост и слобода, следните 60 години тој број се движел околу 0,4%. А потоа, овој број одеднаш се зголемува после 2008 година, кога кохортата родена во 1990 година станува полнолетна. Одеднаш ли биологијата почна толку да греши и да фрла луѓе во погрешни тела?

Десетте најбогати Американци во изминатата година го зголемиле своето богатство за уште 698 милијарди долари. Заработувале сто пати повеќе од средната класа и речиси илјада пати повеќе од најсиромашните. Оксфам во својот нов извештај укажува дека администрацијата на Трамп го зголемила јазот во богатството во САД, но тоа го правеле и демократите пред него.

Британската корпорација монтирала снимки од обраќањето на Доналд Трамп за време на немирите на 6 јануари 2021 година за да изгледа дека тој повикува на напад врз Капитолот. Трамп всушност повикувал на поддршка за сенаторите. Монтировката била емитувана една недела пред претседателските избори во САД во 2024 година, во очајнички обид да се влијае врз гласачите.

Како што ни се приближува кометата-натрапник во нашиот Сончев систем, така се повеќе ги збунува, па и ги вознемирува астрофизичарите со своето непримерно однесување. 3I/ATLAS едноставно не се движи по очекуваната патека теоретски дефинирана од гравитацијата и зад себе остава чудна опашка. Тоа физичарите не можат да го објаснат, ако кометата нема сопствен погон.

Локални советници во една од најстарите и најнаселените општини во Лондон ја злоупотребуваат довербата и обврските водејќи кампања за парламентарни избори во Бангладеш, од каде што пристигнале во Англија. Не прекршиле закон ниту во Британија ниту во Бангладеш, но покажуваат колку им е битна довербата што ја добиле од заедницата во која се интегрирале.

Првите луѓе на два од најголемите снабдувачи на гас на Европа предупредија дека ако не можат да работат успешно, ќе бидат принудени да го напуштат теренот. Станува збор за европските регулативи за оддржливост кои предвидуваат казни од пет проценти од нивните глобални приходи. Ако не можат да крадат руски пари или драконски да казнуваат во име на климата, од што ќе живеат евробирократите?    

Италијанка што добила воспаление на ‘рбетниот столб откако примила вакцини против ковид ќе добива отштета. Врз основа на сведочење на независни експерти, суд пресуди дека тешкото невролошко оштетување „не може да биде случајност, ниту може да се објасни со претходно автоимуно заболување“. Во Италија имало 593 случаи на трансверзален миелитис по вакцинација.

Кога Хавиер Милеи најави дека ќе биде претседател, луѓето се смееја. Откако победи, му претскажуваа масовни протести против кратењата и изборен пораз. Сега доби поддршка да ги заживее своите радикални реформи, кои треба да ѝ го вратат пристапот на Аргентина до меѓународните пазари на капитал и да ѝ обезбедат долгорочна стабилност без оглед кој е на власт.