Фолксваген, Ауди, Порше, БМВ и Мерцедес во 1990-те формираат таен картел за соработка на тема заобиколување на прописите околу загадувањето од дизел, објавува Шпигел.

Како што објаснува магазинот Политико, тие се во право околу заканата што Путин ја претставува за американската демократија. Ама грешат за речиси сè останато.

2018 е годината во која ќе излезе шестата книга од серијалот Песна за мраз и оган а.к.а. Игра на тронови, барем така вика Џорџ РР Мартин и овој пат е сигурно, скоро, ако ништо друго барем најверојатно.

Над 3 децении стариот артефакт од првите денови на Виндоус се најде на списокот елементи на Виндоус 10 кои или ќе бидат отстранети или повеќе нема да бидат развивани.

Гугл собира 77% од парите за реклами во резултатите од пребарување. Гугл и Фејсбук контролираат 56% од пазарот на реклами на мобилни уреди. На Амазон отпаѓа 70% од целата продажба на е-книги и 30% од е-трговијата во САД. Низ Фејсбук минуваат 75% од сите инстант пораки, кога ќе се собере сообраќајот на ФБ месинџерот, Вотсап и Инстаграм пораките.

Сите верзии на брегзит (тврд / мек) имаат свои негативни страни и сепак лидерите на Британија не можат да признаат дека напуштањето ќе значи и правење компромиси, а не па колку ќе бидат тие штетни, се порачува во текстот на Економист.

Како што бројот на католици и протестанти во Германија продолжува да се намалува, според Евангелистичката црква на Германија земјата 2016 ја завршила со стотици илјади христијани помалку, пишува Ди Цајт.

Словенија ќе ја тужи Европската Унија затоа што ѝ дозволила на Хрватска да продава вино под име кое тие го имаат заштитено.  Има само еден теран и тој е словенечки, ќе крикнаат оние кои ни го украдоа ајварот.

АИ програми на Фејсбук спонтано развиле јазик со кој си муабетеле меѓусобно. Точно е дека ова би била суперкорисна технологија, ама шубе некако. 

Кронизмот е царување на оние фирми кои имаат дебели врски со политиката и без кои, во атмосфера на слободна пазарна конкуренција, брзо би рикнале. Се чини дека по добивањето на смртниот удар, поразениот комунизам успеа да го инфицира победникот со вирусот на „врските“ кои и ја уништија неговата кондиција.   

Во еден алармантен повик за будење на своите политички шефови, воената каста во Америка, преку Пентагон предупредува дека доаѓа крај на американската доминација во светот. Интересно е што опасноста веќе не се гледа само во растот на традиционалните непријатели (Русија, Кина, Иран, Северна Кореја) туку и во реалната можност арапската пролет да затропа на погрешна врата.  

Слично како во случајот со Македонците и бугарските пасоши, после Брегзит многу Англичани одеднаш се сетија на своите ирски корени и фатија да ги бараат изводите за раѓање на своите баби и пра-дедовци. Тролање од Гардијан.

Новиот филм на Кристофер Нолан за битката кај Данкерк според УСА тудеј кинематографски е сосема во ред, ама човечки е крајно некоретен. Во филмот за една од најголемите битки на британската армија во Втората светска војна да ти немало жени и глумци што не се белци.

Иако е премногу далеку и е малку веројатно, ваквата замисла неодоливо потсетува на средината на 2015, кога Трамп прв пат објави дека се кандидира за претседател, а и левите и десните се спрдачеа со него и замислуваа како би изгледала таа Америка чиј претседател е поранешен водител на реално шоу и сеопфатен кловн.

Нам ни изгледа како дел од работничкиот рај што отсекогаш сме го посакувале, таму пак сè помасовно се доживува како непотребно губење време на работниците. Резултат, за некоја година и ние и тие во минато време ќе зборуваме за сиестата.

Медиумот си поигра со својата озлогласеност на Запад каде се смета за ударна тупаница на руската пропаганда и дежурен виновник за медиумската конфузија па извади слогани од типот: „Изгубивте избори? Пропуштивте авион? Обвинете нè нас!“

Еден од најозлогласените затвори во Европа по Втората светска војна, во кој буквално коските ги оставаат неброени противници и неистомисленици на тогашните југословенски власти, партија и идеологија, стана туристички камп за млади.

Хемичари од Универзитетот во Алберта конечно утврдиле доверлив метод како да пресметаат колку човечка урина има во некој базен. Нема да ви се допадне она што сега ќе го прочитате: колку ви е послатка водата....

Неодамна во Белград агенција понуди тура во која туристите можат да "запознаат Цигани" и ако сакаат со нив да собираат старо железо. За кратко време понудата беше повлечена, и не заради немање интерес од западните туристи.

Американска новинарска се направи предмет на масовен подсмев откако разгласи дека го тужи Трамп затоа што на неговиот личен (повторуваме: личен) Твитер, против неа го употребил едно од најкорисните копчиња таму - да блокираш некого и да го скинеш од својот радар (па нека си смрди во свој двор). Причината ѝ е глупа, објаснувањето неподносливо. Конечно и ние потполно да го разбереме златокосиот.

Ниту спомениците, ниту животот во времето кога тие се создадени, не се ни приближно минималистички како што изгледаат денес. И ова не би било многу проблем, кога истото тоа белило не би се користело низ историјата како аргумент за доминантноста на белецот, а подоцна и за етничката чистотата на античките општества.

Американскиот претседател одлучи да стави крај на тајната програма на ЦИА за вооружување и обука на сириски бунтовници кои се борат против владата на Башар ал Асад. На ова претходеа неколку најави од Тилерсон и американските медиуми дека САД ќе остават Русија да решава за судбината на сирискиот претседател.

Како наследник на саудискиот престол, речиси и да не постои човек кој може да му нареди или каже што било на принцот Мухамед бин Најеф. Така е се до една вечер во јуни годинава, кога тој е итно свикан во палатата во Мека, и таму со часови држен против своја волја се додека не се откаже од правото на престолот. Следното утро во Саудиска Арабија изгрева со веста дека земјата има нов принц-наследник, 31-годишниот син на кралот, Мухамед бин Салман.

Болниците и аптеките законски се должни да ги фрлаат лековите со минат рок на траење без разлика колку се неопходни или скапи. Во исто време, дури и на најнадлежните власти им сосeма јасно дека најголемиот дел од лековите се безбедни и употребливи со години (и децении) по рокот испишан на нив.