Да им веруваш на изјавите на Саудиска Арабија околу нивното производство на нафта, за експертите е исто како да и веруваш на Кина за нејзиниот економски раст. И деновиве ова само се влоши по нападите на саудиските нафтени капацитети.

Како ретко кога Папата деновиве го собрал својот тим за комуникации за да разговара за јазикот, конкретно за придавките и именките.

Не таа естетската, не таа амбалажната, туку најважната пластика на која неповратно е навлечена светската популација - банкарската пластика.

Како што Пентагон го смета глобалното загадување за закана за американската армија, така Пентагон во исто време е и закана за влошување на глобалното затоплување.

Две Јапонки решаваат да живеат во истополова заедница а по некое време и својата врска да ја надополнат со дете. Потенцијалниот хепи-енд заглавува кога во приказната се појавува донаторот.

Аивар Рехе беше директорот на естонската филијала на Данске банк, кој пред некој ден исчезна, за вчера да биде откриен мртов во дворот на својата куќа.

Двојка од Индијана е обвинета за запуштање и негрижа на дете, откако нивната 11 годишна посвоена ќеркичка ја оставиле самичка во апартман. Само што родителите тврдат дека нивното „дете“ е 22 годишна жена, и тоа психопат.

Најнов меѓу „неверниците“ околу временската рамка за реновирање на катедралата е францускиот министер за култура.

Угледен француски готвач ги тужи Мишелин бидејќи смета дека неправедно му е одземена една ѕвезда. Тврди дека му се паднал недоветен рецензент на неговата храна кој помислил дека користи англиски кашкавал за француски специјалитет. А нема врска.

Тестовите не се тривија (која му била прва женска, или што музика слуша), туку ќе се однесуваат на тоа колку новинарите ја разбираат Мислата на Ши Џинпинг, доктрината на кинескиот претседател од 14 точки кои треба да го обележат неговото владеење.

Ако сакате интернетот да го заборави вашето минато, најдобро е да се преселикте во ЕУ. Таму Гугл мора да ги тргне непријатните линкови за вас ако тоа го побарате, на други места не.

Зелимхан Кангошвили е Чечен кој пред 20 години ја преживува војната (на страната против Русите), преживува бараж од куршуми во Тбилиси во 2015, бега на уште еден атентат во Украина, и на крај завршува во Берлин каде живее од 2016 до пред некоја недела кога тргнува во џамија и по пат завршува мртов со два куршуми во глава.

Пред некое време Порше го прикажа своето прво комплетно електрично возило Тајкан, и објави дека истото тоа возило успеало да постави рекорд за круг на Нурбургринг од 7 минути и 42 секунди. Ова беше премногу за егото на Елон Маск па човекот не додржа и на Твитер објави дека праќа Тесла Модел С на Нурбургринг за да го собори рекордот.

Најдоброто перо на Ролинг Стоун (море и генерално, во американските медиуми), Мат Таиби, пишува за тоа како Доналд Трамп ги растура и допрва ќе ги растура. А на овие не им иде памет.

Нео-нацистичката партија го скрати бројот на вработени во седишето во Атина, а низ земјата ги испозатвори своите канцеларии. Ова е делумно затоа што нивната галама главно издиша, а делумно и затоа што добар дел од другите партии ги приближија своите ставови кон некогаш незамисливото однесување.

Многу се ретки но постојат луѓе чиј стомак, поточно бактериите во него, можат да произведуваат енормни количини алкохол. Таквите знаат одеднаш да станат гипс пијани, без да пипнат алкохол. А вие давајте пари за пијачки и скенирајте сметки.

Една од оние колегијални идеи што никогаш не успеваат, не само што успеа во Бразил туку и заврши со милионска премија за членови од пратеничка група на долниот дом од тамошниот Конгрес.

Се работи за многу пари, речиси 13 милијарди долари, кои Марлборо ги даде не така одамна надевајќи се на долг рок да штрбне нешто од успехот на електронската цигара Џул. И сето имаше многу логика до пред некое време, кога Трамп одлучи да почне да воведува забрани на е-цигарите.

Полуавтоматската АР-15 (која со малку чепкање знае да стане автоматска) е една од пушките од портфолиото на Колт од која повеќе нема да биде произведен ниту еден примерок за цивилна употреба.

Како што обично бива со работи организирани на Фејсбук, упадот во Ареа 51 целосно издиша дури полошо и од најконзервативните предвидвуања.

„Затвораме дуќан.“ соопштија од најстарата патничка компанија во светот, британската Томас Кукс, оставајќи заглавени во странство стотици илјади Британци кои сега некако треба да бидат вратени дома, во најобемната акција за мировна репатријација со која земјата се има соочено. Заглавија вкупно 600.000 луѓе.

30 години по оние бенд-ејдови и уса фор африки, на гладниот континент едно време се одржа конференција на тема: Што правиме со дебелите? Етиопскиот одговор е интересен: ако во светот постои еден ден без автомобили, ние да го имаме еднаш месечно.

Синот на Леонард Коен реши дека вреди да се доработат и објават песните кои татко му ги пишувал кон крајот на својот живот. Леонард Коен зад себе остави 14 албуми додека беше жив, ова е неговиот прв кога е од другата страна на шанкот. Се вика „Thanks for the Dance.“

Сексуални работнички од Невада во која проституцијата е легална а деновиве е центар на интерес поради акцијата за упаѓање во мистериозната Ареа 51, планираат дебело да заработат од таа вирална акција организирана преку интернет. Само еден бордел кој е претворен во тематски забавен парк за возрасни, очекува да заработат 600.000 долари.