Таман кога светот помислил дека куртулил од првиот бран, доаѓа втор, со мутирана и многу посмртоносна верзија на вирусот. А врвната медицина и наука од тоа време, цело време бараат лек за бактерија. Кои се наравоученијата?

Моментално Гардијан има 821.000 читатели кои секој месец му донираат пари на медиумот, и тоа е околу 200.000 повеќе од март минатата година.

Градови низ Америка почнаа да ги забрануваат маските со вентил, да не ги сметаат како носење маска, по основа не дека се штетни за тебе, туку се опасни за тие околу тебе.

Дури и пред проблемите со коронавирусот, во Либан вриеше заради проблеми со пари. Ноќеска прекипе и демонстрантите запалија десетина банки откако вредноста на националната валута дополнително девалвираше.

Иако војната во Виетнам траше пар децении (1955-1975) а здравствената војна трае два и нешто месеца, и вкупниот број жртви и стапката на смртност превагнуваат кај пандемијата. А за да биде точно „карма из а бич“ се погрижи Виетнам: таму од коронавирус досега нема умрено ниту еден човек.

Следната недела како што владата постепено ќе почне да ги укинува ограничувањата воведени заради коронавирусот, така постепено ќе почнат да се отвораат и хотелите низ земјата, објаснува грчкиот министер за туризам, Харис Теохарис.

Кристијан Дростен кој го води Институтот за вирологија во Берлин е еден од оние кои го идентификуваа САРС вирусот во 2003 година. Како шеф на референтната германска лабораторија на јавното здравство за коронавируси, станува еден од главните владини експерти за актуелната криза. Во интервју за Гардијан признава дека се плаши од вториот бран на епидемијата, објаснува зошто Ангела Меркел е во предност пред другите светски лидери и открива што не му дава сон.

За сега Токио 2020 е префрлена во 2021, меѓутоа може да се случи комплетно да биде прескокната и избришана доколку ова со коронавирусот не се смири до крајот на годината.

Британските богаташи, внимателно опишани како поединци со висока нето вредност, периодов имаат сериозен проблем со седењето дома затоа што и целата нивна послуга, како батлери, чистачки, бебиситерки и останато, исто така си седи по дома и не доаѓа на работа.

Деновиве по портали и мрежи веројатно ќе наидете на бомбастична вест дека „Јапонскиот Нобеловец доктор Тасуку Хонјо тврди дека вирусот не е природен туку создаден од човек.“ (со стандардните украси „сензационално“, „шокантно“). Во таа реченица точно е дека Тасуку Хонјо е Нобеловец. 

Професорот од Стенфорд почувствува како е да ти се наврти менталитетот на толпата која преторијански ги штити доминантните уверувања на времето во кое се живее. Џабе што е научник, џабе што се повикува на податоци и факти. Ама па никој не може да те присили да се откажеш од податоците и фактите. Јоанидис со леснотија се држи до нив.

Иако цело време тлееше, теоријата дека ковид-19 (сакајќи или не сакајќи) е излезен од лабораторија доби сериозна тежина откако стана една од алатките за поткусурување меѓу администрацијата на Трамп и Кина. Американски научници што немаат што да поткусуруваат се на сосема спротивната страна од оваа теорија.

Ублажувањето на кривата има смисла како купување време и избегнување на колапс на здравствениот систем. Но, само по себе, купеното време не значи ништо и не спасува животи. Ако популацијата во голема мерка не биде имунизирана на коронавирусот, или природно или со вакцина, кога и да се дигне карантинот, заразата ќе се врати на својата вродена стапка на ширење и ќе се случи ама баш истото како да немало мерки. Ако не и полошо. 

За сега постојат само „анегдотални докази“ од Кина дека хлорокин помага во олеснување на последиците од вирусот, но ако клинички се потврди дека тој е успешен во третирање на коронавирусот ЦЕО-то на Баер вети дека компанијата ќе го донира целото свое производство од лекот.

Од Белгијците е побарано да јадат плус една порција помфрит неделно за време на коронавирусот, не за да ја спасат нацијата од вирусот, туку за да го спасат компирот од вирусот.

Во страв да не се заразат по болници, родители не ги носат децата ни на редовни прегледи ни на редовни вакцинации. На тој начин оваа пандемија го сее семето на некои идни здравствени кризи кога ќе е можно да нè сардисаат и посмртоносни болештини.

''Boj se ovna, boj se govna, a kada ću živjeti?'' 
Меша Селимовиќ

Згуснатата крв можеби ја објаснува неефикасноста на респираторите во кои толку се надевавме. Со нив пушташ воздух да циркулира низ белите дробови но бадијала е тоа ако не циркулира крвта. 

Ставот на Кина е дека независна меѓународна истрага за потеклото на вирусот што го блокираше светот е непотребна и не доаѓа предвид.

Една од предложените мерки за социјално дистанцирање е отстранување на средното седиште од авионите во колоните каде што има три во ред. Доколку се направи ова, математиката на Рајанер станува невозможна.

Доналд Трамп, бизнисмен по образование и професија, со моментален ангажман како претседател на САД, најлаички запраша дали може луѓето да се вшприцува со средство за дезинфекција како лек од коронавирус, и сега на цел здравствен систем и експерти околу него треба да им паднат пломби од објаснување дека човек не треба да се вшприцува со средство за дезинфекција.

Сооченоста со смртта, хемијата на анестезиите, неприродноста на дишењето преку апарат поради што некои пациенти мораат да бидат врзувани за да не ги откорнат цревата од себе... сето тоа може да остави трајни последици во мозокот, од пост трауматски стрес синдром до когнитивно марушување и деменција.

Властите на Калифорнија затворија еден популарен скејт-парк со истурање на 37 тони песок, затоа што сите претходни разумни обиди за негово затворање не успеаа.

Танкерите кои моментално дремат околу брегот на Калифорнија носат доволно нафта за да покријат 20% од светската потрошувачка.