Како што добиваше на изглед, боја и сјај, доматот во последниов период  сè повеќе губеше на мирис и вкус. Тоа е толку болна загуба што кога денес човек ќе наиде на прав патлиџан, лицето му се озарува како да открил таен портал до своето детство. Зошто денешните немаат вкус? Како ќе имаат кога им фалат цирка 5.000 гени?  

Во 2017 година, надлежните американски институции одобруваат еден безобразно скап лек кој на докторот му кажува дали си го испил. Две години подоцна, признаваат дека можеби и не било најпаметно на човек кој страда од шизофренија да му нудиш апче кое има чип во себе. 

ФБИ разбиле регионален ланец дилери и заплениле килограми и килограми кокаин (и други масла од канабис), благодарејќи на незадоволни корисници. Кога се заинтересирале за ова корисничко незадоволство, агентите откриле дека робата оди по најрегуларен поштански ланец.

Смениле декан затоа што на студентите не им се бендисувало што професоров, во својство на адвокат, решил да биде во тимот за одбрана во судскиот процес против Харви Вајнстин. Не им се бендисувало на студентите! Озбилно.

Моментлно Јапонците користат телефонски броеви со 11 цифри, и овие би требало да се потрошат некаде до 2022 година.

Лекцијата што американските интервенционисти ја научија од војната во Ирак е: присвој ја дебатата. Па така, денес сите се за промена на режими, пишува Мат Таиби во Ролинг стоун.

Американскиот претседател направил најмалку 434 милиони долари од своите бизниси во 2018, и ова главно е полошо отколку пред да стане претседател.

Приказната за легендарниот бразилски фотограф Себастијао Салгадо и неговата сопруга Леила потсетуваат на онаа мудрост од кинеската поговорка: „Најдобро време да засадиш дрво било пред 20 години. Второто најдобро време е денес“.

Старите не сакаат да престанат да возат на стари години (70+) и тоа ти е.

Учество во ризични активности всушност е многу важно при спречување на повреди, со неверување заклучуваат луѓето кои се занимаваат со детската игра, и недостатокот на истата.

Една белешка од студијата „Историја на американското мировно движење“, од Дејвид Адамс, 1985 година.

Пеколот е составен од други луѓе што зборуваат за Игра на тронови. И пеколот, како што открив на мое масовно ужасување, е невозможно да се избегне.

Во Ирак и Сирија не постои зголемена закана од Иран, порачал британски генерал што од лично искуство го знае ова како актуелен втор човек на анти-ИСИС коалицијата, и со тоа директно ги оспори тврдењата на САД што се користат како оправдување за трупање воени сили во регионот.

Иако речиси сите се тркаат како своите производи да ги направат полесни за користење или тие да бидат инстантно употребливи, постои една контра цака која е уште појака во продажна смисла. ИКЕА тоа најдобро го знае.  

Иако деца се повеќе и повеќе дремат на телефони и таблет уреди, телевизорот и понатаму останува доминантен извор на забава за деца на возраст меѓу 2 и 11 години.

Повеќе од еден век знаеме дека физичкото опкружување влијае на менталното здравје на луѓето. Како што минува време научници и доктори само трупаат нови докази за тоа какви се дијагнози и психички состојби се предизвикани со самото тоа што некој живее во град. И стандардно, колку повеќе накај центар на град, толку е полошо.

Пред три недели првиот човек на американското министерство за правда, Вилијам Бар, започна со истрага како и зошто воопшто дошло до тоа Роберт Мулер да спроведе истрага против американскиот претседател. По пат на помош ги викна и ЦИА и ФБИ.

Последен збор во науката е дека младоста не мора да биде клучен фактор во нечиј успех, било да е деловен, било да е спортски. Постои нешто што тешко се мери но игра и тоа каква улога. Се вика мудрост.

Ревизија на работата на Гугл њуз покажува дека агрегаторот на вести фаворизира многу мал број новински извори на сметка на сите останати.

Пред неколку години Вајс успеа да направи страшна приказна околу себе - медиум што младите го следат и читаат, нешто што ги привлече сите поголеми медиумски куќи од кои најголеми мускули покажаа Дизни, инвестирајќи 400 милиони долари во Вајс. Сега Дизни се пишман за парите што ги дале.

Приватен инвеститор со својата подморница се нурнува на 10.927 метри во најдлабокото место на светот, и таму наоѓа едно многу ништо и едно парче отпад.

Станува збор за крајно комплициран концепт во кој ако направиш сè како што треба со отпадот рециклирањето врши работа, само ретко кој прави „сè“ и „како што треба“, па на крај најголемиот дел пак завршува во депонија.

Загреб преживеа ветар каков што луѓето таму не памтат последниве 45 години. Преку 100 километри на час, со корнење дрвја, фасади и кровови. Надлежните служби за помош имале неколку стотици интервенции а на терен се неколку илјади пожарникари кои пробуваат да ја санираат штетата.  

Ф-35 е моделот кој треба да биде столбот на американската и НАТО воена авијација во следните неколку децении, проект на кој се вложени сериозни пари, време и ресурси. Во септември минатата година една од 35-ките падна, по што почна паркирање на неодредено време на авионите од овој модел.